ਪਟਿਆਲਾ(ਬਲਜਿੰਦਰ)-ਥਾਣਾ ਪਸਿਆਣਾ ਅਧੀਨ ਆਉਂਦੀ ਡਕਾਲਾ ਚੌਕੀ ਦੀ ਪੁਲਸ 'ਤੇ ਪਿੰਡ ਖੇੜਾ ਜੱਟਾਂ ਦੇ ਰਹਿਣ ਵਾਲੇ ਨਰੈਣ ਸਿੰਘ ਨਾਮੀ ਨੌਜਵਾਨ ਨੇ ਥਰਡ ਡਿਗਰੀ ਟਾਰਚਰ ਕਰਨ ਦਾ ਦੋਸ਼ ਲਗਾਇਆ ਹੈ। ਇਸ ਸਮੇਂ ਨਰੈਣ ਸਿੰਘ ਸਰਕਾਰੀ ਰਾਜਿੰਦਰਾ ਹਸਪਤਾਲ ਵਿਚ ਭਰਤੀ ਹੈ। ਨਰੈਣ ਦੇ ਨਾਲ ਆਏ ਉਸ ਦੇ ਚਾਚੇ ਸਾਬਕਾ ਸਰਪੰਚ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਨਰੈਣ ਦੀ ਸੱਸ ਅਤੇ ਸਾਲੀ ਤੇ ਉਸ ਦੀ ਘਰਵਾਲੀ ਉਸ ਦੇ ਗਹਿਣੇ ਚੁੱਕ ਕੇ ਲਿਜਾ ਰਹੀਆਂ ਸਨ। ਜਦੋਂ ਉਹ ਬੱਸ ਚੜ੍ਹਨ ਲੱਗੀਆਂ ਤਾਂ ਉਨ੍ਹਾਂ ਨੇ ਤਿੰਨਾਂ ਨੂੰ ਘੇਰ ਕੇ ਪੁਲਸ ਨੂੰ ਮਦਦ ਲਈ ਬੁਲਾਇਆ, ਜਿੱਥੇ ਪੁਲਸ ਨੇ ਦੋਹਾਂ ਧਿਰਾਂ ਨੂੰ ਥਾਣੇ ਆਉੁਣ ਲਈ ਕਿਹਾ, ਉਥੇ ਡਕਾਲਾ ਚੌਕੀ ਦੀ ਪੁਲਸ ਨੇ ਉਸ ਦੀ ਗੱਲ ਸੁਣਨ ਦੀ ਬਜਾਏ ਉਸ ਦੀ ਘਰਵਾਲੀ ਅਤੇ ਰਿਸ਼ਤੇਦਾਰਾਂ ਦੇ ਕਹਿਣ 'ਤੇ ਉਸ ਨੂੰ ਢਾਹ ਕੇ ਕੁੱਟਣਾ ਸ਼ੁਰੂ ਕਰ ਦਿੱਤਾ ਤੇ ਕੁੱਟਿਆ ਇੰਨਾ ਜ਼ਿਆਦਾ ਕਿ ਥਾਂ-ਥਾਂ 'ਤੇ ਨੀਲ ਪੈ ਗਏ। ਪੁਲਸ ਨੇ ਉਦੋਂ ਕੁੱਟਣਾ ਬੰਦ ਕੀਤਾ ਜਦੋਂ ਇਕ ਤਰ੍ਹਾਂ ਨਾਲ ਨਰੈਣ ਬੇਹੋਸ਼ੀ ਦੀ ਹਾਲਤ ਵਿਚ ਪਹੁੰਚ ਗਿਆ।
ਦੂਜੇ ਪਾਸੇ ਇਸ ਸੰਬੰਧੀ ਜਦੋਂ ਡਕਾਲਾ ਚੌਕੀ ਇੰਚਾਰਜ ਏ. ਐੱਸ. ਆਈ. ਨਿਰਪਿੰਦਰ ਸਿੰਘ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਨਰੈਣ ਸਿੰਘ ਆਪਣੀ ਘਰਵਾਲੀ ਨਾਲ ਬਹੁਤ ਜ਼ਿਆਦਾ ਕੁੱਟਮਾਰ ਕਰਦਾ ਸੀ, ਜਿਸ ਸੰਬੰਧੀ ਉਸ ਦੀ ਸੱਸ ਤੇ ਸਾਲੀ ਆਈ ਹੋਈ ਸੀ, ਜੋ ਕਿ ਨਰੈਣ ਸਿੰਘ ਦੀ ਪਤਨੀ ਨੂੰ ਨਾਲ ਲੈ ਕੇ ਜਾ ਰਹੀਆਂ ਸਨ। ਜਦੋਂ ਨਰੈਣ ਸਿੰਘ ਨੇ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਦੋਹਾਂ ਵਿਚ ਹੱਥੋਪਾਈ ਹੋਈ ਤੇ ਉਸ ਹੱਥੋਪਾਈ ਵਿਚ ਨਰੈਣ ਦੇ ਸੱਟਾਂ ਵੱਜੀਆਂ। ਉਲਟਾ ਨਰੈਣ ਨੇ ਆਪਣੀ ਪਤਨੀ, ਸੱਸ ਤੇ ਸਾਲੀ ਨੂੰ ਕੁੱਟਿਆ। ਉਨ੍ਹਾਂ ਨੂੰ ਜਦੋਂ ਸੂਚਨਾ ਮਿਲੀ ਤਾਂ ਡਕਾਲਾ ਚੌਕੀ ਦੀ ਪੁਲਸ ਨੇ ਝਗੜਾ ਹਟਾਇਆ ਅਤੇ ਦੋਹਾਂ ਧਿਰਾਂ ਨੂੰ ਥਾਣੇ ਆਉੁਣ ਲਈ ਕਿਹਾ। ਏ. ਐੱਸ. ਆਈ. ਨਰਪਿੰਦਰ ਸਿੰਘ ਨੇ ਦੱਸਿਆ ਕਿ ਦੋਵੇਂ ਧਿਰਾਂ ਲਿਖਤ ਵਿਚ ਇਹ ਕਹਿ ਕੇ ਭੇਜੀਆਂ ਗਈਆਂ ਕਿ ਉਹ ਦੁਬਾਰਾ ਪੇਸ਼ ਹੋਣਗੀਆਂ ਪਰ ਦੁਬਾਰਾ ਪੇਸ਼ ਹੋਣ ਦੀ ਥਾਂ ਨਰੈਣ ਸਿੰਘ ਹਸਪਤਾਲ ਵਿਚ ਭਰਤੀ ਹੋ ਕੇ ਪੁਲਸ 'ਤੇ ਝੂਠੇ ਦੋਸ਼ ਲਗਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਝਗੜਾ ਉਨ੍ਹਾਂ ਦਾ ਘਰੇਲੂ ਹੈ ਤੇ ਪੁਲਸ ਦਾ ਇਸ ਝਗੜੇ ਨਾਲ ਕੋਈ ਲੈਣ ਦੇਣ ਨਹੀਂ ਹੈ।
ਕੈਪਟਨ ਅਮਰਿੰਦਰ ਨਾਲ ਮੁਲਾਕਾਤ ਕੌਂਸਲਰ ਨੂੰ ਪਈ ਮਹਿੰਗੀ!
NEXT STORY 
