ਇੰਟਰਨੈਸ਼ਨਲ ਡੈਸਕ- ਭਾਰਤ ਨਾਲ ਲੱਗਦੇ ਗੁਆਂਢੀ ਦੇਸ਼ ਨੇਪਾਲ 'ਚ 26 ਅਗਸਤ ਨੂੰ ਆਏ ਫਲੈਸ਼ ਫਲੱਡ ਨੇ ਦੇਸ਼ 'ਚ ਭਾਰੀ ਤਬਾਹੀ ਮਚਾਈ ਹੈ। ਇਸ ਭਿਆਨਕ ਤਬਾਹੀ ਕਾਰਨ ਹੁਣ ਤੱਕ 700 ਤੋਂ ਵੱਧ ਲੋਕ ਜਾਨ ਗੁਆ ਚੁੱਕੇ ਹਨ, ਜਦਕਿ 2500 ਤੋਂ ਵੱਧ ਲੋਕਾਂ ਦਾ ਹਾਲੇ ਵੀ ਕੁਝ ਅਤਾ-ਪਤਾ ਨਹੀਂ ਲੱਗ ਸਕਿਆ ਹੈ।
ਇਸੇ ਦੌਰਾਨ ਚੀਨ ਵੱਲੋਂ ਤਿੱਬਤ 'ਚ ਯਾਰਲੁੰਗ ਤਸੰਗਪੋ (ਬ੍ਰਹਮਪੁੱਤਰ) ਨਦੀ 'ਤੇ ਬਣਾਇਆ ਜਾ ਰਿਹਾ ਦੁਨੀਆ ਦਾ ਸਭ ਤੋਂ ਵੱਡਾ 'ਸੁਪਰ-ਡੈਮ' ਪੂਰੇ ਇਲਾਕੇ ਅਤੇ ਵਾਤਾਵਰਣ ਸਬੰਧੀ ਗੰਭੀਰ ਚਿੰਤਾਵਾਂ ਖੜ੍ਹੀਆਂ ਕਰ ਰਿਹਾ ਹੈ। ਇਹ ਪ੍ਰੋਜੈਕਟ ਭਾਰਤੀ ਸਰਹੱਦ ਤੋਂ ਮਹਿਜ਼ ਕੁਝ ਕਿਲੋਮੀਟਰ ਦੀ ਦੂਰੀ 'ਤੇ ਗ੍ਰੇਟ ਬੈਂਡ ਨੇੜੇ ਸਥਿਤ ਹੈ। ਇਹ ਨਾ ਸਿਰਫ਼ ਭਾਰਤ ਅਤੇ ਬੰਗਲਾਦੇਸ਼ ਵਰਗੇ ਹੇਠਲੇ ਦੇਸ਼ਾਂ ਲਈ ਖ਼ਤਰਾ ਬਣ ਰਿਹਾ ਹੈ, ਸਗੋਂ ਖੁਦ ਚੀਨ ਦੇ ਆਪਣੇ ਵਿਗਿਆਨੀਆਂ ਨੇ ਵੀ ਇਸ ਸਬੰਧੀ ਡਰਾਉਣੀਆਂ ਚਿਤਾਵਨੀਆਂ ਜਾਰੀ ਕੀਤੀਆਂ ਹਨ।
ਚੀਨੀ ਮੀਡੀਆ ਰਿਪੋਰਟਾਂ ਅਨੁਸਾਰ, ਡੈਮ ਦੇ ਨਿਰਮਾਣ ਵਾਲੀ ਥਾਂ ਦੀ ਜ਼ਮੀਨ ਦਾ ਸਟ੍ਰੱਕਚਰ ਕਾਫ਼ੀ ਅਸਥਿਰ ਹੈ। ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਭੂਚਾਲ ਜਾਂ ਫਾਲਟ ਲਾਈਨ ਦੀ ਹਲਚਲ ਕਾਰਨ ਵੱਡੇ ਪੱਧਰ 'ਤੇ ਲੈਂਡਸਲਾਈਡ ਹੋਣ ਦਾ ਖ਼ਤਰਾ ਬਣਿਆ ਹੋਇਆ ਹੈ। ਚੀਨੀ ਭੂ-ਵਿਗਿਆਨੀਆਂ ਨੇ ਮਲਬੇ ਨੂੰ ਰੋਕਣ ਲਈ ਪਹਾੜੀ ਢਲਾਣਾਂ ਨੂੰ ਮਜ਼ਬੂਤ ਕਰਨ ਅਤੇ ਡੈਮ ਦੇ ਡਿਜ਼ਾਈਨ 'ਚ ਵੱਡੇ ਬਦਲਾਅ ਕਰਨ ਦੀ ਸਲਾਹ ਦਿੱਤੀ ਹੈ ਤਾਂ ਜੋ ਕਿਸੇ ਵੀ ਸੰਭਾਵੀ ਤਬਾਹੀ ਤੋਂ ਬਚਿਆ ਜਾ ਸਕੇ।
ਇਹ ਵੀ ਪੜ੍ਹੋ- ਤੁਸੀਂ ਵੀ ਵਰਤਦੇ ਹੋ ਇਸ ਕੰਪਨੀ ਦੇ ਮਸਾਲੇ ਤਾਂ ਹੋ ਜਾਓ ਸਾਵਧਾਨ ! FSSAI ਨੇ ਲਾ'ਤਾ ਬੈਨ
ਇਹ ਡੈਮ ਹਿਮਾਲੀਅਨ ਸੀਸਮਿਕ ਬੈਲਟ 'ਚ ਬਣਾਇਆ ਜਾ ਰਿਹਾ ਹੈ। ਵਿਗਿਆਨੀਆਂ ਅਨੁਸਾਰ, ਡੈਮ 'ਚ ਪਾਣੀ ਦੇ ਭਾਰੀ ਦਬਾਅ ਕਾਰਨ ਰਿਜ਼ਰਵਾਇਰ-ਟ੍ਰਿਗਰਡ ਸਿਸਮਿਸਿਟੀ ਯਾਨੀ ਕਿ ਬਣਾਉਟੀ ਭੂਚਾਲ ਆਉਣ ਦੀ ਸੰਭਾਵਨਾ ਵਧ ਜਾਂਦੀ ਹੈ। ਇਹ ਨਦੀ ਭਾਰਤ ਦੇ ਉੱਤਰ-ਪੂਰਬੀ ਸੂਬਿਆਂ ਅਤੇ ਬੰਗਲਾਦੇਸ਼ ਲਈ ਪੀਣ ਵਾਲੇ ਪਾਣੀ ਅਤੇ ਖੇਤੀਬਾੜੀ ਦਾ ਮੁੱਖ ਸਰੋਤ ਹੈ। ਇਸ ਡੈਮ ਦੇ ਬਣਨ ਨਾਲ ਪਾਣੀ ਦੇ ਪ੍ਰਵਾਹ ਅਤੇ ਉਪਜਾਊ ਮਿੱਟੀ ਦੀ ਆਮਦ ਘਟੇਗੀ। ਜੇਕਰ ਭੂਚਾਲ ਜਾਂ ਕਿਸੇ ਹੋਰ ਖ਼ਰਾਬੀ ਕਾਰਨ ਇਹ ਡੈਮ ਟੁੱਟਦਾ ਹੈ, ਤਾਂ ਭਾਰਤ ਦੇ ਅਸਾਮ, ਅਰੁਣਾਚਲ ਪ੍ਰਦੇਸ਼ ਅਤੇ ਬੰਗਲਾਦੇਸ਼ ਵਿੱਚ ਫਲੈਸ਼ ਫਲੱਡ ਆ ਜਾਣਗੇ, ਜਿਸ ਨਾਲ ਵੱਡੇ ਪੱਧਰ 'ਤੇ ਤਬਾਹੀ ਹੋ ਸਕਦੀ ਹੈ।
ਚੀਨ ਇਸ ਪ੍ਰੋਜੈਕਟ ਬਾਰੇ ਕੋਈ ਵੀ ਤਕਨੀਕੀ ਜਾਣਕਾਰੀ, ਵਾਤਾਵਰਣ ਜਾਂਚ ਜਾਂ ਹਾਈਡ੍ਰੋਲੋਜੀਕਲ ਡਾਟਾ ਭਾਰਤ ਜਾਂ ਬੰਗਲਾਦੇਸ਼ ਨਾਲ ਸਾਂਝਾ ਨਹੀਂ ਕਰ ਰਿਹਾ। ਅੰਤਰਰਾਸ਼ਟਰੀ ਨਿਯਮਾਂ ਦੇ ਬਾਵਜੂਦ, ਚੀਨ ਪਾਣੀ ਦੇ ਸਰੋਤਾਂ ਨੂੰ ਆਪਣੇ ਰਾਜਨੀਤਿਕ ਦਬਾਅ ਵਜੋਂ ਵਰਤਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਮਾਹਿਰਾਂ ਦੀ ਮੰਗ ਹੈ ਕਿ ਚੀਨ ਨੂੰ ਤੁਰੰਤ ਅੰਤਰਰਾਸ਼ਟਰੀ ਭੂ-ਵਿਗਿਆਨੀਆਂ ਦੀ ਟੀਮ ਨੂੰ ਇਸ ਥਾਂ ਦੀ ਜਾਂਚ ਕਰਨ ਦੀ ਇਜਾਜ਼ਤ ਦੇਣੀ ਚਾਹੀਦੀ ਹੈ ਅਤੇ ਭਾਰਤ-ਬੰਗਲਾਦੇਸ਼ ਨਾਲ ਰੀਅਲ-ਟਾਈਮ ਡਾਟਾ ਸ਼ੇਅਰ ਕਰਨ ਦੇ ਸਮਝੌਤੇ 'ਤੇ ਦਸਤਖਤ ਕਰਨੇ ਚਾਹੀਦੇ ਹਨ, ਤਾਂ ਜੋ ਇਸ ਸੰਭਾਵੀ 'ਵਾਟਰ ਬੰਬ' ਅਤੇ ਇਸ ਤੋਂ ਹੋਣ ਵਾਲੀ ਤਬਾਹੀ ਤੋਂ ਬਚਿਆ ਜਾ ਸਕੇ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਈਵੀ ਮਾਰਕੀਟ 'ਚ ਹੀਰੋ ਦਾ ਧਮਾਕਾ: ਏਥਰ 'ਚ ਆਪਣੀ ਹਿੱਸੇਦਾਰੀ ਵਧਾ ਕੇ 32 ਫ਼ੀਸਦੀ ਤੋਂ ਪਾਰ
NEXT STORY 
