ਚੰਡੀਗੜ੍ਹ- ਇਖਲਾਸ ਫਯਾਜ਼ ਇਕ 6 ਸਾਲ ਦਾ ਮੁਸਲਮਾਨ ਲੜਕਾ ਜਿਸ ਨੇ ਰੰਗਾਂ ਨੂੰ ਦੇਖਣ ਦੀ ਸ਼ੁਰੁਆਤ ਚੰਡੀਗੜ੍ਹ ਤੋਂ ਕੀਤੀ।ਇਸ ਲੜਕੇ ਦਾ ਜਨਮ ਕਸ਼ਮੀਰ ਦੇ ਹੰਦਵਾੜਾ ਸ਼ਹਿਰ 'ਚ ਹੋਇਆ ਸੀ। ਰੰਗ ਕੀ ਹੁੰਦੇ ਹਨ ਇਸ ਨੂੰ ਕਿਵੇਂ ਪਤਾ ਕਿਉਂਕਿ ਜੀਵਨ ਮਿਲਦੇ ਹੀ ਉਸ ਅੱਗੇ ਹਨੇਰਾ ਛਾ ਗਿਆ ਸੀ। ਚੰਡੀਗੜ੍ਹ ਆਉਣ ਤੋਂ ਬਾਅਦ ਫਯਾਜ਼ ਦਾ ਆਪ੍ਰੇਸ਼ਨ ਹੋਇਆ ਜਿਸ ਤੋਂ ਬਾਅਦ ਲੜਕੇ ਨੂੰ ਧੁੰਦਲੀਆਂ ਤਸਵੀਰਾਂ ਨੂੰ ਵੇਖਣਾ ਸ਼ੁਰੂ ਕਰ ਦਿੱਤਾ ਹੈ। ਫਯਾਜ਼ ਆਪਣੇ ਪਿਤਾ ਫਯਾਜ਼ ਅਹਿਮਦ ਨਾਲ ਸੈਕਟਰ-8 ਨੇੜੇ ਪ੍ਰਾਚੀਨ ਸ਼ਿਵ ਮੰਦਰ 'ਚ ਰਹਿ ਰਿਹਾ ਹੈ ਤੇ ਦੋਵੇਂ ਗੁਰੁਦਵਾਰੇ 'ਚ ਲੰਗਰ ਸ਼ੱਕਦੇ ਹਨ। ਫਯਾਜ਼ ਅਹਿਮਦ ਦਾ ਕਹਿਣਾ ਹੈ ਕਿ ਮੰਦਰ ਤੇ ਗੁਰੁਦਵਾਰੇ ਦੇ ਲੋਕਾਂ ਨੇ ਉਨ੍ਹਾਂ ਦਾ ਬਹੁਤ ਸਾਥ ਦਿੱਤਾ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਫਯਾਜ਼ ਅਹਿਮਦ ਇਕ ਦਿਹਾੜੀਦਾਰ ਮਜ਼ਦੂਰ ਹੈ ਜਿਸ ਦਾ ਪਰਿਵਾਰ ਨਾ ਤਾਂ ਕਿਸੇ ਤਰ੍ਹਾਂ ਦੀ ਯਾਤਰਾ ਲਈ ਖਰਚਾ ਕਰ ਸਕਦਾ ਹੈ ਨਾ ਹੀ ਕਿਸੇ ਤਰ੍ਹਾਂ ਦਾ ਆਪ੍ਰੇਸ਼ਨ ਕਰਵਾ ਸਕਦਾ ਹੈ।ਬੱਚੇ ਦਾ ਹੱਥ ਫੜ ਕੇ ਖੜ੍ਹੇ ਉਸਦੇ ਪਿਤਾ ਨੇ ਦੱਸਿਆ ਕਿ ਹਾਲ ਹੀ 'ਚ ਕਸ਼ਮੀਰ 'ਚ ਹੜ੍ਹ ਦੌਰਾਨ ਉਨ੍ਹਾਂ ਦਾ ਸਭ ਕੁੱਝ ਤਬਾਹ ਹੋ ਗਿਆ, ਜਿਸ ਤੋਂ ਬਾਅਦ ਉਹ ਸਾਰੇ ਉਮੀਦ ਛੱਡ ਚੁੱਕੇ ਸਨ, ਪਰ ਚੰਡੀਗੜ੍ਹ 'ਚ ਕੁਝ ਲੋਕਾਂ ਦੇ ਪਿਆਰ ਨੇ ਉਨ੍ਹਾਂ ਦੀ ਉਮੀਦ ਫਿਰ ਤੋਂ ਜਗਾ ਦਿੱਤੀ ਹੈ। ਫਯਾਜ਼ ਅਹਿਮਦ ਨੇ ਦੱਸਿਆ ਕਿ ਸ਼ਹਿਰ ਦੇ ਇਕ ਨੇਤਰ ਸੰਸਥਾਨ ਦੇ ਡਾਕਟਰ ਸਤੇਂਦਰ ਪਾਲ ਸਿੰਘ ਗਰੇਵਾਲ ਵਲੋਂ ਕੀਤੀ ਗਈ ਸਰਜਰੀ ਤੋਂ ਬਾਅਦ ਉਨ੍ਹਾਂ ਦੇ ਪੁੱਤਰ ਦੀ ਰੌਸ਼ਨੀ ਵਾਪਸ ਆਉਣ ਲੱਗੀ ਹੈ, ਇਸ ਲਈ ਚੰਡੀਗੜ੍ਹ ਮੇਰੇ ਲਈ ਕਿਸੇ ਸਵਰਗ ਤੋਂ ਘੱਟ ਨਹੀਂ।
ਕੀ ਬਣੇਗਾ ਪੰਜਾਬ ਦਾ, ਅੱਖਾਂ ਦਾ 1 ਵੀ ਮਾਹਿਰ ਡਾਕਟਰ ਨਹੀਂ!
NEXT STORY 
