ਓਸਲੋ- ਭਾਰਤ ’ਚ ਨਿਵੇਸ਼ ਦੀਆਂ ਪਰਿਸਥਿਤੀਆਂ ਦੇ ਪ੍ਰਤੀ ਨਿਵੇਸ਼ਕਾਂ ਦੇ ਖਦਸ਼ਿਆਂ ਨੂੰ ਦੂਰ ਕਰਦੇ ਹੋਏ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਜੇਕਰ ਵੋਡਾਫੋਨ ਟੈਕਸੇਸ਼ਨ ਮਾਮਲਿਆਂ ਵਿਚ ਬੰਬਈ ਹਾਈ ਕੋਰਟ ਦੇ ਫੈਸਲੇ ’ਤੇ ਕਾਇਮ ਰਹਿੰਦਾ ਹੈ ਤਾਂ ਇਸ ਨਾਲ ਫਿ.ਨਲੈਂਡ ਦੀ ਹੈਂਡਸੈੱਟ ਕੰਪਨੀ ਨੋਕੀਆ ਦੇ ਨਾਲ 26 ਹੋਰਨਾਂ ਨੂੰ ਮਦਦ ਮਿਲੇਗੀ।
ਹੇਲਸਿੰਕੀ ਰਵਾਨਾ ਹੋਣ ਤੋਂ ਪਹਿਲੇ ਫਿਨਲੈਂਡ ਦੇ ਮੀਡੀਆ ਦੇ ਨਾਲ ਇੰਟਰਵਿਊ ’ਚ ਰਾਸ਼ਟਰਪਤੀ ਨੇ ਕਿਹਾ ਕਿ ਭਾਰਤੀ ਟੈਕਸ ਵਿਭਾਗ ਦੀ ਧਾਰਨਾ ਇਹ ਹੈ ਕਿ ਸ਼ੇਅਰਾਂ ਦੀ ਟਰਾਂਸਫਰ, ਆਮਦਨੀ ਦੀ ਟਰਾਂਸਫਰ ਹੈ। ਅਜਿਹੇ ਵਿਚ ਜਦੋਂ ਆਮਦਨ ਦੇ ਟਰਾਂਸਫਰ ਦਾ ਸਵਾਲ ਆਉਂਦਾ ਹੈ ਤਾਂ ਇਸ ’ਤੇ ਟੈਕਸ ਲਗਦਾ ਹੈ ਕਿਉਂਕਿ ਜ਼ਿਆਦਾਤਰ ਦੇਸ਼ਾਂ ਦੀ ਤਰ੍ਹਾਂ ਭਾਰਤ ਵਿਚ ਵੀ ਆਮਦਨ ’ਤੇ ਟੈਕਸ ਲਗਦਾ ਹੈ।
ਵੱਡੀਆਂ ਕੰਪਨੀਆਂ ਦੀ ਵੱਖ-ਵੱਖ ਇਕਾਈਆਂ ਦੇ ਵਿਚ ਮੁੱਲ ਅੰਤਰ ਜਾਂ ਸੌਦੇ ਦੇ ਮੁੱਲ ਨੂੰ ਲੈ ਕੇ ਭਾਰਤ ਵਿਚ ਕਾਫੀ ਵਿਵਾਦ ਰਿਹਾ ਹੈ। ਭਾਰਤ ਵਿਚ ਪਰਿਚਾਲਨ ਕਰ ਰਹੀਆਂ ਮਲਟੀਨੈਸ਼ਨਲ ਕੰਪਨੀਆਂ ਜਿਵੇਂ ਵੋਡਾਫੋਨ, ਸ਼ੇਲ, ਡਬਲਿਊ.ਐੱਨ.ਐੱਸ. ਅਤੇ ਨੋਕੀਆ ਇਸ ਤਰ੍ਹਾਂ ਦੇ ਵਿਵਾਦਾਂ ’ਚ ਉਲਝੀਆਂ ਹਨ।
ਮੁਖਰਜੀ ਨੇ ਕਿਹਾ ਕਿ ਹੁਣ ਅਦਾਲਤ ਨੇ ਆਪਣਾ ਫੈਸਲਾ ਦੱਸ ਦਿੱਤਾ ਹੈ। ਅਦਾਲਤ ਨੇ ਉਦਯੋਗ ਦੀ ਇਸ ਦਲੀਲ ਨੂੰ ਕਬੂਲ ਕਰ ਲਿਆ ਹੈ ਕਿ ਸ਼ੇਅਰਾਂ ਦਾ ਸਪੁਰਦਗੀ ਪੂੰਜੀ ਦੀ ਸਪੁਰਦਰੀ ਹੈ, ਆਮਦਨ ਦੀ ਨਹੀਂ। ਹਾਲਾਂਕਿ ਸਰਕਾਰ ਇਸ ਮਾਮਲੇ ’ਚ ਸੁਪਰੀਮ ਕੋਰਟ ਜਾ ਸਕਦੀ ਹੈ। ਸੁਪਰੀਮ ਕੋਰਟ ਇਸ ਮਾਮਲੇ ਵਿਚ ਜੋ ਕਹੇਗਾ, ਉਹ ਅੰਤਿਮ ਹੋਵੇਗਾ।
ਸਹਿਕਾਰੀ ਬੈਂਕਾਂ ਨੂੰ ਜਨਧਨ ਯੋਜਨਾ ਨਾਲ ਜੁੜਨਾ ਚਾਹੀਦਾ ਹੈ : ਸ਼ਾਹ
NEXT STORY 
