ਨੈਸ਼ਨਲ ਡੈਸਕ - ਡਿਜੀਟਲ ਯੁੱਗ ਵਿੱਚ ਜਿੱਥੇ ਮੋਬਾਈਲ ਨੈੱਟਵਰਕ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ, ਉੱਥੇ ਹੀ ਮੱਧ ਪ੍ਰਦੇਸ਼ ਦੇ ਸਿਓਨੀ ਜ਼ਿਲ੍ਹੇ ਦਾ ਇੱਕ ਅਜਿਹਾ ਪਿੰਡ ਹੈ ਜਿੱਥੇ ਨੈੱਟਵਰਕ ਦੀ ਅਣਹੋਂਦ ਕਾਰਨ ਨੌਜਵਾਨਾਂ ਦੇ ਵਿਆਹ ਨਹੀਂ ਹੋ ਰਹੇ ਹਨ। ਪੇਂਚ ਟਾਈਗਰ ਰਿਜ਼ਰਵ ਦੇ ਬਫਰ ਜ਼ੋਨ ਵਿੱਚ ਸਥਿਤ ਨਯਾਗਾਂਵ ਹੈ, ਇੱਥੇ ਕਿਸੇ ਵੀ ਟੈਲੀਕਾਮ ਕੰਪਨੀ ਦਾ ਕੋਈ ਨੈੱਟਵਰਕ ਨਹੀਂ ਹੈ।
ਮੋਬਾਈਲ ਫ਼ੋਨ ਹੋਣ ਦੇ ਬਾਵਜੂਦ ਪਿੰਡ ਵਾਸੀਆਂ ਨੂੰ ਫ਼ੋਨ ਕਰਨ ਲਈ 3 ਕਿਲੋਮੀਟਰ ਦੂਰ ਜਾਣਾ ਪੈਂਦਾ ਹੈ। ਅਜਿਹੇ 'ਚ ਇਸ ਸਮੱਸਿਆ ਕਾਰਨ ਲੜਕੀ ਦੇ ਪਰਿਵਾਰ ਵਾਲੇ ਇੱਥੇ ਰਿਸ਼ਤਾ ਕਰਨ ਤੋਂ ਝਿਜਕਦੇ ਹਨ। ਪਿੰਡ ਦੀ ਸ਼ਿਆਮਾ ਬਾਈ ਜੋ ਆਪਣੇ 29 ਸਾਲਾ ਲੜਕੇ ਦੇ ਵਿਆਹ ਨੂੰ ਲੈ ਕੇ ਚਿੰਤਤ ਹੈ, ਦਾ ਕਹਿਣਾ ਹੈ ਕਿ ਕਈ ਥਾਵਾਂ 'ਤੇ ਵਿਆਹ ਦੀ ਗੱਲ ਚੱਲੀ ਸੀ ਪਰ ਨੈੱਟਵਰਕ ਨਾ ਹੋਣ ਕਾਰਨ ਰਿਸ਼ਤੇ ਟੁੱਟ ਗਏ।
ਸ਼ਿਆਮਾ ਬਾਈ ਨੇ ਦੱਸਿਆ ਕਿ ਲੜਕੀ ਪੱਖ ਦਾ ਤਰਕ ਹੈ ਕਿ ਬਿਨਾਂ ਮੋਬਾਈਲ ਨੈੱਟਵਰਕ ਤੋਂ ਉਨ੍ਹਾਂ ਦੀ ਲੜਕੀ ਆਪਣੇ ਪਤੀ ਨਾਲ ਸੰਪਰਕ ਕਿਵੇਂ ਕਰੇਗੀ। ਪਿੰਡ ਦੇ ਡੁਲਮ ਸਿੰਘ ਕੁੰਜਮ ਦਾ ਵੀ ਕਹਿਣਾ ਹੈ ਕਿ ਨੈੱਟਵਰਕ ਨਾ ਹੋਣ ਕਾਰਨ ਕੋਈ ਵੀ ਉਸ ਨੂੰ ਧੀ ਦੇਣ ਨੂੰ ਤਿਆਰ ਨਹੀਂ ਹੈ। ਇਸ ਸਮੱਸਿਆ ਦਾ ਸਾਹਮਣਾ ਪਿੰਡ ਦੇ ਲਗਭਗ ਸਾਰੇ ਨੌਜਵਾਨਾਂ ਨੂੰ ਕਰਨਾ ਪੈ ਰਿਹਾ ਹੈ। ਪਿੰਡ ਦੀ ਆਂਗਣਵਾੜੀ ਵਰਕਰ ਨੇ ਦੱਸਿਆ ਕਿ ਸਰਕਾਰੀ ਕੰਮ ਲਈ ਵੀ ਦੂਜੇ ਪਿੰਡਾਂ ਵਿੱਚ ਜਾਣਾ ਪੈਂਦਾ ਹੈ। ਜੇਕਰ ਕੋਈ ਬੀਮਾਰ ਹੋਵੇ ਜਾਂ ਗਰਭਵਤੀ ਔਰਤ ਦੀ ਡਿਲੀਵਰੀ ਲਈ ਐਂਬੂਲੈਂਸ ਬੁਲਾਉਣੀ ਪਵੇ ਤਾਂ ਵੀ 3 ਕਿਲੋਮੀਟਰ ਦੂਰ ਜਾ ਕੇ ਫੋਨ ਕਰਨਾ ਪੈਂਦਾ ਹੈ।
ਕੀ ਜਲਦੀ ਮਿਲੇਗੀ ਰਾਹਤ ?
ਪੇਂਚ ਟਾਈਗਰ ਰਿਜ਼ਰਵ ਦੇ ਡਿਪਟੀ ਡਾਇਰੈਕਟਰ ਰਜਨੀਸ਼ ਸਿੰਘ ਅਨੁਸਾਰ ਬੀ.ਐਸ.ਐਨ.ਐਲ. ਨੇ ਇਸ ਖੇਤਰ ਵਿੱਚ ਮੋਬਾਈਲ ਟਾਵਰ ਲਗਾਉਣ ਦੀ ਇਜਾਜ਼ਤ ਮੰਗੀ ਹੈ। ਅਜਿਹੇ 'ਚ ਜੇਕਰ ਟਾਵਰ ਲਗਾਇਆ ਜਾਂਦਾ ਹੈ ਤਾਂ ਨਾ ਸਿਰਫ ਵਿਆਹ ਸ਼ਾਦੀਆਂ ਦੀ ਸਮੱਸਿਆ ਹੱਲ ਹੋ ਜਾਵੇਗੀ ਸਗੋਂ ਸਿਹਤ ਸੇਵਾਵਾਂ ਅਤੇ ਹੋਰ ਸਹੂਲਤਾਂ ਵੀ ਬਿਹਤਰ ਹੋ ਜਾਣਗੀਆਂ। ਨਯਾਗਾਂਵ ਦੇ ਲੋਕ ਆਧੁਨਿਕ ਯੁੱਗ ਵਿੱਚ ਵੀ ਬੁਨਿਆਦੀ ਸੰਚਾਰ ਸਹੂਲਤਾਂ ਤੋਂ ਵਾਂਝੇ ਹਨ। ਮੋਬਾਈਲ ਨੈੱਟਵਰਕ ਦੀ ਸਮੱਸਿਆ ਨੇ ਵਿਆਹਾਂ ਤੋਂ ਲੈ ਕੇ ਐਮਰਜੈਂਸੀ ਸੇਵਾਵਾਂ ਤੱਕ ਹਰ ਚੀਜ਼ ਨੂੰ ਪ੍ਰਭਾਵਿਤ ਕੀਤਾ ਹੈ। ਪ੍ਰਸ਼ਾਸਨ ਨੂੰ ਜਲਦੀ ਤੋਂ ਜਲਦੀ ਨੈੱਟਵਰਕ ਦੀ ਸਹੂਲਤ ਮੁਹੱਈਆ ਕਰਵਾਉਣ ਦੀ ਲੋੜ ਹੈ, ਤਾਂ ਜੋ ਇਸ ਪਿੰਡ ਦੇ ਲੋਕਾਂ ਨੂੰ ਮੁੱਖ ਧਾਰਾ ਨਾਲ ਜੋੜਿਆ ਜਾ ਸਕੇ।
ਪੁਲਸ ਦੀ ਗੁੰਡਾਗਰਦੀ! ਸੜਕ ਵਿਚਾਲੇ NSG ਕਮਾਂਡੋ ਨੂੰ ਮਾਰਿਆ ਥੱਪੜ ਮਾਰਿਆ, ਥਾਣੇ 'ਚ ਵੀ ਬਦਸਲੂਕੀ
NEXT STORY 
