ਨੈਸ਼ਨਲ ਡੈਸਕ : ਵਧਦੀ ਮਹਿੰਗਾਈ ਕਾਰਨ ਇਸ ਸਾਲ ਵਿਆਹਾਂ ਦੇ ਖ਼ਰਚੇ ਕਰੀਬ 25 ਫ਼ੀਸਦੀ ਵਧ ਗਏ ਹਨ। ਇਸ ਦੇ ਬਾਵਜੂਦ ਦੇਵੋਥਨ ਇਕਾਦਸ਼ੀ ਤੋਂ ਸ਼ੁਰੂ ਹੋਣ ਵਾਲੇ ਵਿਆਹਾਂ ਦੇ ਸੀਜ਼ਨ ਨੂੰ ਲੈ ਕੇ ਲੋਕਾਂ ਦਾ ਉਤਸ਼ਾਹ ਘੱਟ ਨਹੀਂ ਹੋਇਆ ਹੈ। ਮਹਿੰਗੇ ਵਿਆਹ ਸਥਾਨ, ਭੋਜਨ, ਸਜਾਵਟ ਅਤੇ ਹੋਰ ਪ੍ਰਬੰਧਾਂ ਦੇ ਬਾਵਜੂਦ ਲੋਕ ਵਿਆਹਾਂ ਨੂੰ ਸ਼ਾਨਦਾਰ ਬਣਾਉਣ ਲਈ ਉਤਸੁਕ ਹਨ। ਅੰਦਾਜ਼ਾ ਹੈ ਕਿ ਅਗਲੇ ਦੋ ਮਹੀਨਿਆਂ 'ਚ ਦੇਸ਼ ਭਰ 'ਚ 48 ਲੱਖ ਤੋਂ ਜ਼ਿਆਦਾ ਵਿਆਹ ਹੋਣਗੇ, ਜਿਸ ਨਾਲ ਲਗਭਗ 6 ਲੱਖ ਕਰੋੜ ਰੁਪਏ ਦਾ ਕਾਰੋਬਾਰ ਹੋਵੇਗਾ। ਉੱਚ ਮੱਧ ਵਰਗ ਤੋਂ ਲੈ ਕੇ ਕੁਲੀਨ ਵਰਗ ਤੱਕ ਦੇ ਲੋਕ ਇਵੈਂਟ ਮੈਨੇਜਮੈਂਟ ਦੀ ਮਦਦ ਲੈ ਰਹੇ ਹਨ ਅਤੇ ਵਿਆਹਾਂ ਵਿੱਚ ਭੋਜਨ, ਸੋਸ਼ਲ ਮੀਡੀਆ ਅਤੇ ਸੰਗੀਤ 'ਤੇ ਵਿਸ਼ੇਸ਼ ਜ਼ੋਰ ਦੇ ਰਹੇ ਹਨ।
ਇਹ ਵੀ ਪੜ੍ਹੋ - ਅਫਸਰਸ਼ਾਹੀ 'ਚ ਵੱਡਾ ਉਲਟਫੇਰ : 10 IAS ਅਫ਼ਸਰਾਂ ਦੇ ਤਬਾਦਲੇ, ਦੋ ਅਧਿਕਾਰੀ ਸਸਪੈਂਡ
ਵਿਆਹ ਵਾਲੀ ਥਾਲੀ ਦੀ ਕੀਮਤ
ਦੱਸ ਦੇਈਏ ਕਿ ਵਿਆਹਾਂ ਦਾ ਸੀਜ਼ਨ ਮਹੂਰਤ ਦੇ ਹਿਸਾਬ ਨਾਲ 12 ਨਵੰਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਵਿਆਹ ਸਮਾਗਮਾਂ ਵਿੱਚ ਖਾਣ-ਪੀਣ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧਾ ਹੋਇਆ ਹੈ। ਜਿੱਥੇ ਪਹਿਲਾਂ ਖਾਣਾ 500-900 ਰੁਪਏ ਪ੍ਰਤੀ ਥਾਲੀ ਵਿੱਚ ਮਿਲਦਾ ਸੀ, ਹੁਣ ਉਹੀ ਪਲੇਟ 1200-1700 ਰੁਪਏ ਤੱਕ ਪਹੁੰਚ ਗਈ ਹੈ। ਖ਼ਰਚਿਆਂ ਨੂੰ ਕੰਟਰੋਲ ਕਰਨ ਲਈ ਬਹੁਤ ਸਾਰੇ ਲੋਕ ਮਹਿਮਾਨਾਂ ਦੀ ਗਿਣਤੀ 800-1000 ਤੱਕ ਸੀਮਤ ਕਰ ਰਹੇ ਹਨ।
ਗਾਰਡਨ ਅਤੇ ਹੋਟਲਾਂ ਦੀ ਬੁਕਿੰਗ ਹੋਈ ਮਹਿੰਗੀ
ਇੰਦੌਰ ਸਮੇਤ ਹੋਰ ਸ਼ਹਿਰਾਂ ਵਿੱਚ ਗਾਰਡਨ ਅਤੇ ਹੋਟਲਾਂ ਦੀ ਬੁਕਿੰਗ ਦਰਾਂ ਵਿੱਚ 10% ਦਾ ਵਾਧਾ ਹੋਇਆ ਹੈ। ਬੈਂਡ ਅਤੇ ਘੋੜੀ ਦੇ ਘੱਟੋ-ਘੱਟ ਕਿਰਾਏ ਵਿੱਚ ਵੀ ਵਾਧਾ ਹੋਇਆ ਹੈ। ਹੁਣ ਬੈਂਡ ਦੀ ਸ਼ੁਰੂਆਤੀ ਕੀਮਤ 11,000 ਰੁਪਏ ਹੋ ਗਈ ਹੈ ਅਤੇ ਘੋੜੀ ਦਾ ਘੱਟੋ-ਘੱਟ ਕਿਰਾਇਆ 3,100 ਰੁਪਏ ਹੋ ਗਿਆ ਹੈ। ਹੁਣ ਰਵਾਇਤੀ ਭੋਜਨ ਦੇ ਨਾਲ-ਨਾਲ ਮਲਟੀ-ਕਿਊਜ਼ੀਨ ਦਾ ਰੁਝਾਨ ਵਧਿਆ ਹੈ। ਨੌਜਵਾਨਾਂ ਅਤੇ ਔਰਤਾਂ ਦੀ ਪਸੰਦ ਨੂੰ ਪੂਰਾ ਕਰਨ ਲਈ ਚਾਟ, ਜਾਪਾਨੀ, ਕੁਰੀਅਨ, ਓਰੀਐਂਟਲ, ਇਟਾਲੀਅਨ, ਮੈਕਸੀਕਨ ਅਤੇ ਚੀਨੀ ਪਕਵਾਨ ਸ਼ਾਮਲ ਕੀਤੇ ਜਾ ਰਹੇ ਹਨ। ਮਹਿੰਗਾਈ ਦੇ ਬਾਵਜੂਦ ਇਸ ਵਿਆਹ ਦੇ ਸੀਜ਼ਨ 'ਚ ਉਤਸ਼ਾਹ ਅਤੇ ਤਿਆਰੀਆਂ ਆਪਣੇ ਸਿਖਰ 'ਤੇ ਹਨ।
ਇਹ ਵੀ ਪੜ੍ਹੋ - ਕੁਝ ਹੀ ਸਾਲਾਂ 'ਚ ਦੁਨੀਆ ਦੇ ਨਕਸ਼ੇ ਤੋਂ ਮਿਟ ਜਾਵੇਗਾ ਇਹ ਖ਼ੂਬਸੂਰਤ ਦੇਸ਼
ਵਧ ਰਹੇ ਬਜਟ ਦਾ ਸਫ਼ਰ
1990 ਤੱਕ 2 ਤੋਂ 2.5 ਲੱਖ ਰੁਪਏ
2000 ਤੱਕ 3 ਤੋਂ 5 ਲੱਖ ਰੁਪਏ
2010 ਤੋਂ ਬਾਅਦ 10 ਤੋਂ 15 ਲੱਖ ਰੁਪਏ
2015 ਤੱਕ 25 ਤੋਂ 30 ਲੱਖ ਰੁਪਏ
2022 ਤੋਂ ਬਾਅਦ 50 ਲੱਖ ਤੋਂ 1 ਕਰੋੜ ਰੁਪਏ
ਇਹ ਵੀ ਪੜ੍ਹੋ - ਖ਼ਾਸ ਖ਼ਬਰ: ਭੈਣਾਂ ਦੇ ਖਾਤਿਆਂ 'ਚ ਆਉਣਗੇ 1250 ਰੁਪਏ, ਸਰਕਾਰ ਨੇ ਜਾਰੀ ਕੀਤੀ ਰਕਮ
ਉੱਚ ਮੱਧ ਵਰਗ ਦਾ ਬਜਟ
ਮੈਰਿਜ ਗਾਰਡਨ ਅਤੇ ਰਿਜ਼ੋਰਟ: 5-15 ਲੱਖ ਰੁਪਏ
ਫੋਟੋ ਅਤੇ ਵੀਡੀਓ ਸ਼ੂਟ: 2 ਲੱਖ ਰੁਪਏ
ਕੇਟਰਿੰਗ: 6-10 ਲੱਖ ਰੁਪਏ (500 ਮਹਿਮਾਨਾਂ ਲਈ)
ਇਵੈਂਟ ਮੈਨੇਜਮੈਂਟ: 5-8 ਲੱਖ ਰੁਪਏ
ਥੀਮ ਆਧਾਰਿਤ ਪਹਿਰਾਵੇ: 5 ਲੱਖ ਰੁਪਏ
ਕੁਲੀਨ ਵਰਗ ਦੇ ਖ਼ਰਚੇ
ਡੈਸਟੀਨੇਸ਼ਨ ਮੈਰਿਜ (ਰਾਜਸਥਾਨ): 3-5 ਕਰੋੜ ਰੁਪਏ
ਫੋਟੋ, ਵੀਡੀਓ ਅਤੇ ਸੋਸ਼ਲ ਮੀਡੀਆ ਰੀਲਜ਼: 15 ਲੱਖ ਰੁਪਏ
ਇਵੈਂਟ ਮੈਨੇਜਮੈਂਟ: 50 ਲੱਖ ਰੁਪਏ
ਬੈਂਡ: 15 ਲੱਖ ਰੁਪਏ
ਬਾਲੀਵੁੱਡ/ਪੰਜਾਬੀ ਗਾਇਕ: 20 ਲੱਖ ਰੁਪਏ
ਇਹ ਵੀ ਪੜ੍ਹੋ - 40 ਕੁਆਰੀਆਂ ਕੁੜੀਆਂ ਨੂੰ ਇਕੱਠੇ ਦੱਸਿਆ ਗਰਭਵਤੀ, ਫੋਨ 'ਤੇ ਆਏ ਮੈਸੇਜ ਨੇ ਉਡਾਏ ਹੋਸ਼
ਕੁੱਲ ਬਜਟ ਵਿੱਚ ਵੱਡੇ ਖ਼ਰਚੇ
ਗਹਿਣੇ: 15%
ਟੈਂਟ ਦੀ ਸਜਾਵਟ ਅਤੇ ਕੇਟਰਿੰਗ: 10%
ਕਰਿਆਨੇ, ਸਬਜ਼ੀਆਂ, ਸਨੈਕਸ: 10%
ਲਿਬਾਸ: 10%
ਰੌਸ਼ਨੀ, ਆਵਾਜ਼, ਸੰਗੀਤ: 6%
ਫੁੱਲਾਂ ਦੀ ਸਜਾਵਟ: 4%
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਵੈਨ 'ਚੋਂ ਚਾਂਦੀ ਦੀਆਂ ਇੱਟਾਂ ਜ਼ਬਤ, ਕਰੋੜਾਂ 'ਚ ਹੈ ਕੀਮਤ
NEXT STORY 
