ਨੈਸ਼ਨਲ ਡੈਸਕ - NEET-UG ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਲਈ ਵੱਡੀ ਖਬਰ ਆਈ ਹੈ। ਇਸ ਦੀ ਦਾਖਲਾ ਪ੍ਰੀਖਿਆ ਲਈ ਪ੍ਰੀਖਿਆ ਦੀ ਮਿਤੀ ਘੋਸ਼ਿਤ ਕਰ ਦਿੱਤੀ ਗਈ ਹੈ। ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਦੇ ਅਨੁਸਾਰ, NEET-UG ਮੈਡੀਕਲ ਦਾਖਲਾ ਪ੍ਰੀਖਿਆ 4 ਮਈ 2025 (ਐਤਵਾਰ) ਨੂੰ ਕਰਵਾਈ ਜਾਵੇਗੀ। ਦਰਅਸਲ, ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ NEET UG-2025 ਦੀ ਰਜਿਸਟ੍ਰੇਸ਼ਨ ਵਿੰਡੋ ਖੋਲ੍ਹ ਦਿੱਤੀ ਹੈ। ਇਸ ਵਿੱਚ ਰਜਿਸਟ੍ਰੇਸ਼ਨ ਕਰਨ ਲਈ ਵਿਦਿਆਰਥੀ neet.nta.nic.in ਦੀ ਵੈੱਬਸਾਈਟ 'ਤੇ ਜਾ ਕੇ ਆਨਲਾਈਨ ਮੋਡ ਵਿੱਚ ਰਜਿਸਟਰ ਕਰ ਸਕਦੇ ਹਨ। ਕਿਰਪਾ ਕਰਕੇ ਨੋਟ ਕਰੋ ਕਿ ਰਜਿਸਟ੍ਰੇਸ਼ਨ 7 ਫਰਵਰੀ ਤੋਂ 7 ਮਾਰਚ ਤੱਕ ਕੀਤੀ ਜਾ ਸਕਦੀ ਹੈ। ਇਸ ਦੀ ਪ੍ਰੀਖਿਆ 4 ਮਈ ਨੂੰ ਕਰਵਾਈ ਜਾਵੇਗੀ।
NEET UG 2025 ਰਜਿਸਟ੍ਰੇਸ਼ਨ: ਅਰਜ਼ੀ ਕਿਵੇਂ ਦੇਣੀ ਹੈ
ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ https://neet.nta.nic.in/ 'ਤੇ ਜਾਓ।
ਇੱਥੇ ਤੁਹਾਨੂੰ 'ਨਿਊ ਰਜਿਸਟ੍ਰੇਸ਼ਨ' ਲਿੰਕ ਦਿਖਾਈ ਦੇਵੇਗਾ, ਜਿਸ 'ਤੇ ਤੁਹਾਨੂੰ ਕਲਿੱਕ ਕਰਨਾ ਹੋਵੇਗਾ।
ਇਸ ਤੋਂ ਬਾਅਦ ਤੁਹਾਨੂੰ ਆਪਣਾ ਯੂਜ਼ਰਨੇਮ ਅਤੇ ਪਾਸਵਰਡ ਬਣਾਉਣਾ ਹੋਵੇਗਾ।
ਫਿਰ ਤੁਹਾਨੂੰ ਆਪਣਾ ਨਿੱਜੀ, ਵਿਦਿਅਕ ਅਤੇ ਕਾਨਟੈਕਟ ਨੰਬਰ ਦਰਜ ਕਰਕੇ ਅਰਜ਼ੀ ਫਾਰਮ ਭਰਨਾ ਹੋਵੇਗਾ।
ਇਸ ਤੋਂ ਬਾਅਦ ਤੁਹਾਨੂੰ ਆਪਣੀ ਪਾਸਪੋਰਟ ਸਾਈਜ਼ ਫੋਟੋ ਨੂੰ ਸਕੈਨ ਕਰਕੇ ਅਪਲੋਡ ਕਰਨਾ ਹੋਵੇਗਾ।
ਅਜਿਹਾ ਕਰਨ ਤੋਂ ਬਾਅਦ ਤੁਹਾਨੂੰ ਪੇਮੈਂਟ ਕਰਨਾ ਹੋਵੇਗਾ।
ਪੇਮੈਂਟ ਤੋਂ ਬਾਅਦ ਕੰਫਰਮੇਸ਼ਨ ਪੇਜ ਖੁੱਲ੍ਹ ਜਾਵੇਗਾ।
ਕੰਫਰਮੇਸ਼ਨ ਪੇਜ਼ ਨੂੰ ਡਾਊਨਲੋਡ ਕਰਕੇ ਰੱਖ ਲਓ।
NEET UG ਪ੍ਰੀਖਿਆ ਨਾਲ ਸਬੰਧਤ ਮਹੱਤਵਪੂਰਨ ਜਾਣਕਾਰੀ
ਰਜਿਸਟ੍ਰੇਸ਼ਨ ਸ਼ੁਰੂ - 07 ਫਰਵਰੀ
ਰਜਿਸਟ੍ਰੇਸ਼ਨ ਦੀ ਆਖਰੀ ਮਿਤੀ - 07 ਮਾਰਚ
ਆਨਲਾਈਨ ਪੇਮੈਂਟ ਦੀ ਆਖਰੀ ਮਿਤੀ - 07 ਮਾਰਚ
ਕੋਰੈਕਸ਼ਨ ਮਿਤੀ- 09-11 ਮਾਰਚ
ਪ੍ਰੀਖਿਆ ਦੀ ਮਿਤੀ- 4 ਮਈ (ਐਤਵਾਰ)
ਐਡਮਿਟ ਕਾਰਡ ਜਾਰੀ - 01 ਮਈ
ਨਤੀਜਾ ਮਿਤੀ- 14 ਜੂਨ
ਕਿੰਨੀ ਦੇਣੀ ਪਵੇਗੀ ਫੀਸ
ਆਮ ਸ਼੍ਰੇਣੀ - 1700 ਰੁਪਏ
EWS/OBC- 1600 ਰੁਪਏ
SC/ST- 1000 ਰੁਪਏ
ਭਾਰਤ ਤੋਂ ਬਾਹਰ ਦੇ ਵਿਦਿਆਰਥੀਆਂ ਲਈ - 9500 ਰੁਪਏ
ਯੋਗਤਾ
NEET-UG ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਲਈ ਉਮੀਦਵਾਰ ਦੀ ਉਮਰ ਘੱਟੋ-ਘੱਟ 17 ਸਾਲ ਹੋਣੀ ਚਾਹੀਦੀ ਹੈ। ਵੱਧ ਤੋਂ ਵੱਧ ਉਮਰ ਸੀਮਾ ਨਿਰਧਾਰਤ ਨਹੀਂ ਕੀਤੀ ਗਈ ਹੈ। ਉਮੀਦਵਾਰ ਦਾ ਜਨਮ 31 ਦਸੰਬਰ 2008 ਨੂੰ ਜਾਂ ਇਸ ਤੋਂ ਪਹਿਲਾਂ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਉਮੀਦਵਾਰ ਨੇ 12ਵੀਂ ਜਾਂ ਇਸ ਦੇ ਬਰਾਬਰ ਦੀ ਪ੍ਰੀਖਿਆ (ਭੌਤਿਕ ਵਿਗਿਆਨ, ਰਸਾਇਣ, ਜੀਵ ਵਿਗਿਆਨ/ਬਾਇਓਟੈਕਨਾਲੋਜੀ ਅਤੇ ਅੰਗਰੇਜ਼ੀ ਨਾਲ) ਪਾਸ ਕੀਤੀ ਹੋਣੀ ਚਾਹੀਦੀ ਹੈ।
Fact Check: ਅਖਿਲੇਸ਼-ਮੁਲਾਇਮ ਨੂੰ ਗਾਲ੍ਹਾਂ ਕੱਢਣ ਵਾਲੇ ਪੁਲਸ ਵਾਲਿਆਂ ਦਾ ਵੀਡੀਓ ਪੁਰਾਣਾ ਹੈ, ਹੋ ਚੁੱਕੀ ਹੈ ਕਾਰਵਾਈ
NEXT STORY 
