ਨਵੀਂ ਦਿੱਲੀ - ਭਾਰਤ ਤੋਂ ਸੰਨ 2012 ਵਿਚ 6 ਲੱਖ ਕਰੋੜ ਰੁਪਏ ਕਾਲੇ ਧਨ ਵਜੋਂ ਵਿਦੇਸ਼ ਭੇਜੇ ਗਏ ਅਤੇ ਇਸ ਮਾਮਲੇ ਵਿਚ ਉਹ ਦੁਨੀਆ-ਭਰ ਵਿਚੋਂ ਤੀਜੇ ਨੰਬਰ 'ਤੇ ਰਿਹਾ।
ਗਲੋਬਲ ਫਾਈਨਾਂਸ ਇੰਟੀਗਰਿਟੀ (ਜੀ. ਐੱਫ. ਆਈ.) ਦੀ ਤਾਜ਼ਾ ਰਿਪੋਰਟ ਅਨੁਸਾਰ ਸਾਲ 2012 ਵਿਚ ਭਾਰਤੀਆਂ ਨੇ 94.76 ਅਰਬ ਡਾਲਰ (6 ਲੱਖ ਕਰੋੜ ਰੁਪਏ) ਵਿਦੇਸ਼ ਭੇਜੇ, ਉਥੇ 2003 ਤੋਂ 12 ਦਰਮਿਆਨ 10 ਸਾਲਾਂ ਵਿਚ 439.59 ਅਰਬ ਡਾਲਰ (28 ਲੱਖ ਕਰੋੜ ਰੁਪਏ) ਬਾਹਰ ਭੇਜੇ ਗਏ। ਭਾਵ ਔਸਤਨ ਹਰ ਸਾਲ 43.96 ਕਰੋੜ ਰੁਪਏ।
ਇਸ ਮਾਮਲੇ ਵਿਚ ਭਾਰਤ, ਚੀਨ ਤੇ ਰੂਸ ਤੋਂ ਬਾਅਦ ਤੀਜੇ ਨੰਬਰ 'ਤੇ ਹੈ। ਚੀਨ ਤੋਂ 2012 ਵਿਚ 249.57 ਅਰਬ ਡਾਲਰ ਅਤੇ ਰੂਸ ਤੋਂ 122.86 ਅਰਬ ਡਾਲਰ ਦੀ ਗੈਰ ਕਾਨੂੰਨੀ ਰਾਸ਼ੀ ਵਜੋਂ ਬਾਹਰ ਗਈ।
ਵਾਸ਼ਿੰਗਟਨ ਦੀ ਸੰਸਥਾ ਨੇ ਕਿਹਾ ਕਿ 2012 ਦੌਰਾਨ ਸਾਰੇ ਵਿਕਾਸਸ਼ੀਲ ਅਤੇ ਉਭਰਦੇ ਦੇਸ਼ਾਂ ਤੋਂ ਅਪਰਾਧ, ਭ੍ਰਿਸ਼ਟਾਚਾਰ ਅਤੇ ਟੈਕਸ ਚੋਰੀ ਦਾ ਕੁਲ 991.2 ਅਰਬ ਡਾਲਰ ਧਨ ਬਾਹਰ ਭੇਜਿਆ ਗਿਆ। ਇਸ ਵਿਚ ਭਾਰਤ ਤੋਂ ਭੇਜੇ ਗਏ ਇਸ ਤਰ੍ਹਾਂ ਦੇ ਧਨ ਦਾ ਹਿੱਸਾ ਲੱਗਭਗ 10 ਫੀਸਦੀ ਰਿਹਾ।
ਰਿਪੋਰਟ ਅਨੁਸਾਰ ਪਿਛਲੇ ਇਕ ਦਹਾਕੇ ਵਿਚ ਕਾਲਾ ਧਨ ਬਾਹਰ ਜਾਣ ਦੇ ਲਿਹਾਜ਼ ਨਾਲ ਭਾਰਤ ਚੌਥੇ ਨੰਬਰ 'ਤੇ ਹੈ। 2003-2012 ਦੌਰਾਨ ਇਸ ਤਰ੍ਹਾਂ ਦਾ ਸਭ ਤੋਂ ਵਧੇਰੇ 1250 ਅਰਬ ਡਾਲਰ ਕਾਲਾ ਧਨ ਚੀਨ ਤੋਂ ਬਾਹਰ ਗਿਆ। ਇਸ ਤੋਂ ਬਾਅਦ ਰੂਸ (973.86 ਅਰਬ ਡਾਲਰ) ਅਤੇ ਮੈਕਸੀਕੋ 514.26 ਅਰਬ ਡਾਲਰ ਦਾ ਨੰਬਰ ਰਿਹਾ। ਇਸ ਦੀ ਜਾਂਚ ਕਰ ਰਹੀ ਵਿਸ਼ੇਸ਼ ਜਾਂਚ ਟੀਮ (ਐੱਸ. ਆਈ. ਟੀ.) ਨੇ ਦੇਸ਼ ਦੇ ਅੰਦਰ ਵੀ 14958 ਕਰੋੜ ਰੁਪਏ ਦਾ ਕਾਲਾ ਧਨ ਹੋਣ ਦੀ ਗੱਲ ਆਖੀ ਹੈ, ਜਿਸ ਦੀ ਜਾਂਚ ਇਨਫੋਰਸਮੈਂਟ ਡਾਇਰੈਕਟੋਰੇਟ ਅਤੇ ਆਮਦਨ ਕਰ ਵਿਭਾਗ ਕਰ ਰਿਹਾ ਹੈ।
ਈ ਕਾਮਰਸ ਵਰਗੀਆਂ ਕਮੀਆਂ ਕਾਰਨ ਕੰਪਨੀ ਸੋਧ ਬਿੱਲ ਲਿਆਂਦਾ : ਜੇਤਲੀ
NEXT STORY 
