ਭੋਪਾਲ- ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਨੇ ਭਾਰਤ ਦੇ ਇਤਿਹਾਸਕ ਚੰਨ ਮਿਸ਼ਨ 'ਚੰਦਰਯਾਨ-3' ਅਤੇ ਕਈ ਕੇਂਦਰੀ ਯੋਜਨਾਵਾਂ ਦਾ ਜ਼ਿਕਰ ਕਰਦੇ ਹੋਏ ਸ਼ਨੀਵਾਰ ਨੂੰ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 8 ਸਾਲਾਂ ਵਿਚ ਜੋ ਹਾਸਲ ਕੀਤਾ ਹੈ, ਉਹ ਉਨ੍ਹਾਂ ਤੋਂ ਪਹਿਲਾਂ 60 ਸਾਲ ਵਿਚ ਨਹੀਂ ਹੋ ਸਕਿਆ। ਸੂਚਨਾ, ਪ੍ਰਸਾਰਣ ਤੇ ਖੇਡ ਅਤੇ ਯੁਵਾ ਮਾਮਲਿਆਂ ਦੇ ਮੰਤਰੀ ਅਨੁਰਾਗ ਠਾਕੁਰ ਨੇ ਕਿਹਾ ਕਿ ਭਾਰਤ ਚੰਦਰਮਾ ਦੇ ਦੱਖਣੀ ਧਰੁਵ 'ਤੇ ਪੁਲਾੜ ਯਾਨ ਉਤਾਰਨ ਵਾਲੇ ਦੁਨੀਆ ਦਾ ਪਹਿਲਾ ਦੇਸ਼ ਹੈ। ਇਹ ਸਾਡੇ ਲਈ ਮਾਣ ਵਾਲਾ ਪਲ ਹੈ।
ਠਾਕੁਰ ਇੱਥੇ ਪ੍ਰਧਾਨ ਮੰਤਰੀ ਮੋਦੀ ਦੇ ਚੋਣਵੇਂ ਭਾਸ਼ਣਾਂ ਦਾ ਸੰਗ੍ਰਹਿ 'ਤੇ ਆਧਾਰਿਤ ਦੋ ਪੁਸਤਕਾਂ 'ਸਭ ਕਾ ਸਾਥ, ਸਭ ਕਾ ਵਿਕਾਸ, ਸਭ ਦਾ ਵਿਸ਼ਵਾਸ' ਦੀ ਘੁੰਡ ਚੁੱਕਾਈ ਲਈ ਆਯੋਜਿਤ ਸਮਾਰੋਹ ਨੂੰ ਸੰਬੋਧਿਤ ਕਰ ਰਹੇ ਸਨ। ਠਾਕੁਰ ਨੇ ਕਿਹਾ ਕਿ ਜੋ 60 ਸਾਲਾਂ ਵਿਚ ਨਹੀਂ ਹੋ ਸਕਿਆ, ਉਹ ਮੋਦੀ ਜੀ ਨੇ ਸਿਰਫ 8 ਸਾਲਾਂ ਵਿਚ ਕਰ ਵਿਖਾਇਆ। 4 ਕਰੋੜ ਗਰੀਬਾਂ ਨੂੰ ਪੱਕੇ ਮਕਾਨ ਬਣਾ ਕੇ ਦਿੱਤੇ। 12 ਕਰੋੜ ਭੈਣਾਂ ਨੂੰ ਅਤੇ ਪਰਿਵਾਰਾਂ ਨੂੰ ਪਖ਼ਾਨੇ ਬਣਾ ਕੇ ਦਿੱਤੇ। ਹਰ ਪਿੰਡ ਤੱਕ ਬਿਜਲੀ ਪਹੁੰਚਾ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਮੋਦੀ ਜੀ ਨੇ 80 ਕਰੋੜ ਗਰੀਬਾਂ ਨੂੰ ਕੋਵਿਡ ਮਹਾਮਾਰੀ ਦੌਰਾਨ ਢਾਈ ਸਾਲ ਤੱਕ ਡਬਲ ਰਾਸ਼ਨ ਦੇਣ ਦਾ ਕੰਮ ਕੀਤਾ ਅਤੇ ਹੁਣ ਤਾਂ 12 ਕਰੋੜ ਘਰਾਂ ਨੂੰ ਨਲ ਤੋਂ ਜਲ ਦੇਣ ਦਾ ਕੰਮ ਸਿਰਫ 3 ਸਾਲਾਂ ' ਚ ਕਰ ਦਿੱਤਾ।
ਅਨੁਰਾਗ ਠਾਕੁਰ ਨੇ ਮਨਾਲੀ ਵਿਚ ਅਟਲ ਟਨਲ, ਜੰਮੂ ਖੇਤਰ 'ਚ ਚਿਨਾਬ ਨਦੀ 'ਤੇ ਬਣੇ ਰੇਲਵੇ ਪੁਲ ਅਤੇ ਗੁਜਰਾਤ ਵਿਚ ਸਰਦਾਰ ਪਟੇਲ ਮੂਰਤੀ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਸਭ ਤੋਂ ਲੰਬਾ, ਸਭ ਤੋਂ ਉੱਚਾ ਅਤੇ ਸਭ ਤੋਂ ਵੱਡਾ ਵਰਗੀਆਂ ਗੱਲਾਂ ਵਿਚ ਪਹਿਲਾਂ ਦੁਨੀਆ ਦੀ ਥਾਂ ਦਾ ਨਾਂ ਆਉਂਦਾ ਸੀ ਪਰ ਹੁਣ ਭਾਰਤ ਦਾ ਨਾਂ ਲਿਆ ਜਾਂਦਾ ਹੈ। ਇਹ ਨਵੇਂ ਭਾਰਤ ਦੀ ਪਛਾਣ ਹੈ, ਜੋ ਚੰਦਰਯਾਨ ਮਿਸ਼ਨ ਨਾਲ ਅੱਗੇ ਵਧ ਰਹੀਆਂ ਹਨ।
ਜੰਮੂ ਕਸ਼ਮੀਰ : ਸੁਰੱਖਿਆ ਫ਼ੋਰਸਾਂ ਨੇ ਅੱਤਵਾਦੀ ਮਾਡਿਊਲ ਦਾ ਕੀਤਾ ਪਰਦਾਫਾਸ਼, ਇਕ ਗ੍ਰਿਫ਼ਤਾਰ
NEXT STORY 
