ਦੁਨੀਆ ਵਿਚ ਆਪਣੇ ਹੀ ਜੀਵਨ ਦੀ ਬੇੜੀ ਪਾਰ ਲਗਾਉਂਦੇ ਹਨ ਅਤੇ ਆਪਣੇ ਹੀ ਡੁਬਾਉਂਦੇ ਵੀ ਹਨ। ਜੋ ਸਦਾਚਾਰੀ ਹਨ, ਉਹ ਤਾਂ ਤਾਰਨ ਲਈ ਤੱਤਪਰ ਰਹਿੰਦੇ ਹਨ ਪਰ ਜੋ ਬੁਰੇ ਹਨ, ਉਹ ਡੁਬੋ ਦਿੰਦੇ ਹਨ।
ਜਿਵੇਂ ਹਿਰਨ ਜ਼ਹਿਰੀਲਾ ਬਾਣ ਹੱਥ ਵਿਚ ਫੜੀ ਸ਼ਿਕਾਰੀ ਕੋਲ ਪਹੁੰਚ ਕੇ ਤਕਲੀਫ ਮਹਿਸੂਸ ਕਰਦਾ ਹੈ, ਉਸੇ ਤਰ੍ਹਾਂ ਮਨੁੱਖ ਆਪਣੇ ਅਮੀਰ ਸਾਥੀ ਕੋਲ ਤਕਲੀਫ ਮਹਿਸੂਸ ਕਰਦਾ ਹੈ। ਉਹ ਪੈਸੇ ਦੇਣ ਤੋਂ ਇਨਕਾਰ ਕਰ ਦੇਵੇ ਤਾਂ ਤਕਲੀਫ ਹੁੰਦੀ ਹੈ ਅਤੇ ਦੇਵੇ ਤਾਂ ਉਸ ਦੇ ਪਾਪ ਦਾ ਭਾਗੀਦਾਰ ਬਣਦਾ ਹੈ। ਪਤਾ ਨਹੀਂ ਕਦੋਂ ਤੇ ਕਿਵੇਂ ਜਾਤਾਂ ਬਣੀਆਂ ਪਰ ਮਨੁੱਖ ਦੇ ਸੁਭਾਅ ਨੂੰ ਦੇਖਦਿਆਂ ਤਾਂ ਇਹੋ ਕਿਹਾ ਜਾ ਸਕਦਾ ਹੈ ਕਿ ਆਪਣੀ ਸੁਰੱਖਿਆ ਲਈ ਉਸ ਨੇ ਜਾਤ, ਭਾਸ਼ਾ, ਖੇਤਰ ਤੇ ਧਰਮ ਦੇ ਨਾਂ 'ਤੇ ਸਮੂਹ ਬਣਾ ਲਏ। ਇਹ ਪ੍ਰਕਿਰਿਆ ਇੰਨੇ ਸੁਭਾਵਿਕ ਢੰਗ ਨਾਲ ਹੋਈ ਕਿ ਪਤਾ ਹੀ ਨਹੀਂ ਲੱਗਾ। ਖੈਰ, ਹਰੇਕ ਮਨੁੱਖ ਵਿਚ ਆਪਣੇ ਸਮਾਜ ਤੇ ਸਮੂਹ ਪ੍ਰਤੀ ਲਗਾਅ ਹੁੰਦਾ ਹੈ, ਭਾਵੇਂ ਹੀ ਉਹ ਸਵਾਰਥ ਦੇ ਕਾਰਨ ਹੋਵੇ। ਇਸ ਦਾ ਉਸ ਨੂੰ ਫਾਇਦਾ ਵੀ ਮਿਲਦਾ ਹੈ ਜਦੋਂ ਕੋਈ ਵਿਆਹ-ਸ਼ਾਦੀ ਜਾਂ ਗਮੀ ਦਾ ਮੌਕਾ ਆਉਂਦਾ ਹੈ। ਉਸ ਵੇਲੇ ਅਨੇਕਾਂ ਲੋਕ ਇਕ-ਦੂਜੇ ਨਾਲ ਜੁੜਦੇ ਹਨ। ਇਸ ਦਾ ਦੂਜਾ ਪੱਖ ਇਹ ਵੀ ਹੈ ਕਿ ਜੇ ਕਿਸੇ ਵਿਅਕਤੀ ਨਾਲ ਕੋਈ ਹਾਦਸਾ ਹੋ ਜਾਵੇ ਅਤੇ ਉਹ ਜੇ ਉਸ ਨੂੰ ਲੁਕਾਉਣਾ ਚਾਹੇ ਤਾਂ ਵੀ ਨਹੀਂ ਲੁਕੋ ਸਕਦਾ। ਇਸ ਦਾ ਕਾਰਨ ਇਹ ਹੈ ਕਿ ਉਸ ਦੇ ਨਾਲ ਵਾਲੇ ਜਾ ਕੇ ਸਾਰੀਆਂ ਥਾਵਾਂ 'ਤੇ ਇਸ ਬਾਰੇ ਦੱਸ ਦੇਣਗੇ। ਜੇ ਕਿਸੇ ਦੇ ਘਰ ਜਾਂ ਪਰਿਵਾਰ ਵਿਚ ਕੋਈ ਕਮੀ ਜਾਂ ਨੁਕਸ ਹੋਵੇ ਤਾਂ ਸਮਾਜ ਜਾਂ ਸਮੂਹ ਦੇ ਲੋਕ ਨਹੀਂ ਜਾਣ ਸਕਦੇ ਪਰ ਉਸ ਦੇ ਸਾਥੀ ਉਸ ਨੂੰ ਇਸ ਮਾਮਲੇ ਵਿਚ ਬਦਨਾਮ ਕਰਨ ਲੱਗ ਜਾਂਦੇ ਹਨ।
ਸਦਾਚਾਰੀ ਸਾਥੀ ਤਾਂ ਜੀਵਨ ਦੀ ਬੇੜੀ ਤਾਰ ਦਿੰਦੇ ਹਨ ਪਰ ਬੁਰੇ ਲੋਕ ਡੁਬੋ ਦਿੰਦੇ ਹਨ। ਅੱਜਕਲ ਇਹ ਵੀ ਦੇਖਣਾ ਚਾਹੀਦਾ ਹੈ ਕਿ ਧਰਤੀ 'ਤੇ ਕਿੰਨੇ ਚੰਗੇ ਤੇ ਮਾੜੇ ਲੋਕ ਵਿਚਰਣ ਕਰ ਰਹੇ ਹਨ। ਸਾਥੀਆਂ ਤੋਂ ਖਤਰਾ ਇਸ ਕਾਰਨ ਵੀ ਵਧਦਾ ਹੈ ਕਿ ਅਸੀਂ ਉਨ੍ਹਾਂ ਨੂੰ ਆਪਣਾ ਸਮਝ ਕੇ ਆਪਣੇ ਘਰ ਦੀ ਗੱਲ ਜਾਂ ਘਟਨਾ ਦੱਸ ਦਿੰਦੇ ਹਾਂ ਤਾਂ ਕਿ ਸਮੇਂ 'ਤੇ ਉਹ ਸਾਡੀ ਮਦਦ ਕਰਨ। ਇਸ ਦੀ ਬਜਾਏ ਉਹ ਇਸ ਦਾ ਪ੍ਰਚਾਰ ਕਰ ਕੇ ਬਦਨਾਮ ਕਰਦੇ ਹਨ। ਜੇ ਉਨ੍ਹਾਂ ਨਾਲ ਘਰ ਦੇ ਰਾਜ਼ ਸਾਂਝੇ ਹੀ ਨਾ ਕੀਤੇ ਜਾਣ ਤਾਂ ਉਹ ਅਜਿਹਾ ਨਹੀਂ ਕਰ ਸਕਦੇ।
ਜੀਵ ਹੱਤਿਆ ਕਰ ਕੇ ਸਵਰਗ ਨਹੀਂ ਮਿਲ ਸਕਦਾ
NEXT STORY 
