ਲਖਨਊ (ਇੰਟ.) : ਗਾਜ਼ੀਆਬਾਦ ਜਾਸੂਸੀ ਮਾਮਲੇ ’ਚ ਇਕ ਵੱਡੀ ਕਾਰਵਾਈ ਕਰਦਿਆਂ ਰਾਸ਼ਟਰੀ ਜਾਂਚ ਏਜੰਸੀ (ਐੱਨ. ਆਈ. ਏ.) ਨੇ ਲਖਨਊ ਦੀ ਵਿਸ਼ੇਸ਼ ਐੱਨ. ਆਈ. ਏ ਅਦਾਲਤ ’ਚ 13 ਮੁਲਜ਼ਮਾਂ ਵਿਰੁੱਧ ਚਾਰਜਸ਼ੀਟ ਦਾਇਰ ਕੀਤੀ ਹੈ। ਏਜੰਸੀ ਦਾ ਦੋਸ਼ ਹੈ ਕਿ ਮੁਲਜ਼ਮਾਂ ਨੇ ਭਾਰਤ ਦੀ ਪ੍ਰਭੂਸੱਤਾ, ਏਕਤਾ ਤੇ ਅਖੰਡਤਾ ਵਿਰੁੱਧ ਸਾਜ਼ਿਸ਼ ਰਚੀ ਤੇ ਇਕ ਦੁਸ਼ਮਣ ਦੇਸ਼ ਨਾਲ ਜੁੜੇ ਅਦਾਰਿਆਂ ਨੂੰ ਨਾਜ਼ੁਕ ਜਾਣਕਾਰੀ ਦਿੱਤੀ। ਐੱਨ. ਆਈ. ਏ. ਦੀ ਜਾਂਚ ਅਨੁਸਾਰ ਮੁਲਜ਼ਮ ਗੈਰ-ਕਾਨੂੰਨੀ ਢੰਗ ਨਾਲ ਨਾਜ਼ੁਕ ਖੇਤਰਾਂ ’ਚ ਦਾਖਲ ਹੋਏ, ਜਾਸੂਸੀ ਕੈਮਰੇ ਲਾਏ, ਤਸਵੀਰਾਂ ਖਿੱਚੀਆਂ ਅਤੇ ਵੀਡੀਓ ਬਣਾਏ। ਇਨ੍ਹਾਂ ਤਸਵੀਰਾਂ ਅਤੇ ਵੀਡੀਓਜ਼ ਨੂੰ ਜੀਓ-ਟੈਗ ਕੀਤਾ ਗਿਆ ਸੀ । ਇਨ੍ਹਾਂ ਨੂੰ ਇਕ ਦੁਸ਼ਮਣ ਦੇਸ਼ ਨਾਲ ਜੁੜੇ ਵਿਅਕਤੀਆਂ ਜਾਂ ਅਦਾਰਿਆਂ ਨੂੰ ਭੇਜਿਆ ਗਿਆ ਸੀ। ਮੁਲਜ਼ਮਾਂ ’ਤੇ ਗੈਰ-ਕਾਨੂੰਨੀ ਸਰਗਰਮੀਆਂ ਲਈ ਭਾਰਤੀ ਸਿਮ ਕਾਰਡਾਂ ਨੂੰ ਹਾਸਲ ਕਰਨ ਤੇ ਵਰਤੋਂ ’ਕਰਨ ਚ ਮਦਦ ਕਰਨ ਦਾ ਵੀ ਦੋਸ਼ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਤੇ ਯੂਪੀ ਸਣੇ 4 ਸੂਬਿਆਂ 'ਚ 1 ਦਸੰਬਰ ਤੋਂ ਸ਼ੁਰੂ ਹੋਵੇਗੀ ਮਰਦਮਸ਼ੁਮਾਰੀ, ਕੇਂਦਰ ਸਰਕਾਰ ਵੱਲੋਂ ਨੋਟੀਫਿਕੇਸ਼ਨ ਜਾਰੀ
ਚਾਰਜਸ਼ੀਟ ’ਚ ਪ੍ਰਵੀਨ, ਰਾਜ ਵਾਲਮੀਕੀ, ਸ਼ਿਵ ਵਾਲਮੀਕੀ, ਰਿਤਿਕ ਗੰਗਵਾਰ, ਸਮੀਰ ਉਰਫ਼ ਸ਼ੂਟਰ, ਦੁਰਗੇਸ਼ ਨਿਸ਼ਾਦ, ਨੌਸ਼ਾਦ, ਗਗਨ ਕੁਮਾਰ, ਵਿਵੇਕ, ਸ਼ਿਵਰਾਜ, ਮੀਰਾ ਠਾਕੁਰ ਤੇ ਸ਼ੇਨ ਇਰਾਮ ਉਰਫ਼ ਮਹਿਕ ਸਮੇਤ 13 ਮੁਲਜ਼ਮਾਂ ਦੇ ਨਾਂ ਹਨ। ਇਸ ਮਾਮਲੇ ’ਚ 5 ਨਾਬਾਲਗਾਂ ਵਿਰੁੱਧ ਜਾਂਚ ਰਿਪੋਰਟ ਇਸ ਸਾਲ 18 ਮਈ ਨੂੰ ਗਾਜ਼ੀਆਬਾਦ ਦੇ ਜੁਵੇਨਾਈਲ ਜਸਟਿਸ ਬੋਰਡ ਨੂੰ ਪਹਿਲਾਂ ਹੀ ਜਮ੍ਹਾਂ ਕਰਵਾ ਦਿੱਤੀ ਗਈ ਹੈ। ਮਾਮਲਾ ਇਸ ਸਾਲ 14 ਮਾਰਚ ਨੂੰ ਕੌਸ਼ਾਂਬੀ ਪੁਲਸ ਸਟੇਸ਼ਨ ’ਚ ਦਰਜ ਕੀਤਾ ਗਿਆ ਸੀ। ਬਾਅਦ ’ਚ ਜਾਂਚ ਦੌਰਾਨ ਯੂ. ਏ. ਪੀ. ਏ. ਦੀ ਧਾਰਾ 18 ਵੀ ਜੋੜ ਦਿੱਤੀ ਗਈ। ਪੁਲਸ ਨੇ ਹੁਣ ਤੱਕ 21 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਕਸ਼ਮੀਰ ’ਚ ਮੌਸਮ ਦੀ ਪਹਿਲੀ ਬਰਫਬਾਰੀ, ਮੈਦਾਨਾਂ ’ਚ ਮੀਂਹ ਤੇ ਗੜ੍ਹੇਮਾਰੀ
NEXT STORY 
