ਨਵੀਂ ਦਿੱਲੀ- ਮਾਈਕਰੋਸਾਫਟ ਦਾ ਨੋਕਿਆ ਬ੍ਰਾਂਡਿੰਗ ਦੇ ਬਿਨਾਂ ਪਹਿਲਾ ਲੂਮਿਆ ਸਮਾਰਟਫੋਨ ਭਾਰਤ 'ਚ ਲਾਂਚ ਹੋ ਗਿਆ ਹੈ। ਇਸ ਵਿੰਡੋਜ਼ ਸਮਾਰਟਫੋਨ ਦੀ ਬ੍ਰਾਂਡਿੰਗ ਮਾਈਕਰੋਸਾਫਟ ਦੇ ਨਾਮ ਤੋਂ ਕੀਤੀ ਗਈ ਹੈ ਯਾਨੀ ਇਸ 'ਤੇ ਨੋਕਿਆ ਦੀ ਜਗ੍ਹਾ ਮਾਈਕਰੋਸਾਫਟ ਲਿੱਖਿਆ ਗਿਆ ਹੈ। ਇਸ ਸਮਾਰਟਫੋਨ ਦਾ ਨਾਮ ਮਾਈਕਰੋਸਾਫਟ ਲੂਮਿਆ 535 ਹੈ। ਇਸ ਦੀ ਕੀਮਤ 9199 ਰੁਪਏ ਰੱਖੀ ਗਈ ਹੈ। ਕੰਪਨੀ ਨੇ ਦੱਸਿਆ ਕਿ ਇਸ ਦੀ ਵਿਕਰੀ 28 ਨਵੰਬਰ ਤੋਂ ਸ਼ੁਰੂ ਹੋਵੇਗੀ। ਇਸ ਮੌਕੇ ਕੰਪਨੀ ਦੇ ਪ੍ਰਧਾਨ ਭਾਸਕਰ ਪਮਾਣਿਕ ਵੀ ਹਾਜ਼ਰ ਸਨ।
ਇਹ ਛੇ ਰੰਗਾਂ 'ਚ ਉਪਲੱਬਧ ਹੋਵੇਗਾ। ਇਹ ਸਿੰਗਲ ਸਿਮ ਅਤੇ ਡਬਲ ਸਿਮ ਦੋਵਾਂ ਵਰਜ਼ਨ 'ਚ ਉਪਲੱਬਧ ਹੈ। ਇਹ ਫੋਨ ਨੌਜਵਾਨ ਪੀੜ੍ਹੀ ਨੂੰ ਬਹੁਤ ਪਸੰਦ ਆਵੇਗਾ ਕਿਉਂਕਿ ਘੱਟ ਕੀਮਤ 'ਚ ਇਹ ਸੈਲਫੀ ਫੋਨ ਹੈ। ਮਾਈਕਰੋਸਾਫਟ ਲੂਮਿਆ 535 'ਚ 960 ਗੁਣਾ 540 ਪਿਕਸਲ ਰੈਜ਼ੇਲਿਊਸ਼ਨ ਵਾਲੀ 5 ਇੰਚ ਦੀ ਆਈ.ਪੀ.ਐਸ. ਡਿਸਪਲੇ ਹੈ, ਜਿਸ 'ਚ ਕਾਰਨਿੰਗ ਗੋਰਿਲਾ ਗਲਾਸ 3 ਦੀ ਵਰਤੋਂ ਕੀਤੀ ਗਈ ਹੈ। ਮਾਈਕਰੋਸਾਫਟ ਲੂਮਿਆ 535 'ਚ 1.2 ਗੀਗਾਹਾਰਟਜ਼ ਕਵਾਡ ਕੋਰ ਕਵਾਲਕਾਮ ਸਨੈਪਡਰੈਗਨ 200 ਪ੍ਰੋਸੈਸਰ ਅਤੇ 1 ਜੀ.ਬੀ. ਰੈਮ ਹੈ। ਇਹ ਵਿੰਡੋਜ਼ ਫੋਨ 8.1 'ਤੇ ਚੱਲਦਾ ਹੈ। ਮਾਈਕੋਰਸਾਫਟ 535 'ਚ ਐਲ.ਈ.ਡੀ. ਫਲੈਸ਼ ਦੇ ਨਾਲ 5 ਮੈਗਾਪਿਕਸਲ ਦਾ ਰਿਅਰ ਕੈਮਰਾ ਹੈ ਅਤੇ 5 ਮੈਗਾਪਿਕਸਲ ਦਾ ਹੀ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਮਾਈਕਰੋਸਾਫਟ ਲੂਮਿਆ 535 'ਚ 1905 ਐਮ.ਏ.ਐਚ. ਦੀ ਹੈ। ਕੰਪਨੀ ਨੇ ਦੱਸਿਆ ਕਿ ਲੂਮਿਆ 535 ਡਿਊਲ ਸਿਮ ਦੇ ਨਾਲ 500 ਐਮ.ਬੀ. ਦਾ ਇੰਟਰਨੈਟ ਫ੍ਰੀ ਮਿਲੇਗਾ। ਇਹ ਵੋਡਾਫੋਨ ਯੂਜ਼ਰਸ ਲਈ ਹੈ, ਜਿਸ ਦੀ ਸਮਾਂ ਸੀਮਾ 2 ਮਹੀਨੇ ਹੋਵੇਗੀ।
ਜਿਓਨੀ ਨੇ ਭਾਰਤ 'ਚ ਲਾਂਚ ਕੀਤਾ ਆਪਣਾ ਹੁਣ ਤਕ ਦਾ ਸਭ ਤੋਂ ਪਤਲਾ ਸਮਾਰਟਫੋਨ (ਦੇਖੋ ਤਸਵੀਰਾਂ)
NEXT STORY 
