ਹਰਿਆਣਾ- ਹਰਿਆਣਾ 'ਚ ਪਰਾਲੀ ਸਾੜਨ ਤੋਂ ਕਿਸਾਨਾਂ ਨੂੰ ਰੋਕਣ 'ਚ ਨਾਕਾਮ ਰਹਿਣ ਵਾਲੇ 19 ਅਧਿਕਾਰੀਆਂ ਖ਼ਿਲਾਫ਼ ਕੇਸ ਦਰਜ ਕਰਨ ਜੀ ਡੀ.ਸੀ.ਪੀ. ਕੁਰੂਕਸ਼ੇਤਰ ਨੇ ਮੁੱਖ ਸਕੱਤਰ ਤੋਂ ਇਜਾਜ਼ਤ ਮੰਗੀ ਹੈ। ਇਸ ਵਿੱਚ ਵਿਕਾਸ ਤੇ ਪੰਚਾਇਤ ਵਿਭਾਗ ਦੇ 5, ਖੇਤੀਬਾੜੀ ਵਿਭਾਗ ਦੇ 7 ਅਤੇ ਪੁਲਸ ਵਿਭਾਗ ਦੇ 7 ਅਧਿਕਾਰੀ ਸ਼ਾਮਲ ਹਨ। ਇਸ ਤੋਂ ਪਹਿਲਾਂ ਵੀ ਪਰਾਲੀ ਸਾੜਨ ਨੂੰ ਰੋਕਣ ਵਿੱਚ ਲਾਪਰਵਾਹੀ ਵਰਤਣ ਵਾਲੇ ਖੇਤੀਬਾੜੀ ਵਿਭਾਗ ਦੇ 26 ਅਧਿਕਾਰੀਆਂ ਨੂੰ ਮੁਅੱਤਲ ਕੀਤਾ ਜਾ ਚੁੱਕਾ ਹੈ।
ਇਸ ਦੇ ਨਾਲ ਹੀ ਪੁਲਸ ਵਿਭਾਗ ਵਿੱਚ 7 ਥਾਣਿਆਂ ਦੇ ਐਸ.ਐਚ.ਓਜ਼. ਇਸ ਵਿੱਚ ਪਿਹਵਾ ਥਾਣਾ ਇੰਚਾਰਜ ਨਰੇਸ਼ ਕੁਮਾਰ, ਲਾਡਵਾ ਦੇ ਕੁਲਦੀਪ ਸਿੰਘ, ਪਿੱਪਲੀ ਦੇ ਬਲਜੀਤ ਸਿੰਘ, ਥਾਨੇਸਰ ਦੇ ਦਿਨੇਸ਼ ਚੌਹਾਨ, ਇਸਮਾਈਲਾਬਾਦ ਦੇ ਰਾਜੇਸ਼ ਕੁਮਾਰ, ਬਾਬੈਨ ਦੇ ਜੀਤ ਰਾਣਾ ਅਤੇ ਸ਼ਾਹਬਾਦ ਦੇ ਨਿਰਮਲ ਸਿੰਘ ਦੇ ਨਾਂ ਸ਼ਾਮਲ ਹਨ।
ਇਨ੍ਹਾਂ ਅਧਿਕਾਰੀਆਂ ਦੀ ਖੇਤਰ ਵਿਚ ਲਾਪਰਵਾਹੀ ਦੀ ਸੂਚਨਾ ਹਰਿਆਣਾ ਸਪੇਸ ਐਪਲੀਕੇਸ਼ਨ ਸੈਂਟਰ (ਐੱਚ.ਆਰ.ਐੱਸ.ਐੱਸ.ਸੀ.) ਤੋਂ ਮਿਲੀ ਸੀ। ਇਸ ਤੋਂ ਬਾਅਦ ਫੀਲਡ ਸਟਾਫ ਨੇ ਵੀ ਪੁਸ਼ਟੀ ਕੀਤੀ। ਇਸ ਤੋਂ ਬਾਅਦ ਡੀ.ਸੀ.ਪੀ. ਵੱਲੋਂ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ।
ਇਨ੍ਹਾਂ ਅਧਿਕਾਰੀਆਂ ਖ਼ਿਲਾਫ਼ ਕਾਰਵਾਈ ਕਰਨ ਦੀ ਮੰਗ: ਪੰਚਾਇਤ ਵਿਭਾਗ ਦੇ 5 ਬੀ.ਡੀ.ਪੀ.ਓ. ਇਨ੍ਹਾਂ 'ਚ ਥਾਨੇਸਰ 'ਚ ਤਾਇਨਾਤ ਅਮਿਤ ਕੁਮਾਰ, ਲਾਡਵਾ 'ਚ ਸਾਹਬ ਸਿੰਘ, ਬਾਬੈਨ 'ਚ ਰੁਬਲ ਦੀਨਦਿਆਲ, ਪਿਪਲੀ 'ਚ ਅੰਕਿਤ ਪੂਨੀਆ ਅਤੇ ਸ਼ਾਹਬਾਦ 'ਚ ਨਰਿੰਦਰ ਢੁੱਲ ਸ਼ਾਮਲ ਹਨ। ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ ਵਿੱਚ ਕੁਰੂਕਸ਼ੇਤਰ ਦੇ ਏਏਈ ਰਾਜੇਸ਼ ਵਰਮਾ, ਏ.ਪੀ.ਪੀ.ਓ. ਅਨਿਲ ਚੌਹਾਨ ਅਤੇ ਯੂ.ਸੀ.ਆਈ. ਸ਼ਸ਼ੀਪਾਲ ਅਤੇ ਐੱਸ.ਐੱਮ.ਐੱਸ. ਸੁਨੀਲ ਕੁਮਾਰ, ਪੇਹਵਾ ਦੇ ਐਸਡੀਏਓ ਮਨੀਸ਼ ਵਤਸ, ਥਾਨੇਸਰ ਦੇ ਐੱਸ.ਡੀ.ਏ.ਓ. ਜਤਿੰਦਰ ਮਹਿਤਾ ਅਤੇ ਸ਼ਾਹਬਾਦ ਦੇ ਏ.ਸੀ.ਡੀ.ਓ. ਬਲਜਿੰਦਰ ਸਿੰਘ ਦੇ ਨਾਮ ਸ਼ਾਮਲ ਹਨ।
ਬਿਹਾਰ 'ਚ ਫਿਰ ਰੇਲ ਹਾਦਸਾ, ਮਾਲ ਗੱਡੀ ਦੀਆਂ 4 ਬੋਗੀਆਂ ਪਟੜੀ ਤੋਂ ਉਤਰੀਆਂ, ਰੇਲ ਸੇਵਾਵਾਂ ਪ੍ਰਭਾਵਿਤ!
NEXT STORY 
