ਨਵੀਂ ਦਿੱਲੀ- ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਅਤੇ ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਮੰਗਲਵਾਰ ਨੂੰ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਸੰਵਿਧਾਨ ਵਲੋਂ ਦਿੱਤੇ ਗਏ ਅਧਿਕਾਰਾਂ ਦੀ ਰੱਖਿਆ ਲਈ 24 ਅਗਸਤ ਨੂੰ ਹੋਣ ਵਾਲੇ ਸੰਵਿਧਾਨ ਸਨਮਾਨ ਸਮਾਰੋਹ 'ਚ ਹਿੱਸਾ ਲੈਣ। ਰਾਹੁਲ ਗਾਂਧੀ ਨੇ ਕਿਹਾ ਕਿ ਸਾਡਾ ਸੰਵਿਧਾਨ ਸਾਡੇ ਅਧਿਕਾਰਾਂ ਦਾ ਆਧਾਰ ਹੈ ਅਤੇ ਇਹ ਸਾਡੀ ਪਛਾਣ ਹੈ।
ਰਾਹੁਲ ਨੇ ਸੰਵਿਧਾਨ ਦੀ ਰਾਖੀ ਲਈ ਇਨਸਾਫ਼ ਲਈ ਲੜ ਰਹੇ ਸਮੂਹ ਲੋਕਾਂ ਨੂੰ 24 ਅਗਸਤ ਨੂੰ ਇਲਾਹਾਬਾਦ ਪੁੱਜਣ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਮੈਂ ਦੇਸ਼ ਦੇ ਸਾਰੇ ਇਨਸਾਫ਼ ਯੋਧਿਆਂ ਨੂੰ ਅਪੀਲ ਕਰਦਾ ਹਾਂ ਕਿ 24 ਅਗਸਤ ਨੂੰ ਦੁਪਹਿਰ 1 ਵਜੇ ਦੱਬੇ-ਕੁਚਲੇ ਲੋਕਾਂ ਦੇ ਹੱਕਾਂ ਅਤੇ ਹਿੱਸੇਦਾਰੀ, ਜਾਤੀ ਜਨਗਣਨਾ ਵਲੋਂ ਸਾਰੇ ਵਰਗਾਂ ਦੀ ਬਰਾਬਰ ਭਾਗੀਦਾਰੀ ਦੇ ਨਾਲ ਇਕ ਖੁਸ਼ਹਾਲ ਅਤੇ ਬਰਾਬਰੀ ਵਾਲਾ ਭਾਰਤ ਬਣਾਉਣ ਲਈ ਦ੍ਰਿੜ ਸੰਕਲਪ ਲਓ। ਇਸ ਲਈ ਇਲਾਹਾਬਾਦ ਮੈਡੀਕਲ ਐਸੋਸੀਏਸ਼ਨ ਕਨਵੈਨਸ਼ਨ ਸੈਂਟਰ ਆਓ ਅਤੇ ਸਾਡੇ 'ਸੰਵਿਧਾਨ ਸਨਮਾਨ ਸੰਮੇਲਨ' ਨਾਲ ਜੁੜੋ। ਸੰਵਿਧਾਨ ਦੀ ਰੱਖਿਆ ਅਤੇ ਸਤਿਕਾਰ ਵਿਚ ਯੋਗਦਾਨ ਪਾਓ।
ਰਾਸ਼ਟਰਪਤੀ ਮੁਰਮੂ ਨੇ ਹਰੀ ਤਬਦੀਲੀ ਲਈ ਨਾਜ਼ੁਕ ਖਣਿਜਾਂ 'ਤੇ ਵੱਧ ਧਿਆਨ ਦੇਣ 'ਤੇ ਦਿੱਤਾ ਜ਼ੋਰ
NEXT STORY 
