* ਜ਼ਿਆਦਾ ਧਿਆਨ ਉਸ ਵੱਲ ਦਿਓ ਜੋ ਤੁਹਾਡੇ ਕੋਲ ਹੈ, ਉਸ 'ਤੇ ਨਹੀਂ ਜੋ ਤੁਹਾਡੇ ਕੋਲ ਨਹੀਂ ਹੈ।
* ਦੁਨੀਆ ਜਨਮਦਿਨ ਦੇ ਕੇਕ ਵਾਂਗ ਹੈ। ਆਪਣਾ ਹਿੱਸਾ ਲਵੋ ਪਰ ਵੱਡਾ ਹਿੱਸਾ ਛੱਡ ਦਿਓ।
* ਜ਼ਿੰਦਗੀ ਨੂੰ ਗਤੀਸ਼ੀਲ ਰੱਖਣ ਲਈ ਕੁਝ ਇੱਛਾਵਾਂ ਹੋਣੀਆਂ ਜ਼ਰੂਰੀ ਹਨ।
* ਜ਼ਿੰਦਗੀ ਉਸ ਤਰ੍ਹਾਂ ਦੀ ਨਹੀਂ ਹੈ ਜਿਸ ਤਰ੍ਹਾਂ ਦੀ ਤੁਸੀਂ ਇਸ ਦੇ ਲਈ ਕਾਮਨਾ ਕਰਦੇ ਹੋ। ਇਹ ਤਾਂ ਉਸ ਤਰ੍ਹਾਂ ਦੀ ਬਣ ਜਾਂਦੀ ਹੈ ਜਿਸ ਤਰ੍ਹਾਂ ਦੀ ਤੁਸੀਂ ਇਸ ਨੂੰ ਬਣਾਉਣਾ ਚਾਹੁੰਦੇ ਹੋ।
* ਲੰਬੀ ਜ਼ਿੰਦਗੀ ਸਾਰੇ ਚਾਹੁੰਦੇ ਹਨ ਪਰ ਬਜ਼ੁਰਗ ਕੋਈ ਨਹੀਂ ਹੋਣਾ ਚਾਹੁੰਦਾ।
* ਕਿਸੇ ਵੀ ਵਿਅਕਤੀ ਕੋਲ ਖੁਦ ਨੂੰ ਪ੍ਰਗਟ ਕਰਨ ਦਾ ਸਿਰਫ ਇਕੋ ਜ਼ਰੀਆ ਹੁੰਦਾ ਹੈ— ਉਸ ਦੀ ਜ਼ਿੰਦਗੀ।
* ਆਦਰਸ਼, ਅਨੁਸ਼ਾਸਨ, ਮਰਿਆਦਾ, ਈਮਾਨਦਾਰੀ ਤੇ ਉੱਚ ਮਨੁੱਖੀ ਕਦਰਾਂ-ਕੀਮਤਾਂ ਤੋਂ ਬਿਨਾਂ ਕਿਸੇ ਦਾ ਜੀਵਨ ਮਹਾਨ ਨਹੀਂ ਬਣ ਸਕਦਾ।
* ਅਸੀਂ ਜ਼ਿੰਦਗੀ ਤੋਂ ਉਹੀ ਸਿੱਖਦੇ ਹਾਂ ਜੋ ਉਸ ਤੋਂ ਅਸਲ ਵਿਚ ਸਿੱਖਣਾ ਚਾਹੁੰਦੇ ਹਾਂ।
* ਆਤਮ ਗਿਆਨ, ਆਤਮ ਸਨਮਾਨ, ਆਤਮ ਸੰਜਮ, ਇਹ ਤਿੰਨੋਂ ਹੀ ਜ਼ਿੰਦਗੀ ਨੂੰ ਪਰਮ ਸੰਪੰਨ ਬਣਾਉਂਦੇ ਹਨ।
* ਸਾਂਝੀ ਕੀਤੀ ਗਈ ਖੁਸ਼ੀ ਦੁੱਗਣੀ ਹੁੰਦੀ ਹੈ, ਸਾਂਝਾ ਕੀਤਾ ਗਿਆ ਦੁੱਖ ਅੱਧਾ ਹੁੰਦਾ ਹੈ।
* ਜੀਵਨ ਵਿਚ ਜ਼ਿਆਦਾ ਰਿਸ਼ਤੇ ਹੋਣੇ ਜ਼ਰੂਰੀ ਨਹੀਂ ਪਰ ਜੋ ਰਿਸ਼ਤੇ ਹਨ, ਉਨ੍ਹਾਂ ਵਿਚ ਜੀਵਨ ਹੋਣਾ ਜ਼ਰੂਰੀ ਹੈ।
* ਆਪਣੇ ਮਿਸ਼ਨ ਵਿਚ ਕਾਮਯਾਬ ਹੋਣ ਲਈ ਤੁਹਾਨੂੰ ਆਪਣੇ ਟੀਚੇ ਪ੍ਰਤੀ ਇਕਾਗਰ ਤੇ ਵਫਾਦਾਰ ਹੋਣਾ ਪੈਂਦਾ ਹੈ।
* ਜਦੋਂ ਤਕ ਤੁਸੀਂ ਖੁਦ 'ਤੇ ਵਿਸ਼ਵਾਸ ਨਹੀਂ ਕਰਦੇ, ਉਸ ਵੇਲੇ ਤਕ ਤੁਸੀਂ ਪ੍ਰਮਾਤਮਾ 'ਤੇ ਵੀ ਵਿਸ਼ਵਾਸ ਨਹੀਂ ਕਰ ਸਕਦੇ।
ਰੱਬ ਦਾ ਭੇਜਿਆ ਫਰਿਸ਼ਤਾ
NEXT STORY 
