ਵੈੱਬ ਡੈਸਕ- ਸਾਲ 2026 ਦਾ ਪਹਿਲਾ ਸੂਰਜ ਗ੍ਰਹਿਣ ਅੱਜ 17 ਫਰਵਰੀ, ਮੰਗਲਵਾਰ ਨੂੰ ਫਾਲਗੁਣ ਮਹੀਨੇ ਦੀ ਮੱਸਿਆ 'ਤੇ ਲੱਗ ਗਿਆ ਹੈ। ਜੋਤਿਸ਼ ਸ਼ਾਸਤਰ ਵਿੱਚ ਇਸ ਗ੍ਰਹਿਣ ਨੂੰ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਇਹ ਸ਼ਨੀ ਦੀ ਰਾਸ਼ੀ 'ਕੁੰਭ' ਵਿੱਚ ਲੱਗਾ ਹੈ। ਇਹ ਇੱਕ 'ਵਲਯਾਕਾਰ' (Annular) ਸੂਰਜ ਗ੍ਰਹਿਣ ਹੈ, ਜਿਸ ਵਿੱਚ ਸੂਰਜ ਆਸਮਾਨ ਵਿੱਚ ਇੱਕ 'ਰਿੰਗ ਆਫ ਫਾਇਰ' (ਅੱਗ ਦੇ ਘੇਰੇ) ਵਾਂਗ ਦਿਖਾਈ ਦੇਵੇਗਾ।
ਭਾਰਤੀ ਸਮੇਂ ਅਨੁਸਾਰ, ਇਹ ਸੂਰਜ ਗ੍ਰਹਿਣ ਦੁਪਹਿਰ 3 ਵਜੇ ਕੇ 26 ਮਿੰਟ 'ਤੇ ਸ਼ੁਰੂ ਹੋਇਆ ਹੈ ਅਤੇ ਸ਼ਾਮ 7 ਵਜੇ ਕੇ 57 ਮਿੰਟ 'ਤੇ ਸਮਾਪਤ ਹੋਵੇਗਾ। ਹਾਲਾਂਕਿ, ਇਹ ਗ੍ਰਹਿਣ ਭਾਰਤ ਵਿੱਚ ਦਿਖਾਈ ਨਹੀਂ ਦੇਵੇਗਾ, ਇਸ ਲਈ ਇੱਥੇ ਇਸ ਦਾ ਕੋਈ ਪ੍ਰਭਾਵ ਜਾਂ ਸੂਤਕ ਕਾਲ ਮਾਨਤਾ ਪ੍ਰਾਪਤ ਨਹੀਂ ਹੋਵੇਗਾ। ਇਹ ਗ੍ਰਹਿਣ ਅੰਟਾਰਕਟਿਕਾ, ਅਰਜਨਟੀਨਾ, ਚਿਲੀ, ਦੱਖਣੀ ਅਫਰੀਕਾ ਅਤੇ ਮੈਡਾਗਾਸਕਰ ਵਰਗੇ ਹਿੱਸਿਆਂ ਵਿੱਚ ਦੇਖਿਆ ਜਾ ਸਕਦਾ ਹੈ।
ਸਾਵਧਾਨੀਆਂ ਅਤੇ ਗ੍ਰਹਿਣ ਤੋਂ ਬਾਅਦ ਕੀ ਕਰੀਏ?
ਭਾਵੇਂ ਭਾਰਤ ਵਿੱਚ ਇਸ ਦਾ ਸਿੱਧਾ ਅਸਰ ਨਹੀਂ ਹੈ ਪਰ ਜੋਤਿਸ਼ ਵਿਗਿਆਨ ਅਨੁਸਾਰ ਨਕਾਰਾਤਮਕਤਾ ਤੋਂ ਬਚਣ ਲਈ ਕੁਝ ਸਾਵਧਾਨੀਆਂ ਅਤੇ ਉਪਾਅ ਦੱਸੇ ਗਏ ਹਨ:
• ਇਸ਼ਨਾਨ ਅਤੇ ਸਫ਼ਾਈ: ਗ੍ਰਹਿਣ ਖ਼ਤਮ ਹੋਣ ਤੋਂ ਬਾਅਦ ਇਸ਼ਨਾਨ ਕਰਨਾ ਕਲਿਆਣਕਾਰੀ ਮੰਨਿਆ ਜਾਂਦਾ ਹੈ। ਗ੍ਰਹਿਣ ਤੋਂ ਬਾਅਦ ਪੂਰੇ ਘਰ ਵਿੱਚ ਗੰਗਾਜਲ ਦਾ ਛਿੜਕਾਅ ਕਰਨਾ ਚਾਹੀਦਾ ਹੈ।
• ਦਾਨ ਦਾ ਮਹੱਤਵ: ਗ੍ਰਹਿਣ ਤੋਂ ਬਾਅਦ ਕੱਚਾ ਅੰਨ (ਚੌਲ, ਕਣਕ, ਦਾਲ) ਦਾਨ ਕਰਨਾ ਸ਼ੁਭ ਹੁੰਦਾ ਹੈ। ਇਸ ਤੋਂ ਇਲਾਵਾ ਕਾਲੇ ਤਿਲ (ਸ਼ਨੀ ਦੋਸ਼ ਤੋਂ ਰਾਹਤ ਲਈ), ਲਾਲ ਕੱਪੜੇ, ਗੁੜ, ਤਾਂਬੇ ਦੇ ਬਰਤਨ ਅਤੇ ਕੇਸਰੀ ਰੰਗ ਦੀਆਂ ਚੀਜ਼ਾਂ ਦਾ ਦਾਨ ਕਰਨਾ ਆਰਥਿਕ ਸਥਿਤੀ ਨੂੰ ਮਜ਼ਬੂਤ ਕਰਦਾ ਹੈ।
• ਮੰਤਰ ਜਾਪ: ਗ੍ਰਹਿਣ ਦੌਰਾਨ ਸੂਰਜ ਦੀ ਸਥਿਤੀ ਮਜ਼ਬੂਤ ਕਰਨ ਲਈ 'ਓਮ ਸੂਰਿਆਏ ਨਮਹ' ਜਾਂ ਸੂਰਜ ਗਾਇਤਰੀ ਮੰਤਰ ਦਾ ਜਾਪ ਕਰਨਾ ਲਾਭਕਾਰੀ ਹੁੰਦਾ ਹੈ।
• ਗਰਭਵਤੀ ਔਰਤਾਂ: ਸਰੋਤਾਂ ਅਨੁਸਾਰ, ਕਿਉਂਕਿ ਇਹ ਗ੍ਰਹਿਣ ਭਾਰਤ ਵਿੱਚ ਦਿਖਾਈ ਨਹੀਂ ਦੇ ਰਿਹਾ, ਇਸ ਲਈ ਗਰਭਵਤੀ ਔਰਤਾਂ 'ਤੇ ਇਸ ਦਾ ਕੋਈ ਮਾੜਾ ਅਸਰ ਨਹੀਂ ਮੰਨਿਆ ਜਾਵੇਗਾ।
ਭਾਰਤ ਬਣੇਗਾ ਦੁਨੀਆ ਦੀ ਟਾਪ-3 AI SuperPower: PM ਮੋਦੀ ਨੇ 'AI Impact summit' 'ਚ ਦਿੱਤਾ 2047 ਵਿਜ਼ਨ
NEXT STORY 
