ਊਨਾ- ਵਿਆਹ ਦਾ ਇਕ ਅਜਬ-ਗਜਬ ਮਾਮਲਾ ਸਾਹਮਣੇ ਆਇਆ ਹੈ। ਲਾੜਾ 100 ਬਰਾਤੀਆਂ ਨੂੰ ਲੈ ਕੇ ਲਾੜੀ ਲੈਣ ਪਹੁੰਚਿਆ ਪਰ ਉਸ ਨੂੰ ਬਿਨਾਂ ਲਾੜੀ ਦੇ ਹੀ ਵਾਪਸ ਆਉਣਾ ਪਿਆ। ਦਰਅਸਲ ਇਹ ਮਾਮਲਾ ਹਿਮਾਚਲ ਪ੍ਰਦੇਸ਼ ਦੇ ਊਨਾ 'ਚ ਸਾਹਮਣੇ ਆਇਆ ਹੈ। ਇੱਥੇ ਦੇ ਨਾਰੀ ਚਲੋਲਾ ਪਿੰਡ ਤੋਂ ਮੰਗਲਵਾਰ ਸਵੇਰੇ ਬਰਾਤ ਹਰੋਲੀ ਦੇ ਸਿੰਗਾ ਪਿੰਡ ਲਈ ਗਈ ਪਰ ਬਰਾਤੀਆਂ ਨੂੰ ਲਾੜੀ ਤਾਂ ਦੂਰ ਉਸ ਦਾ ਘਰ ਵੀ ਨਹੀਂ ਮਿਲਿਆ। ਇਸ ਕਾਰਨ ਬਰਾਤ ਨੂੰ ਬਿਨਾਂ ਲਾੜੀ ਦੇ ਵਾਪਸ ਆਉਣਾ ਪਿਆ। ਊਨਾ ਜ਼ਿਲ੍ਹੇ ਦੇ ਨਾਰੀ ਚਲੋਲਾ ਪਿੰਡ ਦੇ ਰਮਨ ਕੁਮਾਰ ਦਾ ਵਿਆਹ ਸਿੰਗਾ ਪਿੰਡ 'ਚ ਤੈਅ ਹੋਇਆ ਸੀ। ਵਿਆਹ ਤੋਂ ਪਹਿਲੇ ਸਾਰੀਆਂ ਰਸਮਾਂ ਆਨਲਾਈਨ ਹੋਈਆਂ ਸਨ। ਫੋਨ 'ਤੇ ਹੀ ਫੋਟੋ ਦਿਖਾਈ ਗਈ। ਮੰਗਲਵਾਰ ਨੂੰ 100 ਬਰਾਤੀਆਂ ਨਾਲ ਸਿੰਗਾ ਪਿੰਡ ਪੁੱਜੇ ਰਮਨ ਨੂੰ ਬਿਨਾਂ ਲਾੜੀ ਦੇ ਪਰਤਣਾ ਪਿਆ। ਜਿਸ ਨਾਲ ਵਿਆਹ ਤੈਅ ਹੋਇਆ ਸੀ ਉਸ ਨਾਂ ਦੀ ਕੁੜੀ ਤਾਂ ਪਿੰਡ 'ਚ ਸੀ ਹੀ ਨਹੀਂ, ਨਾ ਹੀ ਕਿਸੇ ਘਰ 'ਚ ਵਿਆਹ ਸੀ। ਰਿਸ਼ਤੇਦਾਸ ਲੱਗਣ ਵਾਲੀ ਵਿਚੋਲਣ 'ਤੇ ਧੋਖਾਧੜੀ ਦਾ ਦੋਸ਼ ਲਗਾਇਆ ਗਿਆ। ਮੁੰਡੇ ਦੇ ਪਿਤਾ ਅਸ਼ਵਨੀ ਕੁਮਾਰ ਦਾ ਦੋਸ਼ ਹੈ ਕਿ ਔਰਤ ਨੇ ਲਾੜੀ ਦੇ ਗਹਿਣੇ ਬਣਵਾਉਣ ਦੇ ਨਾਂ 'ਤੇ ਉਨ੍ਹਾਂ ਤੋਂ ਇਕ ਲੱਖ ਰੁਪਏ ਲਏ ਸਨ। ਪਹਿਲੇ ਦੇ ਵੀ 36 ਹਜ਼ਾਰ ਰੁਪਏ ਉਧਾਰ ਲਏ ਸਨ। ਵਿਆਹ ਦੀਆਂ ਤਿਆਰੀਆਂ 'ਚ ਉਨ੍ਹਾਂ ਦੇ 7 ਲੱਖ ਤੋਂ ਜ਼ਿਆਦਾ ਲੱਗ ਚੁੱਕੇ ਹਨ। ਉੱਥੇ ਹੀ ਦੋਸ਼ੀ ਔਰਤ ਨੇ ਪੁਲਸ ਨੂੰ ਕਿਹਾ ਕਿ ਪਿੰਡ ਵਾਲਿਆਂ ਨੇ ਮੇਰੇ ਪਰਿਵਾਰ ਨੂੰ ਬੰਧਕ ਬਣਾ ਕੇ ਰੱਖਿਆ ਹੈ।
ਇਹ ਵੀ ਪੜ੍ਹੋ : ਰਾਮ ਰਹੀਮ ਨੂੰ ਮੁੜ ਮਿਲੀ ਪੈਰੋਲ, ਹਨੀਪ੍ਰੀਤ ਖ਼ੁਦ ਲੈਣ ਪਹੁੰਚੀ ਜੇਲ੍ਹ
ਊਨਾ ਦੇ ਨਾਰੀ ਪਿੰਡ ਦਾ 32 ਸਾਲਾ ਰਮਨ ਕੁਮਾਰ ਗਰਿੱਲ ਬਣਾਉਣ ਦਾ ਕੰਮ ਕਰਦਾ ਹੈ। ਪਿੰਡ ਦੀ ਹੀ ਰਹਿਣ ਵਾਲੀ ਸੁਮਨ ਰਮਨ ਦੇ ਸਕੇ ਚਾਚੇ ਦੀ ਨੂੰਹ ਹੈ ਅਤੇ ਰਿਸ਼ਤੇ 'ਚ ਭਰਜਾਈ ਲੱਗਦੀ ਹੈ। ਸੁਮਨ ਨੇ ਰਮਨ ਨੂੰ ਕਿਹਾ ਕਿ ਉਹ ਉਸ ਲਈ ਰਿਸ਼ਤਾ ਸਿੰਗਾ ਪਿੰਡ 'ਚ ਪੱਕਾ ਕਰ ਦੇਵੇਗੀ। ਫੋਨ 'ਤੇ ਕੁੜੀ ਦੀ ਫੋਟੋ ਦਿਖਾਈ ਗਈ। ਸ਼ਗਨ ਸਮੇਤ ਸਾਰੀਆਂ ਰਸਮਾਂ ਆਨਲਾਈਨ ਕੀਤੀਆਂ ਗਈਆਂ। ਠੀਕ ਇਕ ਹਫ਼ਤੇ ਬਾਅਦ ਯਾਨੀ 28 ਜਨਵਰੀ ਨੂੰ ਵਿਆਹ ਦਾ ਦਿਨ ਤੈਅ ਕਰ ਦਿੱਤਾ ਗਿਆ। 28 ਜਨਵਰੀ ਨੂੰ ਲਾੜਾ ਰਮਨ ਬੈਂਡ ਬਾਜੇ ਅਤੇ 100 ਬਰਾਤੀਆਂ ਨਾਲ ਸਿੰਗਾ ਪਿੰਡ ਪਹੁੰਚਿਆ। ਉੱਥੇ ਜਾ ਕੇ ਦੇਖਿਆ ਤਾਂ ਬਰਾਤੀਆਂ ਨੂੰ ਕੁੜੀ ਦਾ ਘਰ ਲੱਭੇ ਨਹੀਂ ਮਿਲਿਆ। ਵਿਆਹ ਤੈਅ ਕਰਵਾਉਣ ਵਾਲੀ ਸੁਮਨ ਨੇ ਮੁੰਡੇ ਦੇ ਪਰਿਵਾਰ ਵਾਲਿਆਂ ਨੂੰ ਕਿਹਾ ਕਿ ਪਿੰਡ 'ਚ ਕਿਸੇ ਦੀ ਮੌਤ ਹੋ ਗਈ ਹੈ। ਇਸ ਲਈ ਵਿਆਹ ਦਾ ਸਾਰਾ ਬੰਦੋਬਸਤ ਦੂਜੀ ਗ੍ਹਾ ਹੋਇਆ ਹੈ। ਉੱਥੇ ਵਿਆਹ ਦਾ ਟੈਂਟ ਲੱਗਾ ਹੈ, ਖਾਣ-ਪੀਣ ਦੀ ਵਿਵਸਥਾ ਵੀ ਉੱਥੇ ਹੀ ਹੈ। ਪੂਰਾ ਪਿੰਡ ਘੁੰਮਣ 'ਤੇ ਵੀ ਕਿਤੇ ਹੋਰ ਟੈਂਟ ਲੱਗਾ ਨਹੀਂ ਦਿੱਸਿਆ ਤਾਂ ਸੁਮਨ ਨੇ ਕਿਹਾ ਕਿ ਕੁੜੀ ਨੇ ਜ਼ਹਿਰ ਖਾ ਲਿਆ ਹੈ। ਉਸ ਨੂੰ ਹੁਸ਼ਿਆਰਪੁਰ ਦੇ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ। ਇਹ ਦੱਸਣ ਦੇ ਕੁਝ ਦੇਰ ਬਾਅਦ ਸੁਮਨ ਉੱਥੋਂ ਫਰਾਰ ਹੋ ਗਈ। ਪਿੰਡ ਸਿੰਗਾ 'ਚ ਆਏ ਬਰਾਤੀਆਂ ਨਾਲ ਧੋਖਾਧੜੀ ਦੀ ਗੱਲ ਪੰਚਾਇਤ ਪ੍ਰਧਾਨ ਗੁਰਦੇਵ ਸਿੰਘ ਗਿਆਨੀ ਬਾਬਾ ਕੋਲ ਪਹੁੰਚੀ ਤਾਂ ਉਨ੍ਹਾਂ ਨੇ ਕਿਹਾ ਕਿ ਪਿੰਡ 'ਚ ਉਸ ਨਾਂ ਦੀ ਕੋਈ ਕੁੜੀ ਹੀ ਨਹੀਂ ਹੈ, ਨਾਲ ਹੀ ਇੱਥੇ ਕੋਈ ਅਜਿਹਾ ਵਿਆਹ ਹੈ। ਇਸ ਗੱਲ ਨੂੰ ਜਾਣ ਕੇ ਮੁੰਡੇ ਦੇ ਪਰਿਵਾਰ ਅਤੇ ਬਰਾਤੀਆਂ ਦੇ ਪੈਂਡਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਉੱਥੇ ਹੀ ਪਿੰਡ ਦੇ ਪ੍ਰਧਾਨ ਰਾਮ ਕੁਮਾਰ ਨੇ ਦੱਸਿਆ ਕਿ ਔਰਤ ਕਈ ਲੋਕਾਂ ਦੀ ਕਰਜ਼ਦਾਰ ਹੈ। ਉਹ ਕਈ ਲੋਕਾਂ ਤੋਂ ਪੈਸੇ ਲੈ ਚੁੱਕੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ 'ਚ ਪੁਲਸ ਨੂੰ ਬੁਲਾਇਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਇਸ ਤਾਰੀਖ਼ ਨੂੰ ਹੋਵੇਗਾ ਜੰਮੂ-ਕਸ਼ਮੀਰ ਵਿਧਾਨ ਸਭਾ ਦਾ ਬਜਟ ਸੈਸ਼ਨ
NEXT STORY 
