ਚੰਗੀ ਤਰ੍ਹਾਂ ਪਾਲਣਾ ਕੀਤੇ ਹੋਏ ਦੂਜੇ ਦੇ ਚੰਗੇ ਨਜ਼ਰ ਆਉਣ ਵਾਲੇ ਧਰਮ ਨਾਲੋਂ ਚੰਗਾ ਹੈ ਬਿਨਾਂ ਗੁਣ ਦੇ ਆਪਣੇ ਧਰਮ ਦੀ ਪਾਲਣਾ। ਆਪਣੇ ਧਰਮ ਦੀ ਪਾਲਣਾ ਕਰਨ ਵਿਚ ਹੀ ਭਲਾ ਈਹੈ, ਦੂਜੇ ਦਾ ਧਰਮ ਭੈਅ ਦੇਣ ਵਾਲਾ ਹੈ। ਜ਼ਿੰਦਗੀ ਵਿਚ ਅਜਿਹਾ ਕੰਮ ਕਰੋ ਜਿਸ ਵਿਚ ਦਿਲਚਸਪੀ ਤੇ ਗਿਆਨ ਹੋਵੇ ਕਿਉਂਕਿ ਉਹੀ ਤੁਹਾਡਾ ਧਰਮ ਹੈ। ਬਿਨਾਂ ਦਿਲਚਸਪੀ ਤੇ ਗਿਆਨ ਦੇ ਕੀਤਾ ਗਿਆ ਕੰਮ ਤੁਹਾਨੂੰ ਅੱਗੇ ਨਹੀਂ ਲਿਜਾ ਸਕਦਾ। ਉਦਾਹਰਣ ਵਜੋਂ ਬਿਜ਼ਨੈੱਸ ਵਿਚ ਦਿਲਚਸਪੀ ਰੱਖਣ ਵਾਲਾ ਜੇ ਨੌਕਰੀ ਕਰੇ ਅਤੇ ਨੌਕਰੀ ਵਿਚ ਦਿਲਚਸਪੀ ਰੱਖਣ ਵਾਲਾ ਜੇ ਬਿਜ਼ਨੈੱਸ ਕਰੇ ਤਾਂ ਸਫਲਤਾ ਨਹੀਂ ਮਿਲੇਗੀ। ਜਿਸ ਦਾ ਜੋ ਧਰਮ ਹੈ, ਉਸੇ ਦੇ ਹਿਸਾਬ ਨਾਲ ਕੰਮ ਨੂੰ ਚੁਣੋ। ਦੋਸਤ ਇੰਜੀਨੀਅਰਿੰਗ ਕਰ ਰਿਹਾ ਸੀ ਤਾਂ ਪਹਿਲਾਂ ਉਹ ਕਰ ਲਈ। ਬਾਅਦ 'ਚ ਦੇਖਾ-ਦੇਖੀ ਵਕਾਲਤ ਕਰ ਲਈ ਅਤੇ ਉਸ ਤੋਂ ਬਾਅਦ ਐੱਮ. ਬੀ. ਏ. ਕੀਤਾ। ਸਫਲਤਾ ਕਿਤੇ ਨਹੀਂ ਮਿਲੀ ਕਿਉਂਕਿ ਦਿਲਚਸਪੀ ਕਿਤੇ ਵੀ ਨਹੀਂ ਸੀ। ਹੋਇਆ ਇਹ ਕਿ ਅਖਰੀ 'ਚ ਪਿਤਾ ਦੀ ਦੁਕਾਨ 'ਤੇ ਹੀ ਬੈਠਣਾ ਪਿਆ। ਆਪਣੀ ਦਿਲਚਸਪੀ ਨੂੰ ਨਾ ਦੇਖਦਿਆਂ ਜੋ ਦੂਜਿਆਂ ਦੇ ਕਹਿਣ ਅਨੁਸਾਰ ਚੱਲਦੇ ਹਨ, ਪ੍ਰੇਸ਼ਾਨ ਹੀ ਰਹਿੰਦੇ ਹਨ। ਵਿਦੁਰ ਜਦੋਂ ਧ੍ਰਿਤਰਾਸ਼ਟਰ ਦਾ ਮਹੱਲ ਛੱਡ ਕੇ ਝੌਂਪੜੀ ਵਿਚ ਰਹਿਣ ਲੱਗੇ ਤਾਂ ਆਨੰਦ ਵਿਚ ਆ ਗਏ। ਇਹ ਕੁਝ ਅਜਿਹਾ ਹੀ ਹੈ ਜਿਵੇਂ ਫਾਈਵ ਸਟਾਰ ਹੋਟਲ ਵਿਚ ਕੰਮ ਕਰਨ ਵਾਲੇ ਨੂੰ ਨੀਂਦ ਆਪਣੇ ਛੋਟੇ ਜਿਹੇ ਘਰ ਵਿਚ ਹੀ ਆਏਗੀ ਕਿਉਂਕਿ ਦੂਜੇ ਦੇ ਪਕਵਾਨ ਵਿਚ ਉਹ ਮਜ਼ਾ ਨਹੀਂ ਜੋ ਆਪਣੀ ਸੁੱਕੀ ਰੋਟੀ ਵਿਚ ਹੈ। ਅਧਿਆਤਮ ਵਿਚ ਆਪਣੇ ਧਰਮ ਦਾ ਮਤਲਬ ਆਪਣੀ ਆਤਮਾ ਤੋਂ ਹੈ ਅਤੇ ਦੂਜੇ ਦਾ ਧਰਮ ਭਾਵ ਆਤਮਾ ਤੋਂ ਇਲਾਵਾ ਜੋ ਵੀ ਹੈ ਸੰਸਾਰਕ ਹੈ। ਇਸ ਲਈ ਭਲਾ ਆਪਣੇ ਧਰਮ ਦੀ ਪਾਲਣਾ ਵਿਚ ਹੀ ਹੈ, ਦੂਜੇ ਦਾ ਧਰਮ ਤਾਂ ਭੈਅ ਦਿੰਦਾ ਹੈ ਕਿਉਂਕਿ ਸਿਰਫ ਆਤਮਾ ਹੀ ਨਿਰਭੈ ਹੈ, ਬਾਕੀ ਸਾਰੇ ਭੈਅ ਨਾਲ ਘਿਰੇ ਹੋਏ ਹਨ।
ਪ੍ਰਮਾਤਮਾ ਦੀ ਸ੍ਰਿਸ਼ਟੀ ਦਾ ਹਰ ਵਿਅਕਤੀ ਸਮਾਨ ਹੈ
NEXT STORY 
