* ਮਨੁੱਖ ਨੂੰ ਚੰਗੀ ਸਿੱਖਿਆ, ਚੰਗਾ ਸੁਭਾਅ, ਧਰਮ, ਯੋਗ ਅਭਿਆਸ ਅਤੇ ਵਿਗਿਆਨ ਨੂੰ ਧਾਰਨ ਕਰਕੇ ਜੀਵਨ 'ਚ ਸਫਲਤਾ ਪ੍ਰਾਪਤ ਕਰਨੀ ਚਾਹੀਦੀ ਹੈ।
* ਮਨੁੱਖ ਦਾ ਮਨ ਕੱਛੂਕੁੰਮੇ ਦੀ ਤਰ੍ਹਾਂ ਹੋਣਾ ਚਾਹੀਦਾ ਹੈ ਜੋ ਬਾਹਰ ਦੀਆਂ ਸੱਟਾਂ ਸਹਿੰਦੇ ਹੋਏ ਵੀ ਆਪਣੇ ਨਿਸ਼ਾਨੇ ਨੂੰ ਨਹੀਂ ਛੱਡਦਾ ਅਤੇ ਹੌਲੀ-ਹੌਲੀ ਮੰਜ਼ਿਲ 'ਤੇ ਪਹੁੰਚ ਜਾਂਦਾ ਹੈ।
* ਮਨੁੱਖ ਦੀ ਸਫਲਤਾ ਪਿੱਛੇ ਉਸ ਦੀ ਸੋਚਸ਼ੈਲੀ ਅਤੇ ਜਿਊਣ ਦਾ ਨਜ਼ਰੀਆ ਹੁੰਦਾ ਹੈ।
* ਮਨੁੱਖ ਆਪਣੇ ਅੰਦਰ ਦੀ ਬੁਰਾਈ 'ਤੇ ਧਿਆਨ ਨਹੀਂ ਦਿੰਦਾ ਅਤੇ ਦੂਸਰਿਆਂ ਦੀ ਓਨੀ ਹੀ ਬੁਰਾਈ ਤੇ ਆਲੋਚਨਾ ਕਰਦਾ ਹੈ।
* ਆਪਣੇ ਪਾਪ ਦਾ ਤਾਂ ਵੱਡਾ ਸ਼ਹਿਰ ਵਸਾਉਂਦਾ ਹੈ ਅਤੇ ਦੂਸਰਿਆਂ ਦਾ ਛੋਟਾ ਜਿਹਾ ਪਿੰਡ ਵੀ ਸਹਿਣ ਨਹੀਂ ਕਰ ਸਕਦਾ।
* ਮਨੁੱਖ ਦਾ ਜੀਵਨ 3 ਮੁੱਖ ਤੱਤਾਂ ਦਾ ਸੁਮੇਲ ਹੈ- ਸਰੀਰ, ਵਿਚਾਰ ਅਤੇ ਮਨ।
* ਮਨੁੱਖ ਦੇ ਭਾਵਾਂ 'ਚ ਰਚਨਾ ਸ਼ਕਤੀ ਹੈ। ਉਹ ਆਪਣੀ ਦੁਨੀਆ ਆਪ ਵਸਾ ਲੈਂਦਾ ਹੈ।
* ਮਨੁੱਖ ਬੁੱਧੀਮਾਨੀ 'ਤੇ ਘੁਮੰਡ ਕਰਦਾ ਹੈ ਪਰ ਕਿਸ ਕੰਮ ਦੀ ਉਹ ਬੁੱਧੀਮਾਨੀ ਜਿਸ ਵਿਚ ਜੀਵਨ ਹੱਸ-ਖੇਡ ਕੇ ਵੀ ਹੱਥ ਨਾ ਆਏ।
* ਮਨੁੱਖ ਪ੍ਰਸਥਿਤੀਆਂ ਦਾ ਦਾਸ ਨਹੀਂ ਹੈ, ਉਹ ਉਸ ਦਾ ਨਿਰਮਾਤਾ ਅਤੇ ਸਵਾਮੀ ਹੈ।
* ਮਨੁੱਖ ਨੂੰ ਅਧਿਆਤਮਿਕ ਗਿਆਨ ਅਤੇ ਆਤਮ ਵਿਗਿਆਨ ਦੀ ਜਾਣਕਾਰੀ ਹੋਏ ਬਗੈਰ ਇਹ ਸੰਭਵ ਨਹੀਂ ਹੈ ਕਿ ਮਨੁੱਖ ਮਾੜੇ ਕੰਮਾਂ ਦਾ ਤਿਆਗ ਕਰੇ।
* ਮਨੁੱਖ ਦੀ ਸੰਕਲਪ ਸ਼ਕਤੀ ਸੰਸਾਰ ਦਾ ਸਭ ਤੋਂ ਵੱਡਾ ਚਮਤਕਾਰ ਹੈ।
* ਮਨੁੱਖੀ ਜਨਮ ਸੌਖਾ ਹੈ ਪਰ ਮਨੁੱਖਤਾ ਮੁਸ਼ਕਿਲ ਕੋਸ਼ਿਸ਼ਾਂ ਕਰਕੇ ਕਮਾਉਣੀ ਪੈਂਦੀ ਹੈ।
* ਮਨੁੱਖ ਇਕ ਭਟਕਿਆ ਹੋਇਆ ਦੇਵਤਾ ਹੈ, ਸਹੀ ਦਿਸ਼ਾ 'ਚ ਚੱਲ ਸਕੇ ਤਾਂ ਉਸ ਤੋਂ ਵੱਡਾ ਸਿਆਣਾ ਹੋਰ ਕੋਈ ਨਹੀਂ।
* ਮਨੁੱਖ ਦੁਖੀ, ਨਿਰਾਸ਼, ਚਿੰਤਿਤ ਬੈਠਾ ਰਹਿੰਦਾ ਹੋਵੇ ਤਾਂ ਸਮਝ ਜਾਣਾ ਚਾਹੀਦਾ ਹੈ ਕਿ ਸਹੀ ਸੋਚਣ ਦੀ ਵਿਧੀ ਤੋਂ ਦੂਰ ਹੋਣ ਦਾ ਇਹ ਨਤੀਜਾ ਹੈ।
* ਮਨੁੱਖ ਕਰਮ ਕਰਨ 'ਚ ਆਜ਼ਾਦ ਹੈ ਪਰ ਇਸ ਦੇ ਨਤੀਜਿਆਂ 'ਚ ਚੋਣ ਦੀ ਕੋਈ ਸੁਵਿਧਾ ਨਹੀਂ।
* ਮਨੁੱਖ ਆਪਣੀ ਕਿਸਮਤ ਦਾ ਨਿਰਮਾਤਾ ਆਪ ਹੈ।
* ਮਨੁੱਖ ਦਾ ਆਪਣੇ ਆਪ ਤੋਂ ਵੱਧ ਕੇ ਨਾ ਕੋਈ ਦੁਸ਼ਮਣ ਹੈ ਅਤੇ ਨਾ ਦੋਸਤ।
* ਮਨੁੱਖਤਾ ਸਭ ਤੋਂ ਜ਼ਿਆਦਾ ਕੀਮਤੀ ਹੈ, ਉਸ ਦੀ ਰੱਖਿਆ ਕਰਨਾ ਹਰ ਜਾਗਰੂਕ ਵਿਅਕਤੀ ਦਾ ਪਹਿਲਾ ਧਰਮ ਹੈ।
ਵਿਆਖਿਆ ਸ੍ਰੀ ਜਪੁ ਜੀ ਸਾਹਿਬ
NEXT STORY 
