ਲੁਧਿਆਣਾ,(ਕੁਲਵੰਤ)- ਭਗਵਾਨ ਨਗਰ ਦੇ ਰਹਿਣ ਵਾਲੇ 36 ਸਾਲਾ ਹਰਪ੍ਰੀਤ ਸਿੰਘ ਨੇ ਔਲਾਦ ਨਾ ਹੋਣ 'ਤੇ ਆਪਣੇ ਹੀ ਘਰ 'ਚ ਮੰਗਲਵਾਰ ਰਾਤ ਨੂੰ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਉਸਦੀ 3 ਸਾਲ ਪਹਿਲਾਂ ਦੂਸਰੀ ਸ਼ਾਦੀ ਹੋਈ ਸੀ ਅਤੇ ਰਾਤ ਨੂੰ ਉਹ ਸ਼ਿਮਲਾਪੁਰੀ ਸਥਿਤ ਬੁਟੀਕ ਤੋਂ ਆਪਣੀ ਪਤਨੀ ਨੂੰ ਘਰ ਲੈ ਕੇ ਆਇਆ ਸੀ, ਜਿਉਂ ਹੀ ਉਸਦੀ ਪਤਨੀ ਖਾਣਾ ਬਣਾਉਣ ਗਈ ਤਾਂ ਪਿੱਛੋਂ ਉਸਨੇ ਫਾਹਾ ਲੈ ਲਿਆ। ਇਸ ਘਟਨਾ ਦਾ ਪਤਾ ਉਦੋਂ ਲੱਗਾ ਜਦੋਂ ਪਤਨੀ ਖਾਣਾ ਲੈ ਕੇ ਕਮਰੇ 'ਚ ਆਈ ਤਾਂ ਪੱਖੇ ਦੀ ਹੁੱਕ 'ਤੇ ਆਪਣੇ ਪਤੀ ਨੂੰ ਲਟਕਿਆ ਦੇਖ ਕੇ ਉਸਨੇ ਰੌਲਾ ਪਾਇਆ। ਕੋਲ ਹੀ ਰਹਿਣ ਵਾਲਾ ਹਰਪ੍ਰੀਤ ਦਾ ਪਰਿਵਾਰ ਵੀ ਮੌਕੇ 'ਤੇ ਪਹੁੰਚ ਗਿਆ ਅਤੇ ਤੁਰੰਤ ਸੂਚਨਾ ਪੁਲਸ ਨੂੰ ਦਿੱਤੀ। ਜਿਸ ਦੇ ਬਾਅਦ ਚੌਕੀ ਸ਼ੇਰਪੁਰ ਦੇ ਇੰਚਾਰਜ ਮੁਕੇਸ਼ ਕੁਮਾਰ ਪੁਲਸ ਪਾਰਟੀ ਸਮੇਤ ਮੌਕੇ 'ਤੇ ਪਹੁੰਚੇ ਅਤੇ ਲਾਸ਼ ਨੂੰ ਪੱਖੇ ਤੋਂ ਥੱਲੇ ਉਤਾਰ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ।
ਮੁਕੇਸ਼ ਨੇ ਦੱਸਿਆ ਕਿ ਪੁਲਸ ਨੂੰ ਦਿੱਤੇ ਬਿਆਨ 'ਚ ਮ੍ਰਿਤਕ ਹਰਪ੍ਰੀਤ ਦੇ ਪਿਤਾ ਤਾਰਾ ਸਿੰਘ ਨੇ ਦੱਸਿਆ ਕਿ ਉਸਦਾ ਬੇਟਾ ਕਾਰ ਪੇਂਟਿੰਗ ਦਾ ਕੰਮ ਕਰਦਾ ਸੀ। ਉਸਦੀ ਪਹਿਲੀ ਪਤਨੀ ਦੀ ਮੌਤ ਹੋ ਚੁੱਕੀ ਹੈ। ਤਿੰਨ ਸਾਲ ਪਹਿਲਾਂ ਹਰਪ੍ਰੀਤ ਦੀ ਦੂਸਰੀ ਸ਼ਾਦੀ ਕੀਤੀ ਸੀ। ਤਿੰਨ ਸਾਲ ਤੋਂ ਉਨ੍ਹਾਂ ਦੇ ਘਰ ਔਲਾਦ ਨਹੀਂ ਸੀ ਹੋਈ, ਜਿਸ ਕਾਰਨ ਹਰਪ੍ਰੀਤ ਬੇਹੱਦ ਪ੍ਰੇਸ਼ਾਨ ਰਹਿੰਦਾ ਸੀ। ਹਾਲਾਂਕਿ ਉਸ ਨੂੰ ਕਈ ਵਾਰ ਸਮਝਾਇਆ ਸੀ ਪਰ ਉਹ ਇਸ ਸਦਮੇ ਤੋਂ ਬਾਹਰ ਨਹੀਂ ਸੀ ਆ ਸਕਿਆ। ਰਾਤ ਨੂੰ ਉਹ ਸਾਢੇ 10 ਵਜੇ ਆਪਣੀ ਪਤੀ ਨੂੰ ਬੁਟੀਕ ਤੋਂ ਲੈ ਕੇ ਆਇਆ ਸੀ ਅਤੇ 11 ਵਜੇ ਉਸਨੇ ਫਾਹਾ ਲੈ ਲਿਆ। ਮੁਕੇਸ਼ ਨੇ ਦੱਸਿਆ ਕਿ ਪੁਲਸ ਨੇ ਇਸ ਸਬੰਧ 'ਚ ਧਾਰਾ 174 ਤਹਿਤ ਕਾਰਵਾਈ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮਾਈ ਨੇਮ ਇਜ਼ ਫਾਬਿਆ... ਬੋਲ ਬੱਚੀ ਚੁੱਪ
NEXT STORY 
