ਨਵੀਂ ਦਿੱਲੀ (ਭਾਸ਼ਾ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਛੋਟੇ ਸੈਟੇਲਾਈਟ ਲਾਂਚ ਵਹੀਕਲ (ਐੱਸ.ਐੱਸ.ਐੱਲ.ਵੀ.) ਦੇ ਸਫ਼ਲ ਲਾਂਚਿੰਗ ਦੀ ਸ਼ਲਾਘਾ ਕੀਤੀ ਅਤੇ ਇਸ ਨੂੰ ਬੇਹੱਦ ਖੁਸ਼ੀ ਦਾ ਵਿਸ਼ਾ ਦੱਸਿਆ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਮੰਚ 'ਐਕਸ' 'ਤੇ ਇਕ ਪੋਸਟ 'ਚ ਕਿਹਾ,''ਮੀਲ ਦਾ ਇਕ ਪੱਥਰ! ਇਸ ਉਪਲੱਬਧੀ ਲਈ ਸਾਡੇ ਵਿਗਿਆਨੀਆਂ ਅਤੇ ਉਦਯੋਗ ਜਗਤ ਨੂੰ ਵਧਾਈ। ਇਹ ਬਹੁਤ ਖੁਸ਼ੀ ਦੀ ਗੱਲ ਹੈ ਕਿ ਭਾਰਤ ਕੋਲ ਹੁਣ ਇਕ ਨਵਾਂ ਲਾਂਚ ਵਾਹਨ ਹੈ। ਕਿਫ਼ਾਇਤੀ ਐੱਸ.ਐੱਸ.ਐੱਲ.ਵੀ. ਪੁਲਾੜ ਮਿਸ਼ਨਾਂ 'ਚ ਮਹੱਤਵਪੂਰਨ ਭੂਮਿਕਾ ਨਿਭਾਏਗਾ ਅਤੇ ਨਿੱਜੀ ਉਦਯੋਗ ਨੂੰ ਵੀ ਉਤਸ਼ਾਹਤ ਕਰੇਗਾ।''
ਪ੍ਰਧਾਨ ਮੰਤਰੀ ਨੇ ਇਸ ਲਈ ਇਸਰੋ, ਨਿਊਸਪੇਸ ਇੰਡੀਆ ਲਿਮਟਿਡ ਸਮੇਤ ਹੋਰ ਸੰਸਥਾਵਾਂ ਅਤੇ ਉਦਯੋਗ ਜਗਤ ਨੂੰ ਵਧਾਈ ਦਿੱਤੀ। ਇਸਰੋ ਨੇ ਸ਼ੁੱਕਰਵਾਰ ਨੂੰ ਆਪਣੇ ਛੋਟੇ ਸੈਟੇਲਾਈਟ ਲਾਂਚ ਵਹੀਕਲ (ਐੱਸ.ਐੱਸ.ਐੱਲ.ਵੀ.) ਦੀ ਤੀਜੀ ਅਤੇ ਅੰਤਿਮ ਵਿਕਾਸਾਤਮਕ ਉਡਾਣ ਰਾਹੀਂ ਭੂ-ਲਾਂਚਿੰਗ ਸੈਟੇਲਾਈਟ ਈ.ਓ.ਐੱਸ.-08 ਅਤੇ ਐੱਸ.ਆਰ.-ਓ. ਡੇਮੋਸੈਟ ਸੈਟੇਲਾਈਟ ਨੂੰ ਉਨ੍ਹਾਂ ਦੀਆਂ ਤੈਅ ਜਮਾਤਾਂ 'ਚ ਸਫ਼ਲਤਾਪੂਰਵਕ ਸਥਾਪਤ ਕਰ ਦਿੱਤਾ। ਇਸ ਵਾਹਨ ਰਾਹੀਂ ਲਿਜਾਏ ਗਏ ਪੇਲੋਡ ਦਾ ਇਸਤੇਮਾਲ ਸੈਟੇਲਾਈਟ ਆਧਾਰਤ ਨਿਗਰਾਨੀ, ਆਫ਼ਤ ਅਤੇ ਵਾਤਾਵਰਣ ਨਿਗਰਾਨੀ, ਅੱਗ ਲੱਗਣ ਦਾ ਪਤਾ ਲਗਾਉਣ ਅਤੇ ਜਵਾਲਾਮੁਖੀ ਗਤੀਵਿਧੀ ਵਰਗੇ ਕਈ ਕੰਮਾਂ 'ਚ ਕੀਤਾ ਜਾਵੇਗਾ। ਐੱਲ.ਵੀ-ਡੀ3 ਦੀ ਇਸ ਉਡਾਣ ਨੇ ਛੋਟੇ ਸੈਟੇਲਾਈਟ ਲਾਂਚਿੰਗ ਵਹੀਕਲ ਦਾ ਉਪਯੋਗ ਕਰ ਕੇ ਲਾਂਚਿੰਗ ਕਰਨ ਦੇ ਮਕਸਦ ਨਾਲ ਉਦਯੋਗ ਅਤੇ ਇਸਰੋ ਦੀ ਵਣਜ ਸ਼ਾਖਾ 'ਨਿਊਸਪੇਸ ਇੰਡੀਆ ਲਿਮਟਿਡ' ਵਿਚਾਲੇ ਗਠਜੋੜ ਦਾ ਮਾਰਗ ਪੱਕਾ ਕਰ ਦਿੱਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕੋਲਕਾਤਾ ਕਾਂਡ ਮਗਰੋਂ ਕੇਂਦਰ ਸਰਕਾਰ ਅਲਰਟ: ਡਾਕਟਰ ਖ਼ਿਲਾਫ਼ ਹਿੰਸਾ ਹੋਈ ਤਾਂ 6 ਘੰਟਿਆਂ ਦੇ ਅੰਦਰ ਹੋਵੇਗੀ FIR
NEXT STORY 
