ਸ਼ਾਹਜਹਾਂਪੁਰ (ਭਾਸ਼ਾ) - ਸ਼ਾਹਜਹਾਂਪੁਰ ਜ਼ਿਲੇ ’ਚ ਮਾਮੀ ਨਾਲ ਕਥਿਤ ਪ੍ਰੇਮ ਸਬੰਧਾਂ ਨੂੰ ਲੈ ਕੇ ਇਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਰਾਹ ਵਿਚ ਰੋੜਾ ਬਣ ਰਹੇ ਮਾਮੇ ਦਾ ਭਾਣਜੇ ਨੇ ਤੇਜ਼ਧਾਰ ਹਥਿਆਰ ਨਾਲ ਗਲਾ ਵੱਢ ਕੇ ਕਤਲ ਕਰ ਦਿੱਤਾ।
ਪੁਲਸ ਸੁਪਰਡੈਂਟ (ਐੱਸ. ਪੀ.) ਰਾਜੇਸ਼ ਦਿਵੇਦੀ ਨੇ ਦੱਸਿਆ ਕਿ ਸੀਤਾਪੁਰ ਜ਼ਿਲੇ ਦੇ ਨਿਵਾਸੀ ਮੁਲਜ਼ਮ ਆਦੇਸ਼ ਨੇ ਬੁੱਧਵਾਰ ਰਾਤ ਬਲਰਾਮ (30) ਦਾ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਕੇ ਕਤਲ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਆਦੇਸ਼ ਆਪਣੇ ਨਾਲ 2 ਹੋਰ ਸਾਥੀਆਂ ਨੂੰ ਲੈ ਕੇ ਭਾਟੀਪੁਰਾ ਚੰਦੂ ਪਿੰਡ ’ਚ ਬਲਰਾਮ ਦੇ ਘਰ ਗਿਆ ਸੀ। ਦਿਵੇਦੀ ਨੇ ਦੱਸਿਆ ਕਿ ਘਟਨਾ ਦੀ ਜਾਣਕਾਰੀ ਵੀਰਵਾਰ ਨੂੰ ਸਵੇਰੇ ਮਿਲੀ, ਜਦੋਂ ਬਲਰਾਮ ਦੇ ਭਰਾ ਨੇ ਮੰਜੇ ’ਤੇ ਪਈ ਲਾਸ਼ ਦੇਖ ਕੇ ਪੁਲਸ ਨੂੰ ਸੂਚਿਤ ਕੀਤਾ।
ਉਨ੍ਹਾਂ ਦੱਸਿਆ ਕਿ ਮੁੱਢਲੀ ਜਾਂਚ ’ਚ ਪਤਾ ਲੱਗਾ ਕਿ ਆਦੇਸ਼ ਦੇ ਬਲਰਾਮ ਦੀ ਪਤਨੀ ਨਾਲ ਕਥਿਤ ਤੌਰ ’ਤੇ ਪ੍ਰੇਮ ਸਬੰਧ ਸਨ। ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਕਤਲ ਦੇ ਸਮੇਂ ਬਲਰਾਮ ਦੀ ਪਤਨੀ ਅਤੇ ਉਨ੍ਹਾਂ ਦਾ 5 ਸਾਲ ਦਾ ਬੇਟਾ ਉਸੇ ਕਮਰੇ ’ਚ ਸੁੱਤੇ ਪਏ ਸਨ। ਇਨ੍ਹਾਂ ਹਾਲਾਤ ਨੂੰ ਦੇਖਦੇ ਹੋਏ ਪੁਲਸ ਅਪਰਾਧ ’ਚ ਬਲਰਾਮ ਦੀ ਪਤਨੀ ਦੀ ਭੂਮਿਕਾ ਦੀ ਵੀ ਜਾਂਚ ਕਰ ਰਹੀ ਹੈ। ਪੁਲਸ ਕਪਤਾਨ ਨੇ ਦੱਸਿਆ ਕਿ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਬਲਰਾਮ ਦੀ ਪਤਨੀ ਨੂੰ ਹਿਰਾਸਤ ’ਚ ਲਿਆ ਗਿਆ ਹੈ ਅਤੇ ਆਦੇਸ਼ ਨੂੰ ਫੜਨ ਦੇ ਹੀਲੇ ਜਾਰੀ ਹਨ।
ਅਯੁੱਧਿਆ ਜੇਲ ’ਚੋਂ ਜਬਰ-ਜ਼ਨਾਹ ਤੇ ਕਤਲ ਦੇ 2 ਬੰਦੀ ਫਰਾਰ, ਜੇਲ ਸੁਪਰਡੈਂਟ ਸਮੇਤ 7 ਸਸਪੈਂਡ
NEXT STORY 
