ਮਹਾਕੁੰਭ ਨਗਰ (ਏਜੰਸੀ)- ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ ਵਿੱਚ ਆਯੋਜਿਤ ਮਹਾਕੁੰਭ ਮੇਲੇ ਦੀ ਸ਼ਿਵ ਨਗਰੀ ਵਿੱਚ 7 ਕਰੋੜ 51 ਲੱਖ ਰੁਦਰਾਕਸ਼ ਤੋਂ ਬਣੇ 12 ਜਯੋਤਿਰਲਿੰਗ ਸ਼ਰਧਾਲੂਆਂ ਨੂੰ ਵਿਸ਼ੇਸ਼ ਤੌਰ 'ਤੇ ਆਕਰਸ਼ਿਤ ਕਰ ਰਹੇ ਹਨ। ਮਹਾਕੁੰਭ ਦੇ ਸੈਕਟਰ 6 ਵਿੱਚ ਬਣਿਆ ਹਰੇਕ ਜਯੋਤਿਰਲਿੰਗ 11 ਫੁੱਟ ਉੱਚਾ, 9 ਫੁੱਟ ਚੌੜਾ ਅਤੇ 7 ਫੁੱਟ ਮੋਟਾ ਹੈ, ਜਿਨ੍ਹਾਂ ਨੂੰ 7 ਕਰੋੜ 51 ਲੱਖ ਰੁਦਰਾਕਸ਼ ਮਣਕਿਆਂ ਦੀ ਮਾਲਾ ਨਾਲ ਸ਼ਿੰਗਾਰਿਆ ਗਿਆ ਹੈ। ਇਹ ਰੁਦਰਾਕਸ਼ 10,000 ਪਿੰਡਾਂ ਤੋਂ ਪੈਦਲ ਘੁੰਮ ਕੇ ਇਕੱਠੇ ਕੀਤੇ ਗਏ ਹਨ।
ਇਹ ਵੀ ਪੜ੍ਹੋ: ਪੂਰੇ ਦੇਸ਼ 'ਚ ਲਗਾਇਆ ਗਿਆ ਰਾਤ ਦਾ ਕਰਫਿਊ, ਜਾਣੋ ਵਜ੍ਹਾ
ਖੁੱਲ੍ਹੇ ਅਸਮਾਨ ਵਿੱਚ ਬਣੇ ਇਨ੍ਹਾਂ ਜੋਤਿਰਲਿੰਗਾਂ ਬਾਰੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਮੌਨੀ ਬਾਬਾ ਨੇ ਕਿਹਾ ਕਿ ਕਈ ਸਾਲ ਪਹਿਲਾਂ ਮੈਂ ਆਪਣੇ ਮਨ ਵਿੱਚ ਰੁਦਰਕਸ਼ ਦੇ ਜਯੋਤਿਰਲਿੰਗ ਦੀ ਸਥਾਪਨਾ ਕਰਨ ਦਾ ਸੰਕਲਪ ਲਿਆ ਸੀ। ਪਿਛਲੇ 37 ਸਾਲਾਂ ਤੋਂ, ਮੈਂ ਰੁਦਰਾਕਸ਼ ਦਾ ਸ਼ਿਵਲਿੰਗ ਬਣਾ ਕੇ ਉਸਦੀ ਪੂਜਾ ਕਰ ਰਿਹਾ ਹਾਂ। ਇੱਥੇ ਸਥਾਪਿਤ ਜਯੋਤਿਰਲਿੰਗਾਂ ਵਿੱਚ ਇੱਕ ਮੁਖੀ ਤੋਂ ਲੈ ਕੇ 26 ਮੁਖੀ ਤੱਕ ਦੇ ਚਿੱਟੇ ਰੁਦਰਕਸ਼, ਕਾਲੇ ਰੁਦਰਕਸ਼ ਅਤੇ ਲਾਲ ਰੁਦਰਕਸ਼ ਦੀ ਵਰਤੋਂ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ: ਟਰੰਪ 'ਤੇ ਹਮਲੇ ਦੀ ਸਹੀ ਭਵਿੱਖਬਾਣੀ ਕਰਨ ਵਾਲੇ ਬਾਬਾ ਬਿਗਸ ਦਾ ਦਾਅਵਾ, ਆਉਣ ਵਾਲਾ ਹੈ ਭਿਆਨਕ ਭੂਚਾਲ
ਮੌਨੀ ਬਾਬਾ ਨੇ ਕਿਹਾ ਕਿ ਰੁਦਰਾਕਸ਼ ਤੋਂ ਬਣੀ ਇਹ ਸ਼ਿਵ ਨਗਰੀ ਪੂਰੀ ਦੁਨੀਆ ਵਿੱਚ ਆਪਣੀ ਤਰ੍ਹਾਂ ਦੀ ਇੱਕ ਵਿਲੱਖਣ ਨਗਰੀ ਹੈ, ਜਿੱਥੇ 6 ਸ਼ਿਵਲਿੰਗ ਦੱਖਣ ਮੁਖੀ ਅਤੇ 6 ਸ਼ਿਵਲਿੰਗ ਉੱਤਰ ਮੁਖੀ ਹਨ। ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਪੂਰੀ ਦੁਨੀਆ ਵਿੱਚ ਸਿਰਫ਼ ਮਹਾਕਾਲ ਦਾ ਸ਼ਿਵਲਿੰਗ ਦੱਖਣ ਮੁਖੀ ਹੈ। ਮੌਨੀ ਬਾਬਾ ਨੇ ਦੱਸਿਆ ਕਿ ਰੁਦਰਾਕਸ਼ ਇੱਕ ਮੂਰਤੀ ਵਾਂਗ ਹੈ ਜਿਸ ਦੀ ਪ੍ਰਾਣ ਪ੍ਰਤਿਸ਼ਠਾ ਹੁੰਦੀ ਹੈ ਅਤੇ ਬਿਨਾਂ ਪ੍ਰਾਣ ਪ੍ਰਤਿਸ਼ਠਾ ਦੇ ਰੁਦਰਾਕਸ਼ ਪਹਿਨਿਆ ਨਹੀਂ ਜਾ ਸਕਦਾ। ਪ੍ਰਾਣ ਪ੍ਰਤਿਸ਼ਠਾ ਦੇ ਬਾਅਦ ਹੀ ਰੁਦਰਾਕਸ਼ ਇੱਛਾਵਾਂ ਪੂਰੀਆਂ ਕਰਦਾ ਹੈ।
ਇਹ ਵੀ ਪੜ੍ਹੋ: ਭਾਰੀ ਬਰਫਬਾਰੀ ਕਾਰਨ ਇਹ ਹਾਈਵੇ ਬੰਦ, ਡਰਾਈਵਰਾਂ ਨੂੰ ਇਸ ਰੂਟ 'ਤੇ ਗੱਡੀ ਨਾ ਚਲਾਉਣ ਦੀ ਬੇਨਤੀ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਚੋਣਾਂ ਤੋਂ ਪਹਿਲੇ ਕਾਂਗਰਸ, ਭਾਜਪਾ ਦੇ ਕਈ ਆਗੂ 'ਆਪ' 'ਚ ਹੋਏ ਸ਼ਾਮਲ
NEXT STORY 
