ਆਰ. ਐੱਸ. ਪੁਰਾ, (ਮੁਕੇਸ਼) - ਮੈਂ ਆਪਣੇ ਦੇਸ਼ ਵਿਚ ਹੀ ਮਰਨਾ ਚਾਹੁੰਦਾ ਹਾਂ। ਮੇਰੀ ਇੱਛਾ ਹੈ ਕਿ ਜਦੋਂ ਮੇਰੇ ਪ੍ਰਾਣ ਨਿਕਲਣ ਤਾਂ ਮੈਨੂੰ ਆਪਣੇ ਵਤਨ ਦੀ ਹੀ ਮਿੱਟੀ ਨਸੀਬ ਹੋਵੇ। ਇਹ ਗੱਲ ਗਲਤੀ ਨਾਲ ਭਾਰਤੀ ਸਰਹੱਦ ਵਿਚ ਦਾਖਲ ਹੋ ਚੁੱਕੇ 85 ਸਾਲਾ ਪਾਕਿਸਤਾਨੀ ਨਾਗਰਿਕ ਮੁਹੰਮਦ ਨਜੀਰ ਪੁੱਤਰ ਫਤਿਹਦੀਨ ਨੇ ਦੱਸੀ ਜਿਸ ਨੂੰ ਪਾਕਿਸਤਾਨੀ ਸਰਕਾਰ ਨੇ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਦਸਿਆ ਜਾ ਰਿਹਾ ਹੈ ਕਿ ਸੀਮਾ ਸੁਰੱਖਿਆ ਬਲ ਵਲੋਂ ਪਾਕਿ ਰੇਂਜਰਜ਼ ਨੂੰ ਕਈ ਵਾਰ ਸੂਚਿਤ ਕੀਤਾ ਗਿਆ ਹੈ। ਪਾਕਿਸਤਾਨੀ ਰੇਂਜਰਜ਼ ਵਲੋਂ ਆਪਣੇ ਹੀ ਨਾਗਰਿਕ ਨੂੰ ਵਾਪਸ ਲੈਣ ਤੋਂ ਇਨਕਾਰ ਨਾਲ ਇਹ ਗੱਲ ਸਾਬਤ ਹੁੰਦੀ ਹੈ ਕਿ ਜਿਸ ਇਨਸਾਨ ਨੇ ਆਪਣੀ ਸਾਰੀ ਉਮਰ ਗੁਜ਼ਾਰੀ ਹੋਵੇ ਉਹੀ ਦੇਸ਼ ਉਸ ਨੂੰ ਲੈਣ ਵਿਚ ਨਾਂਹ-ਨੁੱਕਰ ਕਰ ਰਿਹਾ ਹੈ।
ਸਫੇਦ ਕੁੜਤਾ-ਪਜਾਮਾ ਅਤੇ ਹੱਥ ਵਿਚ ਗਠੜੀ ਲਈ ਪਾਕਿ ਨਾਗਰਿਕ ਤੋਂ ਸਖਤ ਪੁੱਛਗਿਛ ਕਰਨ ਦੇ ਬਾਅਦ ਸੋਮਵਾਰ ਦੁਪਹਿਰ ਨੂੰ ਬੀ. ਐੱਸ. ਐੱਫ. ਦੇ ਇੰਸਪੈਕਟਰ ਰਾਜ ਸਿੰਘ ਡੋਗਰਾ ਦੀ ਦੇਖ-ਰੇਖ ਵਿਚ ਆਰ. ਐੱਸ. ਪੁਰਾ ਪੁਲਸ ਦੇ ਹਵਾਲੇ ਕਰ ਦਿੱਤਾ ਗਿਆ। ਨਜੀਰ ਨੇ ਦਸਿਆ ਕਿ ਉਹ ਪਾਕਿਸਤਾਨ ਦੇ ਪਿੰਡ ਇਸਲਾਮਪੁਰ ਜ਼ਿਲਾ ਲਾਹੌਰ ਦਾ ਰਹਿਣ ਵਾਲਾ ਹੈ। ਉਸ ਨੇ ਦੱਸਿਆ ਕਿ ਉਹ ਦਵਾਈ ਲੈਣ ਘਰੋਂ ਨਿਕਲਿਆ ਸੀ ਪਰ ਗਲਤੀ ਨਾਲ ਸਰਹੱਦ ਪਾਰ ਕਰਾਸ ਕਰ ਗਿਆ ਜਿਸ ਦਾ ਉਸ ਨੂੰ ਪਤਾ ਨਹੀਂ ਲੱਗਾ। ਹੁਣ ਦੇਖਣਾ ਇਹ ਹੈ ਕਿ ਪਾਕਿਸਤਾਨ ਸਰਕਾਰ ਉਸ ਨੂੰ ਲੈਣ ਵਿਚ ਕਿੰਨੀ ਜਲਦੀ ਫੈਸਲਾ ਲੈਂਦੀ ਹੈ।
ਸ਼ਾਇਦ ਹੀ ਕੋਈ ਭਾਰਤੀ ਮੁਸਲਮਾਨ ਅੱਤਵਾਦ 'ਚ ਸ਼ਾਮਲ ਹੋਵੇ : ਪ੍ਰਣਬ
NEXT STORY 
