ਨਵੀਂ ਦਿੱਲੀ: ਸੀਰੀਆ ਵਿਚ ਜਿਵੇਂ ਹੀ ਹਾਲਾਤ ਖਰਾਬ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਉਵੇਂ ਹੀ ਭਾਰਤ ਸਰਕਾਰ ਸਰਗਰਮ ਹੋ ਗਈ। ਸਰਕਾਰ ਨੇ ਉੱਥੇ ਰਹਿੰਦੇ ਭਾਰਤੀਆਂ ਨੂੰ ਸੁਰੱਖਿਅਤ ਕੱਢਣ ਦੀ ਯੋਜਨਾ ਬਣਾਈ। ਇਸ ਯੋਜਨਾ ਤਹਿਤ ਭਾਰਤੀਆਂ ਦਾ ਪਹਿਲ ਜੱਥਾ ਹਵਾਈ ਅੱਡੇ 'ਤੇ ਪਹੁੰਚਿਆ। ਸੀਰੀਆ ਤੋਂ ਕੱਢੇ ਗਏ ਭਾਰਤੀ ਨਾਗਰਿਕਾਂ ਦੇ ਭਾਰਤ ਪਰਤਦੇ ਹੀ ਗਾਜ਼ੀਆਬਾਦ ਦੇ ਇੱਕ ਨਿਵਾਸੀ ਨੇ ਸੀਰੀਆ ਦੇ ਵਿਦਰੋਹ ਦੀ ਭਿਆਨਕਤਾ ਨੂੰ ਯਾਦ ਕੀਤਾ। ਵਾਪਸ ਆਉਣ ਵਾਲੇ 75 ਲੋਕਾਂ ਵਿੱਚੋਂ ਪਹਿਲੇ ਭਾਰਤੀ ਨਾਗਰਿਕ ਰਵੀ ਭੂਸ਼ਣ ਨੇ ਵੀ ਭਾਰਤ ਵਾਪਸ ਆਉਣ ਵਿੱਚ ਮਦਦ ਕਰਨ ਲਈ ਭਾਰਤੀ ਦੂਤਘਰ ਦਾ ਧੰਨਵਾਦ ਕੀਤਾ।
ਭਾਰਤ ਸਰਕਾਰ ਦਾ ਵੀ ਕੀਤਾ ਧੰਨਵਾਦ
ਭੂਸ਼ਣ ਨੇ ਏ.ਐਨ.ਆਈ ਨੂੰ ਦੱਸਿਆ, "ਭਾਰਤ ਨੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ ਹੈ ਅਤੇ ਅਸੀਂ ਸੀਰੀਆ ਤੋਂ ਬਚਾਏ ਗਏ ਲੋਕਾਂ ਦੀ ਪਹਿਲੀ ਟੀਮ ਹਾਂ। ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਸਾਰਿਆਂ ਨਾਲ ਸੰਪਰਕ ਕੀਤਾ। ਉਹ ਉਨ੍ਹਾਂ ਨੂੰ ਉਤਸ਼ਾਹਿਤ ਵੀ ਕਰ ਰਹੇ ਸਨ ਅਤੇ ਉਨ੍ਹਾਂ ਨੂੰ ਪੁੱਛ ਰਹੇ ਸਨ ਕਿ ਉਹ ਠੀਕ ਹਨ ਜਾਂ ਨਹੀਂ। ਸੀਰੀਆ ਦਾ ਦੂਤਘਰ ਵੀ ਸਾਨੂੰ ਹਰ ਘੰਟੇ ਸਾਨੂੰ ਸੰਦੇਸ਼ ਭੇਜ ਕੇ ਦੱਸ ਰਿਹਾ ਸੀ ਕਿ ਬਚਾਅ ਕਾਰਜ ਬਾਰੇ ਉਹ ਕਦੋਂ ਅਤੇ ਕੀ ਕਰਨ ਜਾ ਰਹੇ ਹਨ। ਜੇਕਰ ਕਿਸੇ ਨੂੰ ਭੋਜਨ ਜਾਂ ਕਿਸੇ ਵੀ ਚੀਜ਼ ਨਾਲ ਸਬੰਧਤ ਸਮੱਸਿਆ ਹੁੰਦੀ ਸੀ ਤਾਂ ਉਹ ਤੁਰੰਤ ਉਸ ਦਾ ਪ੍ਰਬੰਧ ਕਰਦੇ ਸਨ। ਅਸੀਂ ਲੇਬਨਾਨ ਅਤੇ ਸੀਰੀਆ ਦੋਵਾਂ ਵਿੱਚ ਭਾਰਤ ਸਰਕਾਰ ਅਤੇ ਭਾਰਤੀ ਦੂਤਘਰ ਦੇ ਬਹੁਤ ਧੰਨਵਾਦੀ ਹਾਂ।"
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ, ਕੈਨੇਡਾ, ਯੂ.ਏ.ਈ 'ਚ ਸੁਰੱਖਿਅਤ ਨਹੀਂ ਹਨ ਭਾਰਤੀ! ਹੈਰਾਨ ਕਰ ਦੇਣਗੇ ਅੰਕੜੇ
ਭੂਸ਼ਣ ਨੇ ਸੁਣਾਈ ਹੱਡ ਬੀਤੀ
ਭੂਸ਼ਣ ਨੇ ਕਿਹਾ ਕਿ ਦੂਜੇ ਦੇਸ਼ਾਂ ਦੇ ਲੋਕਾਂ ਦੇ ਦੁੱਖ ਨੂੰ ਦੇਖ ਕੇ ਉਨ੍ਹਾਂ ਨੂੰ ਲੱਗਾ ਕਿ ਭਾਰਤ ਸਰਕਾਰ ਦੀਆਂ ਕੋਸ਼ਿਸ਼ਾਂ ਬਹੁਤ ਵਧੀਆ ਹਨ। ਉਸ ਨੇ ਕਿਹਾ, "ਅਸੀਂ ਦੇਖਿਆ ਕਿ ਦੂਜੇ ਦੇਸ਼ਾਂ ਦੇ ਲੋਕ ਕਿਸ ਤਰ੍ਹਾਂ ਦੁਖੀ ਹਨ। ਅਸੀਂ ਛੋਟੇ ਬੱਚਿਆਂ ਅਤੇ ਔਰਤਾਂ ਨੂੰ ਦੇਖਿਆ ਕਿ ਕਿਵੇਂ 4-5 ਡਿਗਰੀ ਤਾਪਮਾਨ ਵਿੱਚ ਉਨ੍ਹਾਂ ਨੂੰ 10-12 ਘੰਟਿਆਂ ਤੋਂ ਵੱਧ ਸਮੇਂ ਲਈ ਬਾਹਰ ਬਿਠਾਇਆ ਗਿਆ। ਇਹ ਸੱਚਮੁੱਚ ਬਹੁਤ ਭਿਆਨਕ ਸੀ, ਪਰ ਭਾਰਤ ਸਰਕਾਰ ਦੀਆਂ ਚੰਗੀਆਂ ਕੋਸ਼ਿਸ਼ਾਂ ਕਾਰਨ ਸਾਨੂੰ ਅਜਿਹੀ ਕੋਈ ਸਮੱਸਿਆ ਨਹੀਂ ਆਈ।"
ਭੂਸ਼ਣ ਨੇ ਅੱਗੇ ਕਿਹਾ ਕਿ ਸੀਰੀਆ ਦੀ ਸਥਿਤੀ ਬਹੁਤ ਖਰਾਬ ਹੈ। ਹਰ ਪਾਸੇ ਲੋਕ ਇੱਕ ਦੂਜੇ 'ਤੇ ਗੋਲੀ ਚਲਾ ਰਹੇ ਹਨ। ਉਨ੍ਹਾਂ ਕਿਹਾ, "ਇਸ ਸਮੇਂ ਸੀਰੀਆ ਦੀ ਸਥਿਤੀ ਸਭ ਤੋਂ ਖਰਾਬ ਹੈ। ਹਰ ਪਾਸੇ ਦਹਿਸ਼ਤ ਦਾ ਮਾਹੌਲ ਹੈ। ਲੋਕ ਖੁੱਲ੍ਹੇਆਮ ਸੜਕਾਂ 'ਤੇ ਗੋਲੀਬਾਰੀ ਕਰ ਰਹੇ ਹਨ, ਬੰਬਾਰੀ ਕਰ ਰਹੇ ਹਨ, ਬੈਂਕਾਂ ਨੂੰ ਲੁੱਟ ਰਹੇ ਹਨ। ਉਨ੍ਹਾਂ ਨੇ ਹਵਾਈ ਅੱਡੇ ਨੂੰ ਪੂਰੀ ਤਰ੍ਹਾਂ ਨਾਲ ਨੁਕਸਾਨ ਪਹੁੰਚਾਇਆ ਹੈ। ਉਹ ਹੋਟਲਾਂ ਅਤੇ ਹਰ ਜਗ੍ਹਾ ਖੜੀਆਂ ਗੱਡੀਆਂ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ। ਇਸ ਲਈ ਮੈਂ ਕਹਾਂਗਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਸਥਿਤੀ ਹੋਰ ਵਿਗੜ ਜਾਵੇਗੀ। ਭੂਸ਼ਣ ਨੇ ਦੱਸਿਆ ਕਿ ਉਹ ਕੁਝ ਦਿਨਾਂ ਲਈ ਇੱਕ ਬਿਜ਼ਨੈੱਸ ਮੀਟਿੰਗ ਲਈ ਸੀਰੀਆ ਗਿਆ ਸੀ। ਉਦੋਂ ਹਾਲਾਤ ਠੀਕ ਸਨ ਪਰ ਅਚਾਨਕ ਬਗਾਵਤ ਸ਼ੁਰੂ ਹੋ ਗਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੇਜਰੀਵਾਲ ਸੁਰੱਖਿਅਤ ਸੀਟ ਦੀ ਤਲਾਸ਼ ’ਚ
NEXT STORY 
