ਨੈਸ਼ਨਲ ਡੈਸਕ : ਚੇਨਈ ਦੀਆਂ ਬੀਚਾਂ 'ਤੇ ਪਿਛਲੇ ਕੁਝ ਦਿਨਾਂ 'ਚ ਸੈਂਕੜੇ ਸਮੁੰਦਰੀ ਕੱਛੂ (ਓਲੀਵ ਰਿਡਲੇ) ਮਰੇ ਹੋਏ ਪਾਏ ਗਏ ਹਨ, ਜੋ ਵਾਤਾਵਰਣ ਪ੍ਰੇਮੀਆਂ ਨੂੰ ਚਿੰਤਾ 'ਚ ਪਾ ਰਿਹਾ ਹੈ। ਕੋਵਲਮ ਬੀਚ 'ਤੇ ਘੱਟੋ-ਘੱਟ 60 ਕੱਛੂ ਮਰੇ ਹੋਏ ਪਾਏ ਗਏ ਹਨ। ਮੁੱਢਲੇ ਅੰਦਾਜ਼ੇ ਮੁਤਾਬਕ ਨੀਲੰਕਾਰਈ ਤੋਂ ਲੈ ਕੇ ਉਥਾਂਡੀ ਅਤੇ ਆਲਮਪਾਰਾਈਕੁੱਪਮ ਤੱਕ ਲਗਭਗ 500 ਕੱਛੂ ਮਰੇ ਹੋਏ ਪਾਏ ਗਏ ਹਨ ਅਤੇ ਮਰੀਨਾ ਅਤੇ ਬੇਸੰਤ ਨਗਰ ਬੀਚਾਂ ਵਿਚਕਾਰ ਲਗਭਗ 400 ਕੱਛੂ ਮਰੇ ਹੋਏ ਪਾਏ ਗਏ ਹਨ। ਜੰਗਲਾਤ ਵਿਭਾਗ ਦੇ ਇੱਕ ਅਧਿਕਾਰੀ ਨੇ ਕਿਹਾ, "ਪਿਛਲੇ ਕੁਝ ਦਿਨਾਂ ਵਿੱਚ ਸਮੁੰਦਰੀ ਤੱਟਾਂ 'ਤੇ ਘੱਟੋ-ਘੱਟ ਇੱਕ ਹਜ਼ਾਰ ਤੋਂ ਵੱਧ ਕੱਛੂ ਮਰੇ ਹੋਏ ਪਾਏ ਗਏ ਹਨ ਅਤੇ ਇਹ ਬਹੁਤ ਚਿੰਤਾ ਦਾ ਵਿਸ਼ਾ ਹੈ।"
ਕੱਛੂਆਂ ਦੀ ਮੌਤ ਦੇ ਸਹੀ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਪਰ ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਮਛੇਰਿਆਂ ਦੀ ਕਿਸ਼ਤੀ ਦੇ ਜਾਲ ਵਿਚ ਫਸਣ ਕਾਰਨ ਇਨ੍ਹਾਂ ਦੀ ਮੌਤ ਹੋ ਸਕਦੀ ਹੈ। ਰਾਜ ਦੇ ਮੱਛੀ ਪਾਲਣ ਵਿਭਾਗ ਨੇ ਕਾਸਿਮੇਡੂ ਅਤੇ ਹੋਰ ਤੱਟਵਰਤੀ ਖੇਤਰਾਂ ਵਿੱਚ 'ਟਰਾਲਰਾਂ' (ਮਛੇਰਿਆਂ ਦੀਆਂ ਕਿਸ਼ਤੀਆਂ) ਦੇ ਸੰਚਾਲਨ ਦੀ ਨਿਗਰਾਨੀ ਕਰਨ ਲਈ ਲੋੜੀਂਦੇ ਕਦਮ ਚੁੱਕੇ ਹਨ ਤਾਂ ਜੋ ਮੌਤ ਦੇ ਕਾਰਨਾਂ ਦੀ ਪਛਾਣ ਕੀਤੀ ਜਾ ਸਕੇ ਅਤੇ ਕਿਸੇ ਵੀ ਉਲੰਘਣਾ ਦੀ ਸਥਿਤੀ ਵਿੱਚ ਉਚਿਤ ਕਾਰਵਾਈ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : 'ਡੈਡੀ ਮੈਨੂੰ ਮਾਫ਼ ਕਰਨਾ', ਪਤਨੀ ਦੇ ਤਸ਼ੱਦਦ ਤੋਂ ਤੰਗ ਆ ਕੇ ਪਤੀ ਨੇ ਕੀਤੀ ਖੁਦਕੁਸ਼ੀ
ਮੁੱਖ ਸਕੱਤਰ ਐੱਨ ਮੁਰੂਗਨੰਦਮ ਨੇ 21 ਜਨਵਰੀ ਨੂੰ ਚੇਨਈ ਦੇ ਤੱਟ 'ਤੇ ਸਮੁੰਦਰੀ ਕੱਛੂਆਂ ਦੀ ਮੌਤ ਦੇ ਮੁੱਦੇ ਦੀ ਸਮੀਖਿਆ ਕਰਨ ਲਈ ਇੱਕ ਉੱਚ ਪੱਧਰੀ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ। ਮੀਟਿੰਗ ਵਿੱਚ ਜੰਗਲਾਤ ਵਿਭਾਗ, ਮੱਛੀ ਪਾਲਣ ਅਤੇ ਭਾਰਤੀ ਤੱਟ ਰੱਖਿਅਕਾਂ ਦੇ ਅਧਿਕਾਰੀ ਸ਼ਾਮਲ ਹੋਏ ਅਤੇ ਸਮੁੰਦਰੀ ਕੱਛੂਆਂ ਦੀ ਸੰਭਾਲ ਲਈ ਚੌਕਸੀ ਵਧਾਉਣ ਅਤੇ ਯਤਨ ਤੇਜ਼ ਕਰਨ ਦਾ ਫੈਸਲਾ ਕੀਤਾ ਗਿਆ। ਇਕ ਵਾਤਾਵਰਣ ਵਿਗਿਆਨੀ ਨੇ ਕਿਹਾ ਕਿ ਮਰੇ ਹੋਏ ਕੱਛੂਆਂ ਦੀ ਜਾਂਚ ਤੋਂ ਪਤਾ ਲੱਗਦਾ ਹੈ ਕਿ ਉਨ੍ਹਾਂ ਦੀ ਮੌਤ ਡੁੱਬਣ ਨਾਲ ਹੋਈ ਹੈ।
ਉਨ੍ਹਾਂ ਕਿਹਾ, "ਜਿਸ ਤਰ੍ਹਾਂ ਉਨ੍ਹਾਂ ਦੀਆਂ ਅੱਖਾਂ ਬਾਹਰ ਆਈਆਂ ਹਨ ਅਤੇ ਉਨ੍ਹਾਂ ਦੀ ਗਰਦਨ ਸੁੱਜੀ ਹੋਈ ਹੈ, ਇਸ ਤੋਂ ਪਤਾ ਲੱਗਦਾ ਹੈ ਕਿ ਉਨ੍ਹਾਂ ਦੀ ਡੁੱਬਣ ਨਾਲ ਮੌਤ ਹੋਈ ਹੈ।'' 'ਟ੍ਰੀ ਫਾਊਂਡੇਸ਼ਨ' ਦੀ ਪ੍ਰਤੀਨਿਧੀ ਸੁਪਰਾਜਾ ਧਾਰੀਨੀ ਦਾ ਕਹਿਣਾ ਹੈ ਕਿ ਓਲੀਵ ਰਿਡਲੇ ਕੱਛੂਆਂ ਦੀ ਆਬਾਦੀ ਨੂੰ ਗੰਭੀਰ ਖ਼ਤਰਾ ਵੱਧ ਰਿਹਾ ਹੈ। ਉਨ੍ਹਾਂ ਦੇ ਕੁਦਰਤੀ ਨਿਵਾਸ ਸਥਾਨ ਦੇ ਵਿਨਾਸ਼ ਅਤੇ ਮੱਛੀਆਂ ਫੜਨ ਦੇ ਜਾਲਾਂ ਵਿੱਚ ਫਸਣ ਕਾਰਨ ਇਨ੍ਹਾਂ ਦੀ ਗਿਣਤੀ ਵਿੱਚ ਭਾਰੀ ਕਮੀ ਆਈ ਹੈ।
ਇਸ ਦੌਰਾਨ ਡਰੋਨ ਓਪਰੇਸ਼ਨ ਫਰਮ ਗਰੁਡਾ ਏਰੋਸਪੇਸ ਨੇ ਕਿਹਾ ਕਿ ਉਹ ਖ਼ਤਰੇ ਵਿੱਚ ਪੈ ਰਹੇ ਕੱਛੂਆਂ ਦੀ ਸੁਰੱਖਿਆ ਲਈ ਸ਼ਹਿਰ ਦੇ ਤੱਟਾਂ ਦੀ ਨਿਗਰਾਨੀ ਕਰਨ ਲਈ ਡਰੋਨ ਤਾਇਨਾਤ ਕਰਨ ਲਈ ਟ੍ਰੀ ਫਾਊਂਡੇਸ਼ਨ ਅਤੇ ਜੰਗਲਾਤ ਅਤੇ ਮੱਛੀ ਪਾਲਣ ਵਿਭਾਗ ਨਾਲ ਸਾਂਝੇਦਾਰੀ ਕਰ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦਾਜ ਤੇ ਘਰੇਲੂ ਹਿੰਸਾ ਕਾਨੂੰਨ ’ਚ ਸੁਧਾਰ ਦੀ ਮੰਗ ਵਾਲੀ ਪਟੀਸ਼ਨ ਸੁਪਰੀਮ ਕੋਰਟ ’ਚ ਰੱਦ
NEXT STORY 
