ਪ੍ਰਯਾਗਰਾਜ, (ਭਾਸ਼ਾ)- ਪ੍ਰਯਾਗਰਾਜ ’ਚ ਆਯੋਜਿਤ ਮਾਘ ਮੇਲਾ ਐਤਵਾਰ ਨੂੰ ਮਹਾਸ਼ਿਵਰਾਤਰੀ ਦੇ ਇਸ਼ਨਾਨ ਨਾਲ ਸੰਪੰਨ ਹੋ ਗਿਆ। ਮਹਾਸ਼ਿਵਰਾਤਰੀ ’ਤੇ ਲੱਗਭਗ 40 ਲੱਖ ਸ਼ਰਧਾਲੂਆਂ ਨੇ ਗੰਗਾ ਅਤੇ ਸੰਗਮ ’ਚ ਆਸਥਾ ਦੀ ਡੁਬਕੀ ਲਾਈ।
ਮੇਲਾ ਅਥਾਰਟੀ ਅਨੁਸਾਰ, ਦੇਰ ਰਾਤ ਤੋਂ ਹੀ ਸ਼ਰਧਾਲੂਆਂ ਦਾ ਆਉਣਾ ਜਾਰੀ ਰਿਹਾ। ਇਸ ਸਾਲ ਕਰੀਬ ਡੇਢ ਮਹੀਨਾ ਚੱਲੇ ਮੇਲੇ ਦੌਰਾਨ 22 ਕਰੋੜ ਤੋਂ ਵੱਧ ਸ਼ਰਧਾਲੂਆਂ ਨੇ ਇਸ਼ਨਾਨ ਕੀਤਾ। 18 ਜਨਵਰੀ ਨੂੰ ਮੌਨੀ ਮੱਸਿਆ ’ਤੇ ਸਭ ਤੋਂ ਵੱਧ 4.36 ਕਰੋੜ ਲੋਕਾਂ ਨੇ ਸੰਗਮ ’ਚ ਇਸ਼ਨਾਨ ਕੀਤਾ।
ਅਧਿਕਾਰੀਆਂ ਮੁਤਾਬਕ, ਸ਼ਰਧਾਲੂਆਂ ਦੀ ਗਿਣਤੀ ਦੇ ਮਾਮਲੇ ’ਚ ਇਸ ਸਾਲ ਦੇ ਮਾਘ ਮੇਲੇ ਨੇ ਪ੍ਰਯਾਗਰਾਜ ਕੁੰਭ ਦੇ ਰਿਕਾਰਡ ਨੂੰ ਵੀ ਪਛਾੜ ਦਿੱਤਾ। ਸਾਲ 2013 ’ਚ ਆਯੋਜਿਤ ਕੁੰਭ ’ਚ ਲੱਗਭਗ 12 ਕਰੋੜ ਸ਼ਰਧਾਲੂ ਪਹੁੰਚੇ ਸਨ।
'ਰੱਖਿਆ ਫੌਜਾਂ ਨਾਲ ਮਜ਼ਬੂਤੀ ਨਾਲ ਖੜ੍ਹੀ ਹੈ ਸਰਕਾਰ, ਆਧੁਨਿਕੀਕਰਨ ਲਈ ਚੁੱਕਾਂਗੇ ਹਰ ਜ਼ਰੂਰੀ ਕਦਮ' : PM ਮੋਦੀ
NEXT STORY 
