ਸ਼੍ਰੀ ਸ਼ਵੇਤਾਂਬਰ ਸਥਾਨਕ ਵਾਸੀ ਜੈਨ ਸਾਧੂ ਮਾਰਗੀ ਰਵਾਇਤ ਦੇ ਫਿਰਕਿਆਂ 'ਚੋਂ ਮੇਵਾੜ ਕੇਸਰੀ ਨਾਲ ਸੰਬੰਧਤ ਸਵਾਮੀ ਸ਼੍ਰੀ ਰੂਪ ਚੰਦ ਜੀ ਮਹਾਰਾਜ ਕੋਟਲਾ ਸ਼ਹਿਰ (ਮੌਜੂਦਾ ਮਾਲੇਰਕੋਟਲਾ) ਵਾਲੇ ਜਿਨ੍ਹਾਂ ਨੇ ਤਪ, ਤਿਆਗ ਅਤੇ ਸੰਜਮ ਦੀ ਰਾਹ 'ਤੇ ਚੱਲ ਕੇ ਸ਼ਰਮਣ ਭਗਵਾਨ ਮਹਾਵੀਰ ਜੀ ਦੇ ਅਮਰ ਸੰਦੇਸ਼ਾਂ ਅਤੇ ਉਪਦੇਸ਼ਾਂ ਨੂੰ ਲੋਕਪ੍ਰਿਯ ਬਣਾ ਕੇ ਪ੍ਰਚਾਰ-ਪਸਾਰ ਕੀਤਾ। ਜੈਨ ਸ਼ਾਸਨ ਦੇ ਗੌਰਵ ਨੂੰ ਵਧਾਇਆ। ਜੈਨ ਆਚਾਰੀਆ ਸ਼੍ਰੀ ਨੱਥੂ ਰਾਮ ਜੀ ਮਹਾਰਾਜ ਦੇ ਸੰਪਰਦਾਇ ਨੂੰ ਚਾਰ ਚੰਨ ਲਾਏ। ਜ਼ਿੰਦਗੀ ਭਰ ਇਕ ਸਾਧਾਰਨ ਜ਼ਿੰਦਗੀ ਹੀ ਗੁਜ਼ਾਰੀ। ਇਸ ਸੰਪਰਦਾਇ ਦੇ ਪ੍ਰਸਿੱਧ ਜੈਨ ਆਚਾਰੀਆ ਸ਼੍ਰੀ ਰਾਏ ਚੰਦ ਜੀ ਮਹਾਰਾਜ ਮਾਰਵਾੜੀ ਦੇ ਸ਼ਿਸ਼ ਜੈਨ ਆਚਾਰੀਆ ਸ਼੍ਰੀ ਰੱਤੀ ਰਾਮ ਜੀ ਮਹਾਰਾਜ ਦੇ ਚੇਲੇ ਅਖਵਾਏ।
ਆਪ ਜੀ ਦਾ ਜੀਵਨ ਸਰਲਤਾ, ਸ਼ੀਤਲਤਾ, ਮਿਠਾਸ ਦਾ ਤ੍ਰਿਵੈਣੀ ਸੰਗਮ ਸੀ। ਸਾਦਗੀ ਦੀ ਸੰਜੀਵ ਮੂਰਤ ਸਨ। ਅੱਠ ਪਹਿਰਾਂ 'ਚੋਂ ਸਿਰਫ ਇਕ ਵਾਰ ਆਹਾਰ ਕਰਦੇ ਸਨ। ਆਪ ਦਾ ਰੋਜ਼ਾਨਾ ਦਾ ਭੋਜਨ ਦੋ ਰੋਟੀਆਂ, ਦਾਲ ਤੇ ਦੋ ਵਾਰੀ ਪਾਣੀ ਪੀਣ ਤੱਕ ਹੀ ਸੀਮਤ ਸੀ। ਇਕ ਵਾਰ ਸ਼੍ਰੀ ਬਿਹਾਰੀ ਲਾਲ ਜੀ ਮਹਾਰਾਜ ਭੋਜਨ ਲਿਆਏ। ਉਸ ਦਿਨ ਦਾਲ ਨਾ ਮਿਲੀ, ਖਿਚੜੀ ਲੈ ਆਏ। ਦੋ ਰੋਟੀਆਂ 'ਤੇ ਦਾਲ ਦੇ ਅੰਦਾਜ਼ੇ ਤੋਂ ਜ਼ਿਆਦਾ ਖਿਚੜੀ ਰੱਖ ਕੇ ਸ਼੍ਰੀ ਰੂਪ ਚੰਦ ਜੀ ਨੂੰ ਭੇਟ ਕੀਤੀ। ਆਪ ਨੇ ਦੇਖਦੇ ਹੀ ਪੁੱਛਿਆ, ''ਬਿਹਾਰੀ ਲਾਲ ਮੁਨੀਰਾਜ। ਖਿਚੜੀ ਇੰਨੀ ਜ਼ਿਆਦਾ ਕਿਉਂ ਰੱਖੀ ਗਈ ਹੈ? ਮੁਨੀਰਾਜ ਨੇ ਜਵਾਬ ਦਿੱਤਾ, ''ਮਹਾਰਾਜ ਸ਼੍ਰੀ ਜੀ! ਸਹਿਜਭਾਵ ਨਾਲ ਰੱਖੀ ਗਈ ਹੈ।'' ਆਪ ਜੀ ਨੇ ਸਰਲਤਾ ਤੇ ਨਿਮਰਤਾ ਨਾਲ ਕਿਹਾ, ''ਭਾਈ ਇਸ ਤਰ੍ਹਾਂ ਦੇ ਲਾਲਚ 'ਚ ਮੈਨੂੰ ਨਾ ਫਸਾਓ। ਕਿਤੇ ਤੁਹਾਡਾ ਅੰਨ੍ਹਾ ਪ੍ਰੇਮ ਦੋਵਾਂ ਦੇ ਪਤਨ ਦਾ ਕਾਰਨ ਨਾ ਬਣ ਜਾਏ। ਸਾਧੂ ਦੇ ਲਈ ਸਹੀ ਆਹਾਰ-ਵਿਚਾਰ ਦਾ ਪਾਲਣ ਕਰਨਾ ਅਤਿ ਜ਼ਰੂਰੀ ਹੈ। ਰਾਗ ਪ੍ਰੇਮ ਨਹੀਂ ਅਤੇ ਨਾ ਹੀ ਤੁਹਾਡਾ ਕੰਮ ਸ਼ਲਾਘਾਯੋਗ ਹੈ।'' ਹੁਕਮ ਦੇ ਮੁਤਾਬਕ ਸ਼੍ਰੀ ਬਿਹਾਰੀ ਲਾਲ ਮਹਾਰਜਾ ਦੇ ਨਾਲ ਬਰਾਬਰ ਨਿਯਮ ਅਨੁਸਾਰ ਖਿਚੜੀ ਰੋਟੀ 'ਤੇ ਰੱਖ ਦਿੱਤੀ ਤੇ ਭਵਿੱਖ 'ਚ ਕਦੇ ਅਜਿਹੀ ਭੁੱਲ ਨਾ ਕੀਤੀ।
ਅੱਜ ਉਹ ਮਹਾਨ ਤਪੱਸਵੀ, ਜੈਨ ਕੌਮ ਦਾ ਪੇਸ਼ਵਾ ਸਾਡੇ ਦਰਮਿਆਨ ਨਹੀਂ ਹੈ ਪਰ ਆਪ ਦੇ ਦਿੱਤੇ ਹੋਏ ਅਨਮੋਲ ਉਪਦੇਸ਼ ਤੇ ਸੰਦੇਸ਼ ਸਾਨੂੰ ਸੱਚੀ ਰਾਹ 'ਤੇ ਚੱਲਣ ਲਈ ਪ੍ਰੇਰਿਤ ਤੇ ਜਾਗ੍ਰਿਤ ਕਰਦੇ ਰਹਿਣਗੇ। ਜਦੋਂ ਤੱਕ ਮਾਲੇਰਕੋਟਲਾ ਸ਼ਹਿਰ ਆਬਾਦ ਰਹੇਗਾ, ਲਾਲ ਅਮਰ ਚੰਦ ਦਰਸ਼ਨ ਕੁਮਾਰ ਓਸਵਾਲ ਜੈਨ 'ਕੱਤ ਭਾਭੂ' ਪਰਿਵਾਰ ਆਪ ਜੀ ਦਾ ਕਰਜ਼ਦਾਰ ਰਹੇਗਾ ਅਤੇ ਆਪ ਜੀ ਦਾ ਨਾਂ ਬਹੁਤ ਸ਼ਰਧਾ ਭਗਤੀ, ਪ੍ਰੇਮ ਤੇ ਸਤਿਕਾਰ ਨਾਲ ਦਿੱਤਾ ਜਾਵੇਗਾ। ਅੱਜ ਅਸੀਂ ਆਪ ਜੀ ਦੀ 177ਵੀਂ ਦੀਕਸ਼ਾ ਜਯੰਤੀ ਦੇ ਸ਼ੁੱਭ ਮੌਕੇ 'ਤੇ ਸ਼ਰਧਾ ਦੇ ਫੁੱਲ ਭੇਟ ਕਰਦਿਆਂ ਆਪ ਜੀ ਦੇ ਕਦਮਾਂ 'ਤੇ ਚੱਲਣ ਦਾ ਨਿਸ਼ਚੈ ਕਰਦੇ ਹਾਂ।
—ਨਿਖਿਲੇਸ਼ ਓਸਵਾਲ, ਦਰਸ਼ਨ ਓਸਵਾਲ ਜੈਨ
ਪੇਸ਼ਕਸ਼-ਅਖਿਲੇਸ਼ ਓਸਵਾਲ ਜੈਨ, ਪ੍ਰਤੀਨਿਧੀ
ਦੂਜਿਆਂ ਦੇ ਦੁੱਖ ਵਿਚ ਸੁੱਖ ਨਾ ਲੱਭੋ
NEXT STORY 
