ਜਲੰਧਰ- ਪੰਜਾਬ 'ਚ ਨਸ਼ੇ ਦੇ ਵਧ ਰਹੇ ਕਾਰੋਬਾਰ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ ਰੇਡੀਓ 'ਤੇ 'ਮਨ ਕੀ ਬਾਤ' ਰਾਹੀਂ ਜੋ ਟਿੱਪਣੀ ਕੀਤੀ ਗਈ, ਉਸ 'ਤੇ ਪੰਜਾਬ ਭਾਜਪਾ ਦਾ ਰੁਖ ਚਾਹੇ ਜੋ ਵੀ ਹੋਵੇ ਪਰ ਕੇਂਦਰੀ ਪੱਧਰ 'ਤੇ ਭਾਜਪਾ ਨਸ਼ੇ ਦੇ ਮੁੱਦੇ ਨੂੰ ਲੈ ਕੇ ਚੁੱਪ ਬੈਠਦੀ ਨਜ਼ਰ ਨਹੀਂ ਆ ਰਹੀ ਹੈ। ਭਾਜਪਾ ਆਉਣ ਵਾਲੇ ਸਮੇਂ 'ਚ ਪੰਜਾਬ ਪੱਧਰ 'ਤੇ ਇਕ ਨਸ਼ਾ ਵਿਰੋਧੀ ਮੁਹਿੰਮ ਛੇੜਨ ਵਾਲੀ ਹੈ। ਜਿਸ ਦੀ ਕਮਾਨ ਪੰਜਾਬ 'ਚ ਕਿਸੇ ਨੇਤਾ ਨੂੰ ਦੇਣ ਦੀ ਬਜਾਏ ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਆਪਣੇ ਹੱਥਾਂ ਵਿਚ ਰੱਖਣਗੇ। ਇਸ ਮੁਹਿੰਮ ਲਈ ਦਿੱਲੀ ਤੋਂ ਵਿਸ਼ੇਸ਼ ਟ੍ਰੇਨਿੰਗ ਹਾਸਲ ਇਕ ਟੀਮ ਪੰਜਾਬ ਭੇਜੀ ਜਾ ਰਹੀ ਹੈ, ਜੋ ਕਿ ਨਸ਼ੇ ਨੂੰ ਲੈ ਕੇ ਪ੍ਰਭਾਵਿਤ ਖੇਤਰਾਂ ਦਾ ਜਾਇਜ਼ਾ ਲਵੇਗੀ।
ਇਹ ਟੀਮ ਇਕ ਰਿਪੋਰਟ ਅਮਿਤ ਸ਼ਾਹ ਨੂੰ ਸੌਂਪੇਗੀ ਅਤੇ ਉਸ ਰਿਪੋਰਟ ਦੇ ਆਧਾਰ 'ਤੇ ਸ਼ਾਹ ਪੰਜਾਬ ਵਿਚ ਆਪਣੀ ਰਣਨੀਤੀ ਬਣਾਉਣਗੇ। ਸੂਤਰਾਂ ਦਾ ਕਹਿਣਾ ਹੈ ਕਿ ਪੰਜਾਬ ਵਿਚ ਸ਼ਾਹ ਦੇ ਇਸ ਮੁਹਿੰਮ ਨੂੰ ਲੈ ਕੇ 2 ਪਲਾਨ ਕੀਤੇ ਗਏ ਹਨ। ਇਕ ਪਲਾਨ ਮੁਤਾਬਕ ਉਹ ਮੁੱਖ ਸ਼ਹਿਰਾਂ ਦਾ ਦੌਰਾ ਕਰਨਗੇ ਅਤੇ ਦੂਜੇ ਪਲਾਨ ਮੁਤਾਬਕ ਪਿੰਡਾਂ ਦਾ ਦੌਰਾ ਕਰਨਗੇ ਅਤੇ ਨਸ਼ੇ ਦੇ ਮੁਹਿੰਮ ਨੂੰ ਲੈ ਕੇ ਚਰਚਾ ਕਰਨਗੇ। ਲੋਕ ਸਭਾ ਚੋਣਾਂ 'ਚ ਅਮਿਤ ਸ਼ਾਹ ਨੇ ਜਿਸ ਤਰ੍ਹਾਂ ਨਾਲ ਉੱਤਰ ਪ੍ਰਦੇਸ਼ 'ਚ ਹਮਲਾਵਰ ਰਣਨੀਤੀ ਨਾਲ ਕੰਮ ਕੀਤਾ ਸੀ, ਉਸ ਤਰ੍ਹਾਂ ਦੀ ਰਣਨੀਤੀ ਕੇਂਦਰ ਭਾਜਪਾ ਨੇ ਪੰਜਾਬ ਲਈ ਤਿਆਰ ਕੀਤੀ ਹੈ। ਜੋ ਟੀਮ ਨਸ਼ਿਆਂ ਨੂੰ ਲੈ ਕੇ ਪੰਜਾਬ 'ਚ ਸਰਵੇ ਕਰ ਰਹੀ ਹੈ, ਉਸ ਨੂੰ ਆਪਣੀ ਪਛਾਣ ਗੁਪਤ ਰੱਖਣ ਨੂੰ ਕਿਹਾ ਗਿਆ ਹੈ।
ਮੈਨੂੰ ਤਾਂ ਬੋਲਣ ਹੀ ਨਹੀਂ ਦਿੰਦੇ ਕਾਂਗਰਸੀ : ਬਾਦਲ (ਵੀਡੀਓ)
NEXT STORY 
