ਨੈਸ਼ਨਲ ਡੈਸਕ- ਸ਼੍ਰੀ ਅਮਰਨਾਥ ਯਾਤਰਾ ਦੀਆਂ ਚੱਲ ਰਹੀਆਂ ਤਿਆਰੀਆਂ ਦਰਮਿਆਨ ਸ਼ਰਧਾਲੂਆਂ ਲਈ ਹੈਲੀਕਾਪਟਰ ਸੇਵਾ ਦੀ ਆਨਲਾਈਨ ਬੁਕਿੰਗ ਸ਼ੁਰੂ ਹੋ ਗਈ ਹੈ। ਇਸ ਵਾਰ ਵੀ ਯਾਤਰਾ ਦੇ ਦੋਵੇਂ ਮਾਰਗਾਂ 'ਤੇ ਬਾਲਟਾਲ ਅਤੇ ਪਹਿਲਗਾਮ ਤੋਂ ਹੈਲੀਕਾਪਟਰ ਸੇਵਾ ਉਪਲਬਧ ਹੋਵੇਗੀ। ਹੈਲੀਕਾਪਟਰ ਸੇਵਾ ਬਾਲਟਾਲ ਰੂਟ ਨੀਲਗ੍ਰਾਥ-ਪੰਜਤਰਨੀ-ਨੀਲਗ੍ਰਾਥ ਅਤੇ ਪਹਿਲਗਾਮ ਰੂਟ ਤੋਂ ਪਹਿਲਗਾਮ-ਪੰਜਤਰਨੀ-ਪਹਿਲਗਾਮ ਤੋਂ ਉਪਲਬਧ ਹੋਵੇਗੀ।
ਹਾਲਾਂਕਿ ਇਸ ਵਾਰ ਸ਼ਰਧਾਲੂਆਂ ਨੂੰ ਪਿਛਲੇ ਸਾਲ ਦੇ ਮੁਕਾਬਲੇ 450 ਤੋਂ 700 ਰੁਪਏ ਵੱਧ ਇਕ ਪਾਸੇ ਦਾ ਕਿਰਾਇਆ ਦੇਣਾ ਪਵੇਗਾ। ਸ਼੍ਰੀ ਅਮਰਨਾਥ ਯਾਤਰਾ 29 ਜੂਨ ਤੋਂ ਸ਼ੁਰੂ ਹੋ ਰਹੀ ਹੈ, ਜੋ ਕਿ 19 ਅਗਸਤ ਨੂੰ ਰੱਖੜੀ ਦੇ ਦਿਨ ਸਮਾਪਤ ਹੋਵੇਗੀ। ਪਹਿਲਗਾਮ ਤੋਂ ਪੰਜਤਰਨੀ ਦਾ ਇੱਕ ਤਰਫਾ ਕਿਰਾਇਆ 4900 ਰੁਪਏ ਅਤੇ ਦੋ ਤਰਫਾ ਕਿਰਾਇਆ 9800 ਰੁਪਏ ਹੋਵੇਗਾ। ਇਸੇ ਤਰ੍ਹਾਂ ਨੀਲਗ੍ਰੰਥ ਤੋਂ ਪੰਜਤਰਨੀ ਤੱਕ ਦਾ ਇਕ ਤਰਫਾ ਕਿਰਾਇਆ 3250 ਰੁਪਏ ਅਤੇ ਦੋਵੇਂ ਮਾਰਗਾਂ ਦਾ ਕਿਰਾਇਆ 6500 ਰੁਪਏ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ- T20 WC : ਇੰਗਲੈਂਡ ਤੋਂ ਹਾਰ ਮਗਰੋਂ ਨਾਮੀਬੀਆ ਦੇ ਆਲਰਾਊਂਡਰ ਡੇਵਿਡ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਲਿਆ ਸੰਨਿਆਸ
ਨਹੀਂ ਹੋਵੇਗਾ ਕੋਈ ਵਿਚੌਲੀਆ
ਹੈਲੀਕਾਪਟਰ ਸੇਵਾ ਦੀ ਆਨਲਾਈਨ ਬੁਕਿੰਗ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ jksasb.nic.in 'ਤੇ ਜਾ ਕੇ ਕੀਤੀ ਜਾ ਸਕਦੀ ਹੈ। ਸ਼ਰਾਈਨ ਬੋਰਡ ਦੇ ਅਨੁਸਾਰ ਸ਼ਰਧਾਲੂਆਂ ਲਈ ਔਫਲਾਈਨ ਟਿਕਟ ਜਾਂ ਤਰਜੀਹ ਉਪਲਬਧ ਨਹੀਂ ਹੋਵੇਗੀ, ਇਸ ਲਈ ਬੁਕਿੰਗ ਪਹਿਲਾਂ ਆਓ ਪਹਿਲਾਂ ਪਾਓ ਦੇ ਆਧਾਰ 'ਤੇ ਹੋਵੇਗੀ। ਇਸ ਵਿੱਚ ਕੋਈ ਵਿਚੌਲੀਆ ਨਹੀਂ ਹੋਵੇਗਾ।
ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਨੀਲਗ੍ਰੰਥ-ਪੰਜਤਰਨੀ ਦਾ ਇਕ ਤਰਫਾ ਕਿਰਾਇਆ 2800 ਰੁਪਏ ਸੀ ਅਤੇ ਦੋਵੇਂ ਮਾਰਗਾਂ ਦਾ ਕਿਰਾਇਆ 5600 ਰੁਪਏ ਸੀ। ਇਸ ਦੇ ਨਾਲ ਹੀ ਪਹਿਲਗਾਮ-ਪੰਜਤਰਨੀ ਦਾ ਕਿਰਾਇਆ 4200 ਰੁਪਏ ਇਕ ਤਰਫਾ ਅਤੇ 8400 ਰੁਪਏ ਦੋਵੇਂ ਪਾਸੇ ਹੈ। ਬੁਕਿੰਗ ਤੋਂ ਬਾਅਦ, ਹੈਲੀਕਾਪਟਰ ਸੇਵਾ ਦੀ ਵਰਤੋਂ ਕਰਦੇ ਸਮੇਂ ਸ਼ਰਧਾਲੂ ਕੋਲ ਇੱਕ ਸਿਹਤ ਸਰਟੀਫਿਕੇਟ ਹੋਣਾ ਲਾਜ਼ਮੀ ਹੈ।
ਇਹ ਵੀ ਪੜ੍ਹੋ- ਦਿੱਲੀ ਦੇ ਪਾਣੀ ਦੇ ਸੰਕਟ ਨੂੰ ਲੈ ਕੇ ਭਾਜਪਾ ਨੇ 'ਆਪ' ਸਰਕਾਰ ਖਿਲਾਫ ਕੀਤਾ ਪ੍ਰਦਰਸ਼ਨ
ਇਹ ਆਈਡੀ ਰੱਖਣੀ ਪਵੇਗੀ ਆਪਣੇ ਕੋਲ
ਪੰਜਤਰਨੀ ਹੈਲੀਪੈਡ ਤੋਂ ਪਵਿੱਤਰ ਗੁਫਾ ਅਤੇ ਵਾਪਸ ਜਾਣ ਦੀ ਯਾਤਰਾ ਵਿਚ ਕਾਫ਼ੀ ਸਮਾਂ ਲੱਗਦਾ ਹੈ, ਇਸ ਲਈ ਹੈਲੀਕਾਪਟਰ ਸੇਵਾ ਦਾ ਲਾਭ ਲੈਣ ਵਾਲੇ ਯਾਤਰੀ ਦੋਵਾਂ ਵਿਚਕਾਰ ਘੱਟੋ-ਘੱਟ ਛੇ ਘੰਟਿਆਂ ਦੇ ਅੰਤਰ ਨਾਲ ਉਪਲਬਧ ਸਲਾਟ ਦੇਖ ਸਕਣਗੇ।
ਯਾਤਰਾ ਦੌਰਾਨ ਹਰੇਕ ਯਾਤਰੀ ਨੂੰ ਆਪਣਾ ਅਸਲ ਫੋਟੋ ਪਛਾਣ ਪੱਤਰ ਆਪਣੇ ਨਾਲ ਰੱਖਣਾ ਚਾਹੀਦਾ ਹੈ। ਸ਼ਰਧਾਲੂਆਂ ਨੂੰ ਬੁੱਕ ਕੀਤੇ ਸਲਾਟ ਦੇ ਸਮੇਂ ਤੋਂ ਘੱਟੋ-ਘੱਟ 30 ਮਿੰਟ ਪਹਿਲਾਂ ਸਬੰਧਤ ਹੈਲੀਪੈਡ 'ਤੇ ਪਹੁੰਚਣਾ ਹੋਵੇਗਾ। ਇਸ ਦੇ ਨਾਲ ਹੀ ਸ਼੍ਰੀਨਗਰ ਅਤੇ ਨੀਲਗ੍ਰਾਥ ਵਿਚਕਾਰ ਚਾਰਟਰ ਬੁਕਿੰਗ ਵੀ ਉਪਲਬਧ ਹੋਵੇਗੀ।
ਭਾਰਤੀ ਰੇਲਵੇ ਦੇ ਨਾਂ 'ਤੇ ਅਨੋਖੀ ਉਪਲੱਬਧੀ, 'ਲਿਮਕਾ ਬੁੱਕ ਆਫ ਰਿਕਾਰਡ' 'ਚ ਦਰਜ ਹੋਇਆ ਨਾਂ, ਜਾਣੋ ਕਿਵੇਂ
NEXT STORY 
