ਨਾਸਿਕ : ਮਹਾਰਾਸ਼ਟਰ ਦੇ ਨਾਸਿਕ ਜ਼ਿਲ੍ਹੇ ਵਿੱਚ ਐਤਵਾਰ ਨੂੰ ਇੱਕ ਵੱਡਾ ਹਾਦਸਾ ਵਾਪਰ ਗਿਆ। ਇੱਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਐਤਵਾਰ ਨੂੰ ਨਾਸਿਕ ਦੇ ਕਲਵਾਨ ਤਾਲੁਕਾ ਦੇ ਸਪਤਸ਼ਰੁੰਗੀ ਗੜ੍ਹ ਘਾਟ 'ਤੇ ਇੱਕੋ ਪਰਿਵਾਰ ਦੇ 6 ਮੈਂਬਰਾਂ ਦੀ ਕਾਰ 600 ਫੁੱਟ ਡੂੰਘੀ ਖੱਡ ਵਿੱਚ ਡਿੱਗਣ ਕਾਰਨ ਮੌਤ ਹੋ ਗਈ। ਅਧਿਕਾਰੀ ਨੇ ਦੱਸਿਆ ਕਿ ਇਹ ਘਟਨਾ ਦੇਰ ਸ਼ਾਮ ਵਾਪਰੀ ਅਤੇ ਮ੍ਰਿਤਕ ਨਿਫਾੜ ਤਾਲੁਕਾ ਦੇ ਪਿੰਪਲਗਾਓਂ ਬਸਵੰਤ ਦੇ ਵਸਨੀਕ ਸਨ। ਅਧਿਕਾਰੀ ਨੇ ਦੱਸਿਆ, "ਉਨ੍ਹਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਟੋਇਟਾ ਇਨੋਵਾ ਗੱਡੀ ਵਿੱਚ ਸੱਤ ਯਾਤਰੀ ਸਵਾਰ ਸਨ।"
ਇਹ ਵੀ ਪੜ੍ਹੋ : ਕਲਯੁਗੀ ਮਾਂ ਦਾ ਕਾਰਾ! ਹਸਪਤਾਲ 'ਚੋਂ ਡਿਸਚਾਰਜ ਹੁੰਦਿਆਂ ਹੀ 1.60 ਲੱਖ 'ਚ ਵੇਚ'ਤਾ ਜਿਗਰ ਦਾ ਟੋਟਾ
ਮ੍ਰਿਤਕਾਂ ਦੀ ਪਛਾਣ ਕੀਰਤੀ ਪਟੇਲ (50), ਰਸੀਲਾ ਪਟੇਲ (50), ਵਿੱਠਲ ਪਟੇਲ (65), ਲਤਾ ਪਟੇਲ (60), ਵਚਨ ਪਟੇਲ (60) ਅਤੇ ਮਨੀਬੇਨ ਪਟੇਲ (70) ਵਜੋਂ ਹੋਈ ਹੈ। ਪੁਲਸ ਸੁਪਰਡੈਂਟ ਬਾਲਾਸਾਹਿਬ ਪਾਟਿਲ ਬਚਾਅ ਕਾਰਜ ਦੀ ਨਿਗਰਾਨੀ ਕਰ ਰਹੇ ਸਨ। ਸਥਾਨਕ ਡਿਪਟੀ ਕੁਲੈਕਟਰ ਅਤੇ ਜ਼ਿਲ੍ਹਾ ਆਫ਼ਤ ਅਥਾਰਟੀ ਦੇ ਸੀਈਓ ਰੋਹਿਤ ਕੁਮਾਰ ਰਾਜਪੂਤ ਨੇ ਦੱਸਿਆ ਕਿ ਪੁਲਸ ਅਤੇ ਜ਼ਿਲ੍ਹਾ ਆਫ਼ਤ ਪ੍ਰਬੰਧਨ ਕਮੇਟੀ ਦੇ ਕਰਮਚਾਰੀਆਂ ਦੀ ਤਾਇਨਾਤੀ ਨਾਲ ਕਾਰਵਾਈ ਜਾਰੀ ਹੈ।
ਇਹ ਵੀ ਪੜ੍ਹੋ : ਗੌਰਵ ਖੰਨਾ ਨੇ ਜਿੱਤਿਆ 'Bigg Boss 19' ਦਾ ਖ਼ਿਤਾਬ, ਫਰਹਾਨਾ ਭੱਟ ਰਹੀ ਫਸਟ ਰਨਰ-ਅੱਪ
CM ਦੇਵੇਂਦਰ ਫੜਨਵੀਸ ਨੇ ਪ੍ਰਗਟਾਇਆ ਦੁੱਖ
ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਨਾਸਿਕ ਸੜਕ ਹਾਦਸੇ 'ਤੇ ਦੁੱਖ ਪ੍ਰਗਟ ਕੀਤਾ। ਉਨ੍ਹਾਂ ਕਿਹਾ, "ਨਾਸਿਕ ਜ਼ਿਲ੍ਹੇ ਵਿੱਚ ਸਪਤਸ਼ਰੁੰਗੀ ਗੜ੍ਹ ਤੋਂ ਡਿੱਗਣ ਵਾਲੇ ਇੱਕ ਵਾਹਨ ਵਿੱਚ 6 ਸ਼ਰਧਾਲੂਆਂ ਦੀ ਮੌਤ ਬਹੁਤ ਦੁਖਦਾਈ ਹੈ। ਮੈਂ ਉਨ੍ਹਾਂ ਨਾਲ ਦਿਲੋਂ ਸੰਵੇਦਨਾ ਪ੍ਰਗਟ ਕਰਦਾ ਹਾਂ। ਅਸੀਂ ਸਾਰੇ ਉਨ੍ਹਾਂ ਦੇ ਪਰਿਵਾਰਾਂ ਦੇ ਦੁੱਖ ਵਿੱਚ ਸ਼ਾਮਲ ਹਾਂ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਕੱਢਣ ਲਈ ਰਾਹਤ ਅਤੇ ਬਚਾਅ ਕਾਰਜ ਜਾਰੀ ਹਨ ਅਤੇ ਪੂਰੀ ਪ੍ਰਸ਼ਾਸਨਿਕ ਮਸ਼ੀਨਰੀ ਤਾਇਨਾਤ ਕਰ ਦਿੱਤੀ ਗਈ ਹੈ। ਇਨ੍ਹਾਂ ਸ਼ਰਧਾਲੂਆਂ ਦੇ ਪਰਿਵਾਰਾਂ ਨੂੰ ਰਾਜ ਸਰਕਾਰ ਵੱਲੋਂ ₹5 ਲੱਖ ਦੀ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ।"
ਗੁਜਰਾਤ : ਬੋਰਵੈੱਲ ’ਚ ਡਿੱਗੇ ਲੜਕੇ ਨੂੰ 8 ਘੰਟੇ ਪਿੱਛੋਂ ਕੱਢਿਆ, ਮੌਤ
NEXT STORY 
