ਕੋਲਕਾਤਾ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਨੂੰ ਪੱਛਮੀ ਬੰਗਾਲ ਦੇ ਆਪਣੇ ਦੌਰੇ ਦੌਰਾਨ ਸੂਬੇ ਦੇ ਵਿਕਾਸ ਲਈ 18,680 ਕਰੋੜ ਰੁਪਏ ਦੇ ਵੱਖ-ਵੱਖ ਪ੍ਰਾਜੈਕਟਾਂ ਦੀ ਸ਼ੁਰੂਆਤ ਕੀਤੀ। ਇਨ੍ਹਾਂ ਪ੍ਰਾਜੈਕਟਾਂ 'ਚ ਸੜਕ, ਰੇਲਵੇ ਅਤੇ ਬੰਦਰਗਾਹਾਂ ਨਾਲ ਸਬੰਧਤ ਬੁਨਿਆਦੀ ਢਾਂਚੇ 'ਚ ਸੁਧਾਰ ਸ਼ਾਮਲ ਹੈ। ਆਰਥਿਕ ਲਾਂਘੇ ਅਤੇ ਸੜਕਾਂ ਦਾ ਜਾਲ ਪ੍ਰਧਾਨ ਮੰਤਰੀ ਨੇ 231 ਕਿਲੋਮੀਟਰ ਲੰਬੇ ਚਾਰ ਮਾਰਗੀ ਖੜਗਪੁਰ-ਮੋਰਗਰਾਮ ਆਰਥਿਕ ਲਾਂਘੇ ਦਾ ਨੀਂਹ ਪੱਥਰ ਰੱਖਿਆ। ਇਸ ਲਾਂਘੇ ਦੇ ਬਣਨ ਨਾਲ ਦੋਵਾਂ ਸ਼ਹਿਰਾਂ ਵਿਚਕਾਰ ਦੂਰੀ ਲਗਭਗ 120 ਕਿਲੋਮੀਟਰ ਘੱਟ ਹੋ ਜਾਵੇਗੀ ਅਤੇ ਯਾਤਰੀਆਂ ਦਾ 7 ਤੋਂ 8 ਘੰਟੇ ਦਾ ਸਮਾਂ ਬਚੇਗਾ। ਇਹ ਸੜਕ ਪੱਛਮੀ ਮੇਦਿਨੀਪੁਰ, ਬਾਂਕੁੜਾ, ਹੁਗਲੀ, ਪੂਰਬੀ ਬਰਧਮਾਨ, ਬੀਰਭੂਮ ਅਤੇ ਮੁਰਸ਼ਿਦਾਬਾਦ ਵਰਗੇ ਅਹਿਮ ਜ਼ਿਲ੍ਹਿਆਂ 'ਚੋਂ ਗੁਜ਼ਰੇਗੀ ਅਤੇ ਪ੍ਰਮੁੱਖ ਰਾਸ਼ਟਰੀ ਰਾਜਮਾਰਗਾਂ (NH-16, 19, 14 ਅਤੇ 12) ਨੂੰ ਆਪਸ 'ਚ ਜੋੜੇਗੀ। ਇਸ ਤੋਂ ਇਲਾਵਾ, ਕਾਂਗਸ਼ਾਬਤੀ ਅਤੇ ਸ਼ਿਲਾਬਤੀ ਨਦੀਆਂ 'ਤੇ ਨਵੇਂ ਪੁਲਾਂ ਦਾ ਨੀਂਹ ਪੱਥਰ ਵੀ ਰੱਖਿਆ ਗਿਆ।
ਬੰਦਰਗਾਹਾਂ ਅਤੇ ਸੈਰ-ਸਪਾਟੇ ਨੂੰ ਹੁਲਾਰਾ
ਸਮੁੰਦਰੀ ਵਪਾਰ ਨੂੰ ਵਧਾਉਣ ਲਈ, ਹਲਦੀਆ ਡੌਕ ਕੰਪਲੈਕਸ 'ਚ 'ਬਰਥ 2' ਦੇ ਮਸ਼ੀਨੀਕਰਨ ਦਾ ਉਦਘਾਟਨ ਕੀਤਾ ਗਿਆ, ਜਿਸ ਨਾਲ ਮਾਲ ਦੀ ਢੋਆ-ਢੁਆਈ ਤੇਜ਼ ਅਤੇ ਵਾਤਾਵਰਣ ਪੱਖੀ ਹੋਵੇਗੀ। ਪ੍ਰਧਾਨ ਮੰਤਰੀ ਨੇ ਕੋਲਕਾਤਾ 'ਚ ਨਦੀ ਸੈਰ-ਸਪਾਟਾ (River Tourism) ਸਹੂਲਤ ਦੀ ਨੀਂਹ ਵੀ ਰੱਖੀ ਅਤੇ ਕਈ ਹੋਰ ਬੰਦਰਗਾਹ ਪ੍ਰਾ ਜੈਕਟਾਂ ਦੀ ਸ਼ੁਰੂਆਤ ਕੀਤੀ। ਰੇਲਵੇ ਦੇ ਖੇਤਰ 'ਚ ਪੀਐੱਮ ਮੋਦੀ ਨੇ ਪੁਰੂਲੀਆ-ਆਨੰਦ ਵਿਹਾਰ ਟਰਮੀਨਲ ਐਕਸਪ੍ਰੈਸ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ। 'ਅੰਮ੍ਰਿਤ ਸਟੇਸ਼ਨ ਯੋਜਨਾ' ਤਹਿਤ 6 ਰੇਲਵੇ ਸਟੇਸ਼ਨਾਂ- ਕਾਮਾਖਿਆਗੁੜੀ, ਅਨਾਰਾ, ਤਾਮਲੁਕ, ਹਲਦੀਆ, ਬਰਾਭੂਮ ਅਤੇ ਸਿਉੜੀ ਦੇ ਮੁੜ ਵਿਕਾਸ ਦਾ ਲੋਕ ਅਰਪਣ ਕੀਤਾ ਗਿਆ। ਬੇਲਡਾ ਤੋਂ ਦਾਂਤਨ ਵਿਚਕਾਰ ਤੀਜੀ ਰੇਲ ਲਾਈਨ ਅਤੇ ਆਟੋਮੈਟਿਕ ਬਲਾਕ ਸਿਗਨਲਿੰਗ ਸਿਸਟਮ ਵੀ ਰਾਸ਼ਟਰ ਨੂੰ ਸਮਰਪਿਤ ਕੀਤਾ ਗਿਆ। ਇਹ ਵਿਕਾਸ ਕਾਰਜ ਅਜਿਹੇ ਸਮੇਂ ਕੀਤੇ ਗਏ ਹਨ ਜਦੋਂ ਸੂਬੇ 'ਚ ਅਪ੍ਰੈਲ 'ਚ ਵਿਧਾਨ ਸਭਾ ਚੋਣਾਂ ਹੋਣ ਦੀ ਸੰਭਾਵਨਾ ਹੈ। ਅਧਿਕਾਰੀਆਂ ਅਨੁਸਾਰ, ਇਨ੍ਹਾਂ ਪ੍ਰਾਜੈਕਟਾਂ ਨਾਲ ਖੇਤਰੀ ਸੰਪਰਕ ਵਧੇਗਾ, ਸੜਕ ਸੁਰੱਖਿਆ 'ਚ ਸੁਧਾਰ ਹੋਵੇਗਾ ਅਤੇ ਸਥਾਨਕ ਆਰਥਿਕਤਾ ਦੇ ਨਾਲ-ਨਾਲ ਸੈਰ-ਸਪਾਟੇ ਨੂੰ ਵੀ ਵੱਡਾ ਹੁਲਾਰਾ ਮਿਲੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਕੋਲਕਾਤਾ 'ਚ PM ਮੋਦੀ ਦੀ ਰੈਲੀ ਤੋਂ ਪਹਿਲਾਂ ਭਾਜਪਾ ਤੇ TMC ਵਰਕਰਾਂ ਵਿਚਾਲੇ ਝੜਪ, ਪੁਲਸ ਅਧਿਕਾਰੀ ਸਮੇਤ ਕਈ ਜ਼ਖਮੀ
NEXT STORY 
