* ਦੂਜਿਆਂ ਦੀਆਂ ਗਲਤੀਆਂ ਤੋਂ ਸਿੱਖੋ। ਆਪਣੇ ਹੀ ਉੱਪਰ ਤਜਰਬੇ ਕਰ ਕੇ ਸਿੱਖਣ ਲਈ ਤੁਹਾਡੀ ਉਮਰ ਕਾਫੀ ਨਹੀਂ।
* ਕਿਸੇ ਵੀ ਵਿਅਕਤੀ ਨੂੰ ਬਹੁਤ ਸਿੱਧਾ-ਸਾਦਾ ਨਹੀਂ ਹੋਣਾ ਚਾਹੀਦਾ ਕਿਉਂਕਿ ਸਿੱਧੇ ਦਰੱਖਤ ਤੇ ਵਿਅਕਤੀ ਪਹਿਲਾਂ ਕੱਟੇ ਜਾਂਦੇ ਹਨ।
* ਜੇ ਕੋਈ ਸੱਪ ਜ਼ਹਿਰੀਲਾ ਨਹੀਂ ਤਾਂ ਵੀ ਉਸ ਨੂੰ ਜ਼ਹਿਰੀਲਾ ਨਜ਼ਰ ਆਉਣਾ ਚਾਹੀਦਾ ਹੈ। ਉਂਝ ਡੰਗ ਭਾਵੇਂ ਉਹ ਨਾ ਮਾਰੇ ਪਰ ਡੰਗ ਮਾਰਨ ਦੀ ਸਮਰੱਥਾ ਦਾ ਦੂਜਿਆਂ ਨੂੰ ਅਹਿਸਾਸ ਕਰਵਾਉਂਦੇ ਰਹਿਣਾ ਚਾਹੀਦਾ ਹੈ।
* ਹਰ ਦੋਸਤੀ ਪਿੱਛੇ ਕੋਈ ਨਾ ਕੋਈ ਸਵਾਰਥ ਜ਼ਰੂਰ ਹੁੰਦਾ ਹੈ, ਇਹ ਕੌੜਾ ਸੱਚ ਹੈ।
* ਕੋਈ ਵੀ ਕੰਮ ਸ਼ੁਰੂ ਕਰਨ ਤੋਂ ਪਹਿਲਾਂ ਖੁਦ ਨੂੰ 3 ਸਵਾਲ ਪੁੱਛੋ—ਮੈਂ ਅਜਿਹਾ ਕਿਉਂ ਕਰਨ ਵਾਲਾ ਹਾਂ? ਇਸ ਦਾ ਨਤੀਜਾ ਕੀ ਹੋਵੇਗਾ? ਕੀ ਮੈਂ ਸਫਲ ਰਹਾਂਗਾ?
* ਡਰ ਨੂੰ ਨੇੜੇ ਨਾ ਆਉਣ ਦਿਓ। ਜੇ ਇਹ ਨੇੜੇ ਆਏ ਤਾਂ ਇਸ 'ਤੇ ਹਮਲਾ ਕਰ ਦਿਓ ਭਾਵ ਡਰ ਤੋਂ ਦੂਰ ਨਾ ਭੱਜੋ, ਸਗੋਂ ਇਸ ਦਾ ਸਾਹਮਣਾ ਕਰੋ।
* ਦੁਨੀਆ ਦੀ ਸਭ ਤੋਂ ਵੱਡੀ ਤਾਕਤ ਆਦਮੀ ਦਾ ਦਿਮਾਗ ਅਤੇ ਔਰਤ ਦੀ ਸੁੰਦਰਤਾ ਹੈ।
* ਕੰਮ ਪੂਰਾ ਕਰੋ, ਨਤੀਜੇ ਤੋਂ ਨਾ ਡਰੋ।
* ਸੁਗੰਧ ਦਾ ਵਹਾਅ ਹਵਾ ਦੇ ਰੁਖ਼ ਦਾ ਮੁਥਾਜ ਹੁੰਦਾ ਹੈ ਪਰ ਚੰਗਿਆਈ ਸਾਰੀਆਂ ਦਿਸ਼ਾਵਾਂ ਵਿਚ ਫੈਲਦੀ ਹੈ।
* ਪ੍ਰਮਾਤਮਾ ਫੋਟੋ ਵਿਚ ਨਹੀਂ, ਵਿਅਕਤੀ ਦੇ ਮਨ ਵਿਚ ਵਸਦਾ ਹੈ। ਆਪਣੀ ਆਤਮਾ ਨੂੰ ਮੰਦਰ ਬਣਾਓ।
* ਵਿਅਕਤੀ ਆਪਣੇ ਵਤੀਰੇ ਤੋਂ ਮਹਾਨ ਬਣਦਾ ਹੈ, ਜਨਮ ਤੋਂ ਨਹੀਂ ਹੁੰਦਾ।
* ਅਜਿਹੇ ਵਿਅਕਤੀ ਜੋ ਤੁਹਾਡੇ ਤੋਂ ਲੈਵਲ ਵਿਚ ਉੱਪਰ ਜਾਂ ਹੇਠਾਂ ਹਨ, ਉਨ੍ਹਾਂ ਨੂੰ ਦੋਸਤ ਨਾ ਬਣਾਓ। ਉਹ ਤੁਹਾਡੇ ਲਈ ਤਕਲੀਫ ਦਾ ਕਾਰਨ ਬਣਨਗੇ। ਬਰਾਬਰ ਲੈਵਲ ਦੇ ਦੋਸਤ ਹੀ ਸੁੱਖ ਦਿੰਦੇ ਹਨ।
* ਆਪਣੇ ਬੱਚਿਆਂ ਨੂੰ ਪਹਿਲੇ 5 ਸਾਲ ਖੂਬ ਪਿਆਰ ਕਰੋ। 6 ਸਾਲ ਤੋਂ 15 ਸਾਲ ਤਕ ਸਖਤ ਅਨੁਸ਼ਾਸਨ ਤੇ ਸੰਸਕਾਰ ਦਿਓ। 16 ਸਾਲ ਤੋਂ ਉਨ੍ਹਾਂ ਨਾਲ ਦੋਸਤਾਨਾ ਵਤੀਰਾ ਕਰੋ।
* ਅਗਿਆਨੀ ਲਈ ਕਿਤਾਬਾਂ ਦੀ ਉਹੋ ਅਹਿਮੀਅਤ ਹੈ ਜੋ ਅੰਨ੍ਹੇ ਲਈ ਸ਼ੀਸ਼ੇ ਦੀ ਹੈ।
* ਸਿੱਖਿਆ ਸਭ ਤੋਂ ਚੰਗੀ ਦੋਸਤ ਹੈ। ਪੜ੍ਹਿਆ-ਲਿਖਿਆ ਵਿਅਕਤੀ ਹਮੇਸ਼ਾ ਸਤਿਕਾਰ ਹਾਸਲ ਕਰਦਾ ਹੈ। ਸਿੱਖਿਆ ਦੀ ਸ਼ਕਤੀ ਅੱਗੇ ਨੌਜਵਾਨ ਸ਼ਕਤੀ ਤੇ ਸੁੰਦਰਤਾ ਦੋਵੇਂ ਹੀ ਕਮਜ਼ੋਰ ਹਨ।
10 ਪੁੰਨ ਤੇ 10 ਪਾਪ
NEXT STORY 
