ਦੇਵਰਿਸ਼ੀ ਨਾਰਦ ਦਾ ਨਾਂ ਸੁਣਦਿਆਂ ਹੀ ਇਧਰ-ਉਧਰ ਵਿਚਰਣ ਕਰਨ ਵਾਲੀ ਸ਼ਖਸੀਅਤ ਦਾ ਅਹਿਸਾਸ ਹੁੰਦਾ ਹੈ। ਦੇਵਰਿਸ਼ੀ ਨਾਰਦ ਇਧਰ-ਉਧਰ ਘੁੰਮਦੇ ਹੋਏ ਸੰਵਾਦ ਕਰਨ ਦਾ ਕੰਮ ਕਰਦੇ ਹਨ। ਇਸ ਤਰ੍ਹਾਂ ਉਹ ਇਕ ਘੁਮੱਕੜ ਪਰ ਸਹੀ ਤੇ ਸਰਗਰਮ-ਸਾਰਥਕ ਪੱਤਰਕਾਰ ਦੀ ਭੂਮਿਕਾ ਨਿਭਾਉਂਦੇ ਹਨ। ਜ਼ਿਆਦਾ ਸਪੱਸ਼ਟ ਸ਼ਬਦਾਂ ਵਿਚ ਕਹੀਏ ਤਾਂ ਦੇਵਰਿਸ਼ੀ ਹੀ ਨਹੀਂ, ਦਿਵਿਆ ਪੱਤਰਕਾਰ ਵੀ ਹਨ ਨਾਰਦ। ਮਹਾਰਿਸ਼ੀ ਵੇਦ ਵਿਆਸ ਦੁਨੀਆ ਦੇ ਪਹਿਲੇ ਸੰਪਾਦਕ ਹਨ, ਕਿਉਂਕਿ ਉਨ੍ਹਾਂ ਨੇ ਵੇਦਾਂ ਦਾ ਸੰਪਾਦਨ ਕਰ ਕੇ ਇਹ ਯਕੀਨੀ ਬਣਾਇਆ ਕਿ ਕਿਹੜਾ ਮੰਤਰ ਕਿਸ ਵੇਦ ਵਿਚ ਜਾਵੇਗਾ, ਭਾਵ ਰਿਗਵੇਦ ਵਿਚ ਕਿਹੜੇ ਮੰਤਰ ਹੋਣਗੇ ਅਤੇ ਯਜੁਰਵੇਦ ਵਿਚ ਕਿਹੜੇ, ਸਾਮਵੇਦ ਵਿਚ ਕਿਹੜੇ ਮੰਤਰ ਹੋਣਗੇ ਅਤੇ ਅਥਰਵਵੇਦ ਵਿਚ ਕਿਹੜੇ। ਵੇਦਾਂ ਦੇ ਵਰਗੀਕਰਣ ਤੇ ਸੂਚੀਕਰਣ ਦਾ ਕੰਮ ਵੀ ਵੇਦ ਵਿਆਸ ਨੇ ਕੀਤਾ ਅਤੇ ਵੇਦਾਂ ਦੇ ਸੰਪਾਦਨ ਦਾ ਇਹ ਕੰਮ ਮਹਾਭਾਰਤ ਦੇ ਲੇਖਣ ਤੋਂ ਵੀ ਜ਼ਿਆਦਾ ਮੁਸ਼ਕਿਲ ਤੇ ਅਹਿਮ ਸੀ। ਦੇਵਰਿਸ਼ੀ ਨਾਰਦ ਦੁਨੀਆ ਦੇ ਪਹਿਲੇ ਪੱਤਰਕਾਰ ਹਨ ਕਿਉਂਕਿ, ਉਨ੍ਹਾਂ ਨੇ ਇਸ ਲੋਕ ਤੋਂ ਉਸ ਲੋਕ ਵਿਚ ਪਰਿਕ੍ਰਮਾ ਕਰਦਿਆਂ ਸੰਵਾਦਾਂ ਦੇ ਵਟਾਂਦਰੇ ਰਾਹੀਂ ਪੱਤਰਕਾਰੀ ਦੀ ਸ਼ੁਰੂਆਤ ਕੀਤੀ। ਇੰਝ ਦੇਵਰਿਸ਼ੀ ਨਾਰਦ ਪੱਤਰਕਾਰੀ ਦੇ ਪਹਿਲੇ ਮਹਾਪੁਰਸ਼ ਹਨ, ਜੋ ਇੱਧਰ ਤੋਂ ਉੱਧਰ ਘੁੰਮਦੇ ਹਨ ਤਾਂ ਸੰਵਾਦ ਦਾ ਪੁਲ ਹੀ ਬਣਾਉਂਦੇ ਹਨ। ਜਦੋਂ ਪੁਲ ਬਣਾਇਆ ਜਾਂਦਾ ਹੈ ਤਾਂ 2 ਬਿੰਦੂਆਂ ਜਾਂ 2 ਸਿਰਿਆਂ ਨੂੰ ਮਿਲਾਉਣ ਦਾ ਕੰਮ ਕੀਤਾ ਜਾਂਦਾ ਹੈ। ਅਸਲ ਵਿਚ ਦੇਵਰਿਸ਼ੀ ਨਾਰਦ ਵੀ ਇੱਧਰ ਤੋਂ ਉੱਧਰ ਦੇ 2 ਬਿੰਦੂਆਂ ਦਰਮਿਆਨ ਸੰਵਾਦ ਦਾ ਪੁਲ ਸਥਾਪਿਤ ਕਰਨ ਲਈ ਪੱਤਰਕਾਰ ਦਾ ਕੰਮ ਕਰਦੇ ਹਨ। ਇੰਝ ਨਾਰਦ ਸੰਵਾਦ ਦਾ ਪੁਲ ਜੋੜਨ ਦਾ ਕੰਮ ਕਰਦੇ ਹਨ, ਤੋੜਨ ਦਾ ਨਹੀਂ। ਉਨ੍ਹਾਂ ਨੂੰ ਆਪਣੇ ਹੀ ਪਿਤਾ ਬ੍ਰਹਮਾ ਦੇ ਸਰਾਪ ਦੇ ਅਸਰ ਕਾਰਨ ਉਨ੍ਹਾਂ ਦਾ ਮਾਨਸ ਪੁੱਤਰ ਮੰਨਿਆ ਜਾਂਦਾ ਹੈ। ਨਾਰਦ ਨੇ ਪੈਦਾ ਹੁੰਦਿਆਂ ਹੀ ਬ੍ਰਹਮਾ ਦੇ ਕੰਮ ਵਿਚ ਕੁਝ ਰੁਕਾਵਟ ਪਾਈ। ਇਸ ਲਈ ਉਨ੍ਹਾਂ ਨੇ ਨਾਰਦ ਨੂੰ ਇਕ ਥਾਂ 'ਤੇ ਟਿਕੇ ਨਾ ਰਹਿ ਕੇ ਘੁੰਮਦੇ ਰਹਿਣ ਦਾ ਸਰਾਪ ਦੇ ਦਿੱਤਾ।
ਗੁਰੂ ਪੁਸ਼ਯ ਨਛੱਤਰ : ਅੱਜ ਸੋਨਾ ਖਰੀਦਿਆ ਤਾਂ ਹੋਵੇਗਾ ਲਾਭ ਹੀ ਲਾਭ
NEXT STORY 
