ਨਵੀਂ ਦਿੱਲੀ : ਜੇਕਰ ਤੁਸੀਂ ਵਿਦੇਸ਼ ਘੁੰਮਣ ਦਾ ਸੁਪਨਾ ਦੇਖਦੇ ਹੋ ਪਰ ਬਜਟ ਨੂੰ ਲੈ ਕੇ ਚਿੰਤਤ ਹੋ, ਤਾਂ ਤੁਹਾਡੇ ਲਈ ਇੱਕ ਬਹੁਤ ਹੀ ਸ਼ਾਨਦਾਰ ਖ਼ਬਰ ਹੈ। ਮੱਧ ਏਸ਼ੀਆ ਵਿੱਚ ਸਥਿਤ ਇੱਕ ਅਜਿਹਾ ਖ਼ੂਬਸੂਰਤ ਦੇਸ਼ ਹੈ ਜਿੱਥੇ ਭਾਰਤ ਦਾ 1 ਰੁਪਿਆ ਲਗਭਗ 125 ਉਜ਼ਬੇਕਿਸਤਾਨੀ ਸੋਮ (UZS) ਦੇ ਬਰਾਬਰ ਹੈ। ਇਸਦਾ ਮਤਲਬ ਹੈ ਕਿ ਜੇਕਰ ਤੁਸੀਂ ਇੱਥੇ 1 ਲੱਖ ਰੁਪਏ ਲੈ ਕੇ ਜਾਂਦੇ ਹੋ, ਤਾਂ ਉੱਥੋਂ ਦੀ ਕਰੰਸੀ ਵਿੱਚ ਤੁਸੀਂ ਕਰੋੜਪਤੀ (ਲਗਭਗ 1.25 ਕਰੋੜ ਸੋਮ) ਬਣ ਜਾਓਗੇ।
ਕਿਹੜਾ ਹੈ ਇਹ ਦੇਸ਼?
ਇਸ ਸੁੰਦਰ ਦੇਸ਼ ਦਾ ਨਾਂ ਉਜ਼ਬੇਕਿਸਤਾਨ ਹੈ, ਜੋ ਕਿ ਇੱਕ 'ਡਬਲ ਲੈਂਡ ਲੌਕਡ' ਮੁਸਲਿਮ ਦੇਸ਼ ਹੈ। ਇਹ ਦੇਸ਼ ਆਪਣੀ ਇਤਿਹਾਸਕ ਵਿਰਾਸਤ, ਸ਼ਾਨਦਾਰ ਆਰਕੀਟੈਕਚਰ ਅਤੇ ਸੱਭਿਆਚਾਰ ਲਈ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ। ਇੱਥੋਂ ਦੇ ਸ਼ਹਿਰ ਸਮਰਕੰਦ, ਬੁਖਾਰਾ ਅਤੇ ਤਾਸ਼ਕੰਦ ਸੈਲਾਨੀਆਂ ਲਈ ਖਿੱਚ ਦਾ ਮੁੱਖ ਕੇਂਦਰ ਹਨ।
ਘੱਟ ਖਰਚੇ 'ਚ ਲਗਜ਼ਰੀ ਟ੍ਰਿਪ ਦਾ ਮਜ਼ਾ
ਫਲਾਈਟ ਕਿਰਾਇਆ: ਦਿੱਲੀ ਤੋਂ ਤਾਸ਼ਕੰਦ ਲਈ ਫਲਾਈਟ ਦਾ ਇੱਕ ਪਾਸੇ ਦਾ ਕਿਰਾਇਆ ਲਗਭਗ 20,000 ਰੁਪਏ ਤੋਂ ਸ਼ੁਰੂ ਹੁੰਦਾ ਹੈ।
ਵੀਜ਼ਾ ਸੁਵਿਧਾ: ਭਾਰਤੀਆਂ ਨੂੰ ਇੱਥੇ ਜਾਣ ਲਈ ਵੀਜ਼ਾ ਦੀ ਲੋੜ ਹੁੰਦੀ ਹੈ, ਪਰ ਹੁਣ ਵੀਜ਼ਾ ਪ੍ਰਕਿਰਿਆ ਪਹਿਲਾਂ ਨਾਲੋਂ ਕਾਫੀ ਆਸਾਨ ਹੋ ਚੁੱਕੀ ਹੈ।
ਸਸਤਾ ਰਹਿਣ-ਸਹਿਣ: ਯੂਰਪ ਜਾਂ ਅਮਰੀਕਾ ਦੇ ਮੁਕਾਬਲੇ ਇੱਥੇ ਹੋਟਲ, ਖਾਣਾ-ਪੀਣਾ ਅਤੇ ਲੋਕਲ ਟ੍ਰਾਂਸਪੋਰਟ ਬਹੁਤ ਸਸਤੀ ਹੈ। ਤੁਸੀਂ ਲਗਭਗ 8 ਤੋਂ 10 ਹਜ਼ਾਰ ਰੁਪਏ ਵਿੱਚ ਇੱਕ ਚੰਗੇ ਹੋਟਲ ਅਤੇ ਵਧੀਆ ਖਾਣੇ ਦਾ ਆਨੰਦ ਲੈ ਸਕਦੇ ਹੋ।
ਸਿਲਕ ਰੋਡ ਦਾ ਇਤਿਹਾਸ ਅਤੇ ਸੁਆਦੀ ਪਕਵਾਨ
ਪੁਰਾਣੇ ਸਮੇਂ ਵਿੱਚ ਰੇਸ਼ਮ ਮਾਰਗ (Silk Road) ਦਾ ਹਿੱਸਾ ਰਹੇ ਇੱਥੋਂ ਦੇ ਸ਼ਹਿਰ ਆਪਣੇ ਪ੍ਰਾਚੀਨ ਮਕਬਰਿਆਂ, ਮਸਜਿਦਾਂ ਅਤੇ ਰੰਗ-ਬਿਰੰਗੇ ਬਾਜ਼ਾਰਾਂ ਲਈ ਜਾਣੇ ਜਾਂਦੇ ਹਨ। ਖਾਣੇ ਦੇ ਸ਼ੌਕੀਨਾਂ ਲਈ ਇੱਥੋਂ ਦੇ ਪਲੋਵ (Plov), ਸਮਸਾ ਅਤੇ ਕਬਾਬ ਬੇਹੱਦ ਲਾਜ਼ਵਾਬ ਹਨ। ਇੱਥੋਂ ਦੇ ਲੋਕ ਬਹੁਤ ਮਹਿਮਾਨਨਵਾਜ਼ ਹਨ ਅਤੇ ਸੈਲਾਨੀਆਂ ਦਾ ਖੁੱਲ੍ਹੇ ਦਿਲ ਨਾਲ ਸਵਾਗਤ ਕਰਦੇ ਹਨ। ਜੇਕਰ ਤੁਸੀਂ ਵੀ ਘੱਟ ਖਰਚੇ ਵਿੱਚ ਕਿਸੇ ਵਿਦੇਸ਼ੀ ਦੇਸ਼ ਵਿੱਚ 'ਕਰੋੜਪਤੀ' ਵਰਗਾ ਅਹਿਸਾਸ ਕਰਨਾ ਚਾਹੁੰਦੇ ਹੋ, ਤਾਂ ਆਪਣੀ ਅਗਲੀ ਯਾਤਰਾ ਦੀ ਲਿਸਟ ਵਿੱਚ ਉਜ਼ਬੇਕਿਸਤਾਨ ਨੂੰ ਜ਼ਰੂਰ ਸ਼ਾਮਲ ਕਰੋ।
ਮੋਦੀ ਸਰਕਾਰ ਦੀਆਂ ਆਰਥਿਕ ਨੀਤੀਆਂ ਕਾਰਨ ਦੇਸ਼ ਦੀ ਆਰਥਿਕਤਾ ਸੰਕਟ 'ਚ : ਜੈਰਾਮ ਰਮੇਸ਼
NEXT STORY 
