ਧਰਮ ਡੈਸਕ : ਜੋਤਿਸ਼ ਸ਼ਾਸਤਰ ਵਿੱਚ ਗ੍ਰਹਿਆਂ ਦੀ ਚਾਲ ਦਾ ਵਿਸ਼ੇਸ਼ ਮਹੱਤਵ ਹੁੰਦਾ ਹੈ ਅਤੇ ਜਦੋਂ 'ਦੇਵਗੁਰੂ' ਬ੍ਰਹਿਸਪਤੀ ਆਪਣੀ ਚਾਲ ਬਦਲਦੇ ਹਨ, ਤਾਂ ਇਸ ਦਾ ਅਸਰ ਪੂਰੀ ਦੁਨੀਆ 'ਤੇ ਦੇਖਣ ਨੂੰ ਮਿਲਦਾ ਹੈ। 11 ਮਾਰਚ 2026 ਨੂੰ ਲਗਭਗ 120 ਦਿਨਾਂ ਬਾਅਦ ਬ੍ਰਹਿਸਪਤੀ ਮਿਥੁਨ ਰਾਸ਼ੀ ਵਿੱਚ ਮਾਰਗੀ (ਸਿੱਧੀ ਚਾਲ) ਹੋਣ ਜਾ ਰਹੇ ਹਨ। ਇਸ ਗ੍ਰਹਿ ਪਰਿਵਰਤਨ ਨਾਲ ਕਰੀਅਰ, ਸਿੱਖਿਆ ਅਤੇ ਧਨ ਦੇ ਮਾਮਲਿਆਂ ਵਿੱਚ ਵੱਡੇ ਸਕਾਰਾਤਮਕ ਬਦਲਾਅ ਆਉਣ ਦੀ ਸੰਭਾਵਨਾ ਹੈ।
ਕਿਉਂ ਮਹੱਤਵਪੂਰਨ ਹੈ ਗੁਰੂ ਦਾ ਮਾਰਗੀ ਹੋਣਾ?
ਵੈਦਿਕ ਜੋਤਿਸ਼ ਵਿੱਚ ਬ੍ਰਹਿਸਪਤੀ ਨੂੰ ਗਿਆਨ, ਧਰਮ, ਕਿਸਮਤ, ਖੁਸ਼ਹਾਲੀ ਅਤੇ ਧਨ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਜਦੋਂ ਗੁਰੂ ਵਕਰੀ (ਉਲਟੀ ਚਾਲ) ਹੁੰਦੇ ਹਨ, ਤਾਂ ਕਈ ਕੰਮਾਂ ਵਿੱਚ ਦੇਰੀ ਜਾਂ ਫੈਸਲੇ ਲੈਣ ਵਿੱਚ ਭੰਬਲਭੂਸਾ ਪੈਦਾ ਹੁੰਦਾ ਹੈ। ਪਰ 11 ਮਾਰਚ ਤੋਂ ਬਾਅਦ ਜਦੋਂ ਗੁਰੂ ਮਾਰਗੀ ਹੋਣਗੇ, ਤਾਂ ਰੁਕੇ ਹੋਏ ਕੰਮ ਦੁਬਾਰਾ ਗਤੀ ਫੜਨਗੇ ਅਤੇ ਤਰੱਕੀ ਦੇ ਨਵੇਂ ਰਾਹ ਖੁੱਲ੍ਹਣਗੇ। ਖਾਸ ਕਰਕੇ ਸਿੱਖਿਆ, ਮੀਡੀਆ, ਟੈਕਨਾਲੋਜੀ ਅਤੇ ਸਟਾਰਟਅੱਪ ਦੇ ਖੇਤਰਾਂ ਵਿੱਚ ਵੱਡਾ ਉਛਾਲ ਦੇਖਣ ਨੂੰ ਮਿਲ ਸਕਦਾ ਹੈ।
ਇਨ੍ਹਾਂ 5 ਰਾਸ਼ੀਆਂ ਦੀ ਚਮਕੇਗੀ ਕਿਸਮਤ:
- ਮੇਸ਼ ਰਾਸ਼ੀ: ਲੰਬੇ ਸਮੇਂ ਤੋਂ ਅਟਕੇ ਹੋਏ ਕੰਮ ਪੂਰੇ ਹੋਣਗੇ ਅਤੇ ਨੌਕਰੀਪੇਸ਼ਾ ਲੋਕਾਂ ਨੂੰ ਤਰੱਕੀ ਜਾਂ ਨਵੀਂ ਜ਼ਿੰਮੇਵਾਰੀ ਮਿਲ ਸਕਦੀ ਹੈ। ਆਮਦਨ ਦੇ ਨਵੇਂ ਸਰੋਤ ਖੁੱਲ੍ਹਣਗੇ।
- ਵ੍ਰਿਸ਼ਭ ਰਾਸ਼ੀ: ਆਰਥਿਕ ਪੱਖੋਂ ਇਹ ਸਮਾਂ ਬਹੁਤ ਸ਼ੁਭ ਹੈ। ਨਿਵੇਸ਼ ਅਤੇ ਵਪਾਰ ਵਿੱਚ ਨਵੀਆਂ ਯੋਜਨਾਵਾਂ ਸਫਲ ਹੋਣਗੀਆਂ ਅਤੇ ਪਰਿਵਾਰਕ ਮਾਹੌਲ ਖੁਸ਼ਗਵਾਰ ਰਹੇਗਾ।
- ਮਿਥੁਨ ਰਾਸ਼ੀ: ਗੁਰੂ ਇਸੇ ਰਾਸ਼ੀ ਵਿੱਚ ਮਾਰਗੀ ਹੋ ਰਹੇ ਹਨ, ਜਿਸ ਨਾਲ ਆਤਮ-ਵਿਸ਼ਵਾਸ ਵਿੱਚ ਵਾਧਾ ਹੋਵੇਗਾ। ਸਮਾਜ ਵਿੱਚ ਮਾਣ-ਸਨਮਾਨ ਵਧੇਗਾ ਅਤੇ ਕਰੀਅਰ ਨੂੰ ਨਵੀਂ ਦਿਸ਼ਾ ਮਿਲੇਗੀ।
- ਸਿੰਘ ਰਾਸ਼ੀ: ਨਵੇਂ ਸੰਪਰਕਾਂ ਅਤੇ ਨੈੱਟਵਰਕਿੰਗ ਰਾਹੀਂ ਸਫਲਤਾ ਮਿਲੇਗੀ। ਵਪਾਰ ਵਿੱਚ ਵਿਸਥਾਰ ਹੋਵੇਗਾ ਅਤੇ ਆਰਥਿਕ ਸਥਿਤੀ ਪਹਿਲਾਂ ਨਾਲੋਂ ਮਜ਼ਬੂਤ ਹੋਵੇਗੀ।
- ਧਨੁ ਰਾਸ਼ੀ: ਗੁਰੂ ਇਸ ਰਾਸ਼ੀ ਦੇ ਸੁਆਮੀ ਹਨ, ਇਸ ਲਈ ਇਸ ਦਾ ਵਿਸ਼ੇਸ਼ ਲਾਭ ਮਿਲੇਗਾ। ਸਾਂਝੇਦਾਰੀ ਵਾਲੇ ਕੰਮਾਂ ਵਿੱਚ ਫਾਇਦਾ ਹੋਵੇਗਾ ਅਤੇ ਜੀਵਨ ਵਿੱਚ ਸਥਿਰਤਾ ਆਵੇਗੀ।
ਸਾਵਧਾਨੀ ਵੀ ਹੈ ਜ਼ਰੂਰੀ
ਹਾਲਾਂਕਿ ਗੁਰੂ ਇੱਕ ਸ਼ੁਭ ਗ੍ਰਹਿ ਹੈ, ਪਰ ਜੋਤਿਸ਼ੀ ਮਾਹਰਾਂ ਅਨੁਸਾਰ ਹਰ ਵਿਅਕਤੀ ਦੀ ਕੁੰਡਲੀ ਦੇ ਆਧਾਰ 'ਤੇ ਪ੍ਰਭਾਵ ਵੱਖੋ-ਵੱਖਰੇ ਹੋ ਸਕਦੇ ਹਨ। ਇਸ ਲਈ ਕੋਈ ਵੀ ਵੱਡਾ ਨਿਵੇਸ਼ ਜਾਂ ਫੈਸਲਾ ਲੈਣ ਤੋਂ ਪਹਿਲਾਂ ਚੰਗੀ ਤਰ੍ਹਾਂ ਸੋਚ-ਵਿਚਾਰ ਕਰਨਾ ਅਤੇ ਮਾਹਰਾਂ ਦੀ ਸਲਾਹ ਲੈਣੀ ਉਚਿਤ ਰਹੇਗੀ।
ਪੱਛਮੀ ਏਸ਼ੀਆ ਤਣਾਅ ਵਿਚਾਲੇ ਦੁਬਈ 'ਚ ਫਸੀ ਇਹ ਬਾਲੀਵੁੱਡ ਅਦਾਕਾਰਾ, ਮੁੰਬਈ ਪਰਤਣ ਲਈ ਕਰ ਰਹੀ ਹੈ ਕੋਸ਼ਿਸ਼ਾਂ
NEXT STORY 
