ਚੰਬਾ- ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਜ਼ਿਲ੍ਹੇ ਦੇ ਭਰਮੌਰ ਤੋਂ ਵਫ਼ਾਦਾਰੀ ਦੀ ਇਕ ਅਜਿਹੀ ਦਿਲ ਕੰਬਾਊ ਅਤੇ ਭਾਵੁਕ ਕਰ ਦੇਣ ਵਾਲੀ ਤਸਵੀਰ ਸਾਹਮਣੇ ਆਈ ਹੈ, ਜਿਸ ਨੇ ਇਨਸਾਨਾਂ ਅਤੇ ਜਾਨਵਰਾਂ ਦੇ ਰਿਸ਼ਤੇ ਦੀ ਇਕ ਨਵੀਂ ਮਿਸਾਲ ਪੇਸ਼ ਕੀਤੀ ਹੈ। ਜਿੱਥੇ ਕੜਾਕੇ ਦੀ ਠੰਡ 'ਚ ਇਨਸਾਨ ਦਾ ਘਰੋਂ ਨਿਕਲਣਾ ਮੁਸ਼ਕਲ ਹੈ, ਉੱਥੇ ਹੀ ਇਕ ਵਫ਼ਾਦਾਰ ਕੁੱਤੇ ਨੇ ਭਾਰੀ ਬਰਫ਼ਬਾਰੀ ਦੇ ਵਿਚਕਾਰ 4 ਦਿਨਾਂ ਤੱਕ ਆਪਣੇ ਮ੍ਰਿਤਕ ਮਾਲਕ ਦੀ ਲਾਸ਼ ਨੂੰ ਇਕੱਲਾ ਨਹੀਂ ਛੱਡਿਆ।
4 ਦਿਨ ਰਿਹਾ ਭੁੱਖਾ-ਪਿਆਸਾ
ਜਾਣਕਾਰੀ ਅਨੁਸਾਰ ਭਰਮੌਰ ਦੇ ਉੱਚੇ ਪਹਾੜੀ ਖੇਤਰ 'ਚ ਭਰਮਾਣੀ ਮਾਤਾ ਮੰਦਰ ਦੇ ਕੋਲ ਟ੍ਰੈਕਿੰਗ 'ਤੇ ਗਏ 2 ਨੌਜਵਾਨਾਂ, ਵਿਕਸਿਤ ਰਾਣਾ ਅਤੇ ਪੀਯੂਸ਼ ਦੀ ਬਰਫ਼ਬਾਰੀ ਦੀ ਲਪੇਟ 'ਚ ਆਉਣ ਕਾਰਨ ਮੌਤ ਹੋ ਗਈ ਸੀ। ਜਦੋਂ 4 ਦਿਨਾਂ ਬਾਅਦ ਬਚਾਅ ਟੀਮ ਅਤੇ ਸਥਾਨਕ ਲੋਕ ਮੌਕੇ 'ਤੇ ਪਹੁੰਚੇ, ਤਾਂ ਉੱਥੋਂ ਦਾ ਨਜ਼ਾਰਾ ਦੇਖ ਕੇ ਸਭ ਦੀਆਂ ਅੱਖਾਂ ਨਮ ਹੋ ਗਈਆਂ। ਪੀਯੂਸ਼ ਦਾ ਪਾਲਤੂ ਪਿੱਟਬੁਲ ਕੁੱਤਾ ਚਾਰ ਦਿਨਾਂ ਤੱਕ ਭੁੱਖਾ-ਪਿਆਸਾ ਆਪਣੇ ਮਾਲਕ ਦੀ ਲਾਸ਼ ਕੋਲ ਬੈਠਾ ਰਿਹਾ। ਉਸ ਨੇ ਨਾ ਸਿਰਫ਼ ਬਰਫ਼ੀਲੇ ਤੂਫ਼ਾਨ ਦਾ ਸਾਹਮਣਾ ਕੀਤਾ, ਸਗੋਂ ਜੰਗਲੀ ਜਾਨਵਰਾਂ ਤੋਂ ਵੀ ਆਪਣੇ ਮਾਲਕ ਦੇ ਸਰੀਰ ਦੀ ਰੱਖਿਆ ਕੀਤੀ।
ਬਚਾਅ ਟੀਮ ਵੀ ਰਹਿ ਗਈ ਹੈਰਾਨ
ਜਦੋਂ ਰੈਸਕਿਊ ਟੀਮ ਲਾਸ਼ ਨੂੰ ਚੁੱਕਣ ਲਈ ਅੱਗੇ ਵਧੀ, ਤਾਂ ਸ਼ੁਰੂ 'ਚ ਕੁੱਤਾ ਕਾਫੀ ਹਮਲਾਵਰ ਹੋ ਗਿਆ। ਉਸ ਨੂੰ ਲੱਗਿਆ ਕਿ ਸ਼ਾਇਦ ਕੋਈ ਉਸ ਦੇ ਮਾਲਕ ਨੂੰ ਨੁਕਸਾਨ ਪਹੁੰਚਾਉਣ ਆਇਆ ਹੈ। ਕਾਫੀ ਮੁਸ਼ੱਕਤ ਅਤੇ ਪਿਆਰ ਨਾਲ ਸਮਝਾਉਣ ਤੋਂ ਬਾਅਦ, ਜਦੋਂ ਉਸ ਨੂੰ ਅਹਿਸਾਸ ਹੋਇਆ ਕਿ ਇਹ ਲੋਕ ਮਦਦ ਲਈ ਆਏ ਹਨ, ਉਦੋਂ ਉਹ ਉੱਥੋਂ ਹਟਿਆ। ਬਚਾਅ ਟੀਮ ਨੇ ਦੋਵਾਂ ਨੌਜਵਾਨਾਂ ਦੀਆਂ ਲਾਸ਼ਾਂ ਅਤੇ ਕੁੱਤੇ ਨੂੰ ਸੁਰੱਖਿਅਤ ਬਰਾਮਦ ਕਰ ਲਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਦੁੱਖਦ ਘਟਨਾ: ਉੜੀਸਾ 'ਚ ਰਾਸ਼ਟਰੀ ਝੰਡਾ ਉਤਾਰਦੇ ਸਮੇਂ ਕਰੰਟ ਲੱਗਣ ਨਾਲ ਵਿਦਿਆਰਥੀ ਦੀ ਮੌਤ
NEXT STORY 
