ਨਵੀਂ ਦਿੱਲੀ— ਜੇਕਰ ਤੁਸੀਂ ਵੀ ਅਧਿਆਪਕ ਬਣਨ ਦਾ ਸੁਫ਼ਨਾ ਵੇਖ ਰਹੇ ਤਾਂ ਤੁਹਾਡਾ ਇਹ ਸੁਫ਼ਨਾ ਛੇਤੀ ਹੀ ਸਾਕਾਰ ਕਰੇਗਾ। ਪੱਛਮੀ ਬੰਗਾਲ ਪ੍ਰਾਇਮਰੀ ਸਿੱਖਿਆ ਬੋਰਡ ਵਲੋਂ ਅਧਿਆਪਕਾ ਦੇ 16,500 ਅਹੁਦਿਆਂ ’ਤੇ ਭਰਤੀ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਹੈ। ਅੱਜ ਅਪਲਾਈ ਕਰਨ ਦੀ ਆਖ਼ਰੀ ਤਾਰੀਖ਼ ਹੈ। ਉਮੀਦਵਾਰਾਂ ਦੀ ਚੋਣ ਸਰਕਾਰ ਦੇ ਪ੍ਰਾਇਮਰੀ ਸਕੂਲਾਂ, ਸਹਾਇਤਾ ਪ੍ਰਾਪਤ ਸਕੂਲਾਂ ਅਤੇ ਹੋਰ ਮਾਨਤਾ ਪ੍ਰਾਪਤ ਸਕੂਲਾਂ ਲਈ ਕੀਤੀ ਜਾਵੇਗੀ।
ਜ਼ਰੂਰੀ ਤਾਰੀਖ਼ਾਂ—
ਆਨਲਾਈਨ ਅਪਲਾਈ ਕਰਨ ਦੀ ਆਖ਼ਰੀ ਤਾਰੀਖ਼- 6 ਜਨਵਰੀ 2021
ਇੰਟਰਵਿਊ ਅਤੇ ਯੋਗਤਾ ਟੈਸਟ ਦੀ ਤਾਰੀਖ਼- 10 ਤੋਂ 17 ਜਨਵਰੀ 2021
ਉਮਰ ਹੱਦ—
ਅਧਿਆਪਕ ਦੇ ਅਹੁਦੇ ’ਤੇ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਦੀ ਉਮਰ 18 ਸਾਲ ਤੋਂ ਲੈ ਕੇ 40 ਸਾਲ ਤੱਕ ਹੋਣੀ ਚਾਹੀਦੀ ਹੈ। ਉਮਰ ਦੀ ਗਿਣਤੀ 1 ਜਨਵਰੀ 2020 ਤੱਕ ਦੇ ਆਧਾਰ ’ਤੇ ਕੀਤੀ ਜਾਵੇਗੀ।
ਸਿੱਖਿਅਕ ਯੋਗਤਾ—
ਅਧਿਆਪਕਾਂ ਲਈ ਨੈਸ਼ਨਲ ਕੌਂਸਲ ਵਲੋਂ ਤੈਅ ਘੱਟੋ-ਘੱਟ ਵਿਦਿਅਕ ਅਤੇ ਸਿਖਲਾਈ ਯੋਗਤਾਵਾਂ ਵਾਲੇ ਉਮੀਦਵਾਰ ਹੀ ਇਸ ਭਰਤੀ ਪ੍ਰਕਿਰਿਆ ਵਿਚ ਹਿੱਸਾ ਲੈ ਸਕਦੇ ਹਨ। ਇਸ ਤੋਂ ਇਲਾਵਾ ਉਮੀਦਵਾਰ ਲਈ ਅਧਿਆਪਕ ਯੋਗਤਾ ਟੈਸਟ (ਟੀ. ਈ. ਟੀ.) 2014 ਪਾਸ ਕਰਨਾ ਵੀ ਲਾਜ਼ਮੀ ਹੈ।
ਅਰਜ਼ੀ ਫੀਸ—
ਐੱਸ.ਸੀ/ਐੱਸ. ਟੀ/ ਵਰਗ ਦੇ ਉਮੀਦਵਾਰਾਂ ਲਈ 50 ਰੁਪਏ
ਹੋਰ ਸਾਰੇ ਵਰਗ ਦੇ ਉਮੀਦਵਾਰਾਂ ਲਈ 200 ਰੁਪਏ ਫੀਸ ਲਈ ਜਾਵੇਗੀ। ਫੀਸ ਦਾ ਭੁਗਤਾਨ ਆਨਲਾਈਨ ਹੋ ਸਕੇਗਾ।
ਇੰਝ ਕਰੋ ਅਪਲਾਈ—
ਚਾਹਵਾਨ ਉਮੀਦਵਾਰ https://prim-tet.in/ ’ਤੇ ਜਾ ਕੇ ਆਨਲਾਈਨ ਬੇਨਤੀ ਕਰ ਸਕਦੇ ਹਨ।
ਇਸ ਵਾਰ ਗਣਤੰਤਰ ਦਿਵਸ ਸਮਾਰੋਹ ਰੱਦ ਕਿਉਂ ਨਾ ਕਰ ਦਿੱਤਾ ਜਾਵੇ : ਸ਼ਸ਼ੀ ਥਰੂਰ
NEXT STORY