ਪੱਛਮ ਦਾ ਇਕ ਬਹੁਤ ਵੱਡਾ ਨ੍ਰਤਕ ਹੋਇਆ ਹੈ ਨਿਜਿੰਸਕੀ। ਕਹਿੰਦੇ ਹਨ ਕਿ ਮਨੁੱਖੀ ਜਾਤ ਦੇ ਇਤਿਹਾਸ ਵਿਚ ਉਸ ਵਰਗਾ ਨ੍ਰਤਕ ਸ਼ਾਇਦ ਦੂਜਾ ਕਦੇ ਨਹੀਂ ਹੋਇਆ। ਉਸ ਦੀਆਂ ਕੁਝ ਖਾਸ ਗੱਲਾਂ ਸਨ। ਇਕ ਖਾਸ ਗੱਲ ਤਾਂ ਇਹ ਸੀ ਕਿ ਜਦੋਂ ਨਿਜਿੰਸਕੀ ਨ੍ਰਿਤ ਦੀ ਠੀਕ-ਠੀਕ ਸਥਿਤੀ ਵਿਚ ਆ ਜਾਂਦਾ ਸੀ ਤਾਂ ਉਹ ਅਜਿਹੀਆਂ ਛਾਲਾਂ ਮਾਰਦਾ ਕਿ ਵਿਗਿਆਨੀ ਹੈਰਾਨ ਰਹਿ ਜਾਂਦੇ ਸਨ ਕਿਉਂਕਿ ਗਰੂਤਾ ਖਿੱਚ ਕਾਰਨ ਅਜਿਹੀਆਂ ਛਾਲਾਂ ਮਾਰੀਆਂ ਹੀ ਨਹੀਂ ਜਾ ਸਕਦੀਆਂ। ਆਮ ਸਥਿਤੀ ਵਿਚ ਨਿਜਿੰਸਕੀ ਵੀ ਉਸ ਤਰ੍ਹਾਂ ਦੀਆਂ ਛਾਲਾਂ ਨਹੀਂ ਮਾਰ ਸਕਦਾ ਸੀ।
ਆਪਣੇ ਵਲੋਂ ਵੀ ਉਸ ਨੇ ਕੋਸ਼ਿਸ਼ਾਂ ਕਰ ਕੇ ਦੇਖ ਲਈਆਂ ਸਨ ਪਰ ਉਹ ਹਰ ਵਾਰ ਹਾਰ ਜਾਂਦਾ ਸੀ। ਜਦੋਂ ਉਸ ਨੂੰ ਕਿਸੇ ਨੇ ਪੁੱਛਿਆ ਕਿ ਇਸ ਦਾ ਕੀ ਰਾਜ਼ ਹੈ ਤਾਂ ਉਸ ਨੇ ਕਿਹਾ,''ਮੈਨੂੰ ਨਾ ਪੁੱਛੋ। ਮੈਨੂੰ ਆਪ ਹੀ ਪਤਾ ਨਹੀਂ ਕਿਉਂਕਿ ਮੈਂ ਕਈ ਵਾਰ ਕੋਸ਼ਿਸ਼ ਕਰ ਕੇ ਦੇਖ ਲਈ ਹੈ। ਇਹ ਤਾਂ ਯੋਗਾ ਦਾ ਪੁਰਾਣਾ ਸੂਤਰ ਹੈ। ਇਹ ਤਾਂ ਤੰਤਰ ਦਾ ਪੁਰਾਣਾ ਆਧਾਰ ਹੈ। ਨਿਜਿੰਸਕੀ ਨੂੰ ਕੁਝ ਪਤਾ ਨਹੀਂ ਕਿ ਉਹ ਕੀ ਕਰ ਰਿਹਾ ਹੈ। ਜੇ ਉਸ ਨੂੰ ਪੂਰਬ ਦੇ ਸ਼ਾਸਤਰਾਂ ਦਾ ਪਤਾ ਹੁੰਦਾ ਤਾਂ ਉਹ ਵਿਆਖਿਆ ਕਰ ਸਕਦਾ। ਵਿਗਿਆਨ ਕਹਿੰਦਾ ਹੈ ਕਿ ਨਿਊਟਨ ਨੇ ਦਰੱਖਤ ਦੇ ਹੇਠਾਂ ਬੈਠੇ-ਬੈਠੇ ਗਰੂਤਾ ਖਿੱਚ ਦੀ ਖੋਜ ਕੀਤੀ ਸੀ। ਉਸ ਵੇਲੇ ਦਰੱਖਤ ਤੋਂ ਇਕ ਫਲ ਹੇਠਾਂ ਡਿਗਿਆ ਤਾਂ ਨਿਊਟਨ ਨੂੰ ਖਿਆਲ ਆਇਆ ਕਿ ਹਰ ਚੀਜ਼ ਉੱਪਰੋਂ ਹੇਠਾਂ ਵੱਲ ਡਿੱਗਦੀ ਹੈ। ਪੱਥਰ ਵੀ ਅਸੀਂ ਉੱਪਰ ਨੂੰ ਸੁੱਟੀਏ ਤਾਂ ਉਹ ਹੇਠਾਂ ਆ ਜਾਂਦਾ ਹੈ ਤਾਂ ਜ਼ਰੂਰ ਜ਼ਮੀਨ ਵਿਚ ਗਰੂਤਾ ਖਿੱਚ, ਕੋਈ ਗ੍ਰੈਵੀਟੇਸ਼ਨ ਹੋਣਾ ਚਾਹੀਦਾ ਹੈ। ਜ਼ਮੀਨ ਚੀਜ਼ਾਂ ਨੂੰ ਆਪਣੇ ਵੱਲ ਖਿੱਚਦੀ ਹੈ।
ਨਿਊਟਨ ਨੇ ਇਕ ਗੱਲ ਦੇਖੀ। ਅਸੀਂ ਹੋਰ ਵੀ ਇਕ ਗੱਲ ਦੇਖੀ ਜੋ ਨਿਊਟਨ ਨੇ ਨਹੀਂ ਦੇਖੀ ਅਤੇ ਖਿਆਲ ਰੱਖੋ ਕਿ ਉਹੀ ਨਜ਼ਰ ਆਉਂਦਾ ਹੈ, ਜੋ ਅਸੀਂ ਦੇਖਣ ਨੂੰ ਤਿਆਰ ਹੁੰਦੇ ਹਾਂ। ਜਦੋਂ ਹੰਕਾਰ ਨਹੀਂ ਹੁੰਦਾ ਤਾਂ ਆਦਮੀ ਉੱਪਰ ਵੱਲ ਉੱਠਣ ਲਗਦਾ ਹੈ, ਜਿਵੇਂ ਆਕਾਸ਼ ਦੀ ਕੋਈ ਖਿੱਚ ਹੋਵੇ। ਵਿਗਿਆਨੀ ਇਸ ਨੂੰ ਗਰੂਤਾ ਖਿੱਚ ਕਹਿੰਦੇ ਹਨ। ਇਸ ਖਿੱਚ ਨੂੰ ਸਾਧੂ-ਸੰਤਾਂ ਨੇ ਰੱਬੀ ਖਿੱਚ ਕਿਹਾ ਹੈ।
ਦੁੱਖ ਵੀ ਹਨੇਰੇ ਸਮਾਨ ਨਾਂਹਪੱਖੀ ਭਾਵਨਾ ਹੈ
NEXT STORY 
