ਨਵੀਂ ਦਿੱਲੀ- ਦਿੱਲੀ ਨਗਰ ਨਿਗਮ ਦੀ ਸਥਾਈ ਕਮੇਟੀ ਦੀ 18ਵੀਂ ਸੀਟ 'ਤੇ ਭਾਜਪਾ ਦੇ ਸੁੰਦਰ ਸਿੰਘ ਤੰਵਰ ਨੇ ਜਿੱਤ ਦਰਜ ਕੀਤੀ ਹੈ। ਸ਼ੁੱਕਰਵਾਰ ਨੂੰ ਹੋਈ ਵੋਟਿੰਗ ਵਿੱਚ ਸੁੰਦਰ ਸਿੰਘ ਤੰਵਰ ਨੂੰ 115 ਵੋਟਾਂ ਮਿਲੀਆਂ, ਜਦੋਂ ਕਿ ਵਿਰੋਧ ਵਿੱਚ ਜ਼ੀਰੋ ਵੋਟਾਂ ਪਈਆਂ। ਇਸ ਜਿੱਤ ਨਾਲ 18 ਮੈਂਬਰੀ ਸਥਾਈ ਕਮੇਟੀ 'ਚ ਭਾਜਪਾ ਦੇ 10 ਅਤੇ 'ਆਪ' ਦੇ 8 ਮੈਂਬਰ ਹੋ ਗਏ ਹਨ। ਇਸ ਨਾਲ ਹੀ ਭਾਜਪਾ ਦਾ ਸਥਾਈ ਕਮੇਟੀ ਦਾ ਚੇਅਰਮੈਨ ਬਣਨਾ ਤੈਅ ਹੈ ਕਿਉਂਕਿ ਸਥਾਈ ਕਮੇਟੀ ਵਿੱਚ ਭਾਜਪਾ ਦਾ ਬਹੁਮਤ ਹੈ।
ਦਿੱਲੀ ਨਗਰ ਨਿਗਮ ਦੇ ਵਧੀਕ ਕਮਿਸ਼ਨਰ ਦੀ ਪ੍ਰਧਾਨਗੀ ਹੇਠ ਚੋਣ ਕਰਵਾਈ ਗਈ। ਖਾਸ ਗੱਲ ਇਹ ਹੈ ਕਿ ਆਮ ਆਦਮੀ ਪਾਰਟੀ ਅਤੇ ਕਾਂਗਰਸ ਦੇ ਨਿਗਮ ਕੌਂਸਲਰਾਂ ਨੇ ਚੋਣਾਂ ਵਿੱਚ ਹਿੱਸਾ ਨਹੀਂ ਲਿਆ। 'ਆਪ' ਨੇ LG ਦੇ ਹੁਕਮਾਂ ਦਾ ਵਿਰੋਧ ਕਰਦਿਆਂ ਚੋਣਾਂ ਦਾ ਬਾਈਕਾਟ ਕੀਤਾ। ਦੱਸ ਦਈਏ ਕਿ ਭਾਜਪਾ ਨੇ ਸੁੰਦਰ ਸਿੰਘ ਨੂੰ ਐੱਮ.ਸੀ.ਡੀ. ਸਥਾਈ ਕਮੇਟੀ ਦੇ ਇਕਲੌਤੇ ਮੈਂਬਰ ਦੀ ਚੋਣ ਵਿਚ ਆਪਣਾ ਉਮੀਦਵਾਰ ਬਣਾਇਆ ਸੀ। ਜਦੋਂ ਕਿ ਆਮ ਆਦਮੀ ਪਾਰਟੀ ਨੇ ਨਿਰਮਲਾ ਕੁਮਾਰੀ ਨੂੰ ਮੈਦਾਨ ਵਿੱਚ ਉਤਾਰਿਆ ਸੀ।
ਬੈਠਕ ਬੁਲਾਉਣ ਦਾ ਅਧਿਕਾਰ ਸਿਰਫ ਮੇਅਰ ਨੂੰ- ਅਰਵਿੰਦ ਕੇਜਰੀਵਾਲ
ਸਥਾਈ ਕਮੇਟੀ ਚੋਣਾਂ ਦੇ ਮੁੱਦੇ 'ਤੇ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕਿਹਾ, "ਐੱਮ.ਸੀ.ਡੀ. ਕਾਨੂੰਨ ਵਿੱਚ ਇਹ ਸਪੱਸ਼ਟ ਤੌਰ 'ਤੇ ਲਿਖਿਆ ਗਿਆ ਹੈ ਕਿ ਸਦਨ ਦੀ ਬੈਠਕ ਬੁਲਾਉਣ ਦਾ ਅਧਿਕਾਰ ਸਿਰਫ ਮੇਅਰ ਨੂੰ ਹੈ। ਸਦਨ ਲੋਕ ਸਭਾ ਦੀ ਪ੍ਰਧਾਨਗੀ ਗ੍ਰਹਿ ਸਕੱਤਰ ਨੂੰ ਕਰਵਾਏਗਾ।
CM ਸਿੱਧਰਮਈਆ ਖਿਲਾਫ FIR, MUDA ਸਕੈਮ 'ਚ ਜਾਂਚ 'ਤੇ ਰੋਕ ਲਗਾਉਣ ਤੋਂ HC ਨੇ ਕੀਤਾ ਸੀ ਇਨਕਾਰ
NEXT STORY 
