ਕਾਠਮੰਡੂ - ਭਾਰਤ ਦੀ ਆਜ਼ਾਦੀ ਦੇ 75 ਸਾਲ ਪੂਰੇ ਹੋਣ ਅਤੇ ਭਾਰਤੀਆਂ ਦੀ ਸ਼ਾਨਦਾਰ ਤਰੱਕੀ ਦੇ ਇਤਿਹਾਸ ਨੂੰ ਮਨਾਉਣ ਲਈ ਵੀਰਵਾਰ ਨੂੰ ਨੇਪਾਲ ਤੋਂ ਵਾਰਾਣਸੀ ਤੱਕ ਮੋਟਰਸਾਈਕਲ ਰੈਲੀ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ। ਭਾਰਤੀ ਦੂਤਾਵਾਸ ਨੇ ਟਵੀਟ ਕੀਤਾ ਕਿ ਪਸ਼ੁਪਤੀਨਾਥ-ਕਾਸ਼ੀ ਵਿਸ਼ਵਨਾਥ ਅਮ੍ਰਿਤ ਮਹੋਤਸਵ ਮੋਟਰਸਾਈਕਲ ਰੈਲੀ ਨੂੰ ਸੰਸਕ੍ਰਿਤੀ, ਸੈਰ-ਸਪਾਟਾ ਅਤੇ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਪ੍ਰੇਮ ਬਹਾਦੁਰ ਅਲੇ ਅਤੇ ਭਾਰਤ ਦੇ ਰਾਜਦੂਤ ਵਿਨੈ ਮੋਹਨ ਕਵਾਤਰਾ ਨੇ ਸਾਂਝੇ ਤੌਰ 'ਤੇ ਪਵਿੱਤਰ ਪਸ਼ੂਪਤੀਨਾਥ ਮੰਦਰ ਤੋਂ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਹ ਰੈਲੀ ਭਾਰਤ ਅਤੇ ਨੇਪਾਲ ਦੇ ਲੋਕਾਂ ਵਿਚਾਲੇ ਡੂੰਘੀ ਅਤੇ ਅਨੰਤ ਸਬੰਧਾਂ 'ਤੇ ਵੀ ਕੇਂਦਰਿਤ ਹੋਵੇਗੀ।
ਇਹ ਵੀ ਪੜ੍ਹੋ - ਨੇਪਾਲ ਦੇ ਫੌਜ ਮੁਖੀ ਨੇ ਰਾਜਨਾਥ ਸਿੰਘ, ਜੈਸ਼ੰਕਰ ਨਾਲ ਕੀਤੀ ਮੁਲਾਕਾਤ
‘ਹਿਮਾਲੀਅਨ ਟਾਈਮਜ਼’ ਅਖਬਾਰ ਦੇ ਅਨੁਸਾਰ, ਕਾਠਮੰਡੂ ਵਿੱਚ ਰਾਇਲ ਐਨਫੀਲਡ ਦੇ ਨਾਲ ਮਿਲ ਕੇ ਭਾਰਤੀ ਦੂਤਾਵਾਸ ਦੁਆਰਾ ਆਯੋਜਿਤ ਇਸ ਰੈਲੀ ਵਿੱਚ ਕਰੀਬ 50 ਭਾਰਤੀ ਅਤੇ ਨੇਪਾਲੀ ਮੋਟਰਸਾਈਕਲ ਸਵਾਰਾਂ ਨੇ ਭਾਗ ਲਿਆ ਹੈ। ਉਸ ਨੇ ਭਾਰਤੀ ਦੂਤਾਵਾਸ ਦੁਆਰਾ ਜਾਰੀ ਇੱਕ ਬਿਆਨ ਦੇ ਹਵਾਲੇ ਤੋਂ ਕਿਹਾ, ‘‘ਭਾਰਤ ਅਤੇ ਨੇਪਾਲ ਦੇ ਵਿੱਚ ਸੰਸਕ੍ਰਿਤੀ ਸੰਬੰਧ ਸਦੀਆਂ ਪੁਰਾਣੇ ਹਨ ਪਰ ਇਹ ਸੱਚ ਹੈ ਕਿ ਕਿਸੇ ਵੀ ਦੇਸ਼ ਦੇ ਦੂਜੇ ਦੇਸ਼ ਨਾਲ ਸੰਬੰਧ ਉਦੋਂ ਤੱਕ ਮਜ਼ਬੂਤ ਜਾਂ ਚਿਰਸਥਾਈ ਨਹੀਂ ਹੁੰਦੇ ਜਦੋਂ ਤੱਕ ਕਿ ਲੋਕਾਂ ਦੇ ਵਿੱਚ ਆਪਸੀ ਸੰਬੰਧ ਮਜ਼ਬੂਤ ਨਹੀਂ ਹੋ ਜਾਂਦੇ। ਇਸ ਮੋਟਰਸਾਈਕਲ ਰੈਲੀ ਦਾ ਉਦੇਸ਼ ਲੋਕਾਂ ਵਿੱਚ ਆਪਸ ਵਿੱਚ ਸਬੰਧਾਂ ਨੂੰ ਬੜਾਵਾ ਦੇਣਾ ਹੈ ਜੋ ਨੇਪਾਲ-ਭਾਰਤ ਦੋਸਤੀ ਦਾ ਪ੍ਰਤੀਕ ਹੈ। ਇਸ ਰੈਲੀ ਵਿੱਚ ਭਾਗ ਲੈ ਰਹੇ ਲੋਕ 13 ਨਵੰਬਰ ਨੂੰ ਵਾਰਾਣਸੀ ਵਿੱਚ ਕਾਸ਼ੀ ਵਿਸ਼ਵਨਾਥ ਮੰਦਰ ਪਹੁੰਚਣਗੇ ਅਤੇ ਪੂਜਾ ਕਰਨਗੇ ਅਤੇ ਸਫਾਈ ਦਾ ਸੁਨੇਹਾ ਫੈਲਾਉਣ ਲਈ ਦੱਸ਼ਵਮੇਧ ਘਾਟ 'ਤੇ 'ਸਵੱਛਤਾ ਸ਼੍ਰਮਦਾਨ' ਕੀਤਾ ਜਾਵੇਗਾ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
ਨੇਪਾਲ ਦੇ ਫੌਜ ਮੁਖੀ ਨੇ ਰਾਜਨਾਥ ਸਿੰਘ, ਜੈਸ਼ੰਕਰ ਨਾਲ ਕੀਤੀ ਮੁਲਾਕਾਤ
NEXT STORY 
