ਬਲਾਚੌਰ (ਵਿਨੋਦ) - ਇਰਾਕ 'ਚ ਆਈ. ਐੱਸ. ਆਈ., ਤਾਲੀਬਾਨੀਆਂ ਵਲੋਂ ਜਿਨ੍ਹਾਂ (39) ਭਾਰਤੀ ਕਾਮਿਆਂ ਨੂੰ ਪਿਛਲੇ 11 ਮਹੀਨਿਆਂ ਤੋਂ ਕੈਦੀ ਬਣਾ ਕੇ ਰੱਖਿਆ ਹੋਇਆ ਹੈ। ਉਨ੍ਹਾਂ ਵਿਚ ਪਿੰਡ ਜਗਤਪੁਰ ਵਾਸੀ ਪਰਮਿੰਦਰ ਵੀ ਸ਼ਾਮਲ ਹੈ, ਜੋ ਰੋਜ਼ੀ-ਰੋਟੀ ਦੀ ਤਲਾਸ਼ 'ਚ ਇਰਾਕ ਗਿਆ ਸੀ। ਉਸਦੇ ਬਾਰੇ ਜਾਣਕਾਰੀ ਮੁਹੱਈਆ ਕਰਵਾਉਣ ਵਿਚ ਭਾਰਤ ਸਰਕਾਰ ਵੀ ਨਾਕਾਮਯਾਬ ਰਹੀ ਹੈ। ਪਰਮਿੰਦਰ ਨੂੰ ਮਿਲਣ ਲਈ ਤੜਫ ਰਿਹਾ ਉਸਦਾ ਪਰਿਵਾਰ ਰੋ-ਰੋ ਕੇ ਕਮਲਾ ਹੋ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਇਕ ਵਿਅਕਤੀ ਹਰਜੀਤ ਮਸੀਹ ਹਾਲ ਵਾਸੀ ਗੁਰਦਾਸਪੁਰ ਵੀ ਅਗਵਾਕਾਰਾਂ ਦੇ ਚੁੰਗਲ ਵਿਚੋਂ ਬਚ ਨਿਕਲਿਆ ਸੀ।
ਪਰਮਿੰਦਰ ਦੀ ਮਾਤਾ ਕ੍ਰਿਸ਼ਨਾ ਦੇਵੀ, ਪਿਤਾ ਜੀਤ ਰਾਮ ਤੇ ਪਤਨੀ ਅੰਜੂ (28) ਤੇ ਤਿੰਨ ਸਾਲਾਂ ਦਾ ਪੁੱਤਰ ਰੋਜ਼ ਪਰਮਿੰਦਰ ਦੀ ਉਡੀਕ ਕਰਦੇ ਹਨ। ਕ੍ਰਿਸ਼ਨਾ ਦੇਵੀ ਨੇ ਦੱਸਿਆ ਕਿ 6-7 ਅਪ੍ਰੈਲ ਦੀ ਰਾਤ ਨੂੰ ਕਰੀਬ 9 ਵਜੇ ਉਸ ਨੇ ਆਪਣੇ ਪੁੱਤਰ ਦੇ ਮੋਬਾਈਲ 'ਤੇ ਸੰਪਰਕ ਕੀਤਾ ਪਰ ਫੋਨ ਚੁੱਕਣ ਵਾਲੇ ਵਿਅਕਤੀ ਦੀ ਭਾਸ਼ਾ ਉਸ ਨੂੰ ਸਮਝ ਨਹੀਂ ਆਈ। ਉਸਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਉਹ ਦਿੱਲੀ ਵਿਖੇ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨਾਲ 6-7 ਵਾਰ ਮੁਲਾਕਾਤ ਕਰਕੇ ਆਏ ਹਨ ਪਰ ਉਨ੍ਹਾਂ ਦੇ ਪੁੱਤਰ ਬਾਰੇ ਆਲਾ ਅਧਿਕਾਰੀ ਕੁਝ ਨਹੀਂ ਦੱਸ ਸਕੇ। ਉਨ੍ਹਾਂ ਮੈਡਮ ਸੁਸ਼ਮਾ ਸਵਰਾਜ ਤੋਂ ਮੁੜ ਮੁਲਾਕਾਤ ਲਈ ਸਮੇਂ ਦੀ ਮੰਗ ਕੀਤੀ ਹੈ। ਸੂਤਰਾਂ ਅਨੁਸਾਰ ਅਗਵਾ ਦੀ ਘਟਨਾ ਉਪਰੰਤ ਜੋ ਵਫਦ ਭਾਰਤ ਸਰਕਾਰ ਵਲੋਂ ਇਰਾਕ 'ਚ ਅਗਵਾ ਹੋਏ 39 ਭਾਰਤੀਆਂ ਬਾਰੇ ਜਾਣਕਾਰੀ ਲੈਣ ਗਿਆ ਸੀ, ਉਨ੍ਹਾਂ ਨੇ ਜੋ ਰਿਪੋਰਟ ਭਾਰਤ ਸਰਕਾਰ ਨੂੰ ਦਿੱਤੀ ਹੈ ਉਹ ਜਨਤਕ ਕੀਤੀ ਜਾਵੇ।
ਦੂਜੇ ਪਾਸੇ ਸੂਤਰਾਂ ਅਨੁਸਾਰ ਗੁਰਦਾਸਪੁਰ ਵਾਸੀ ਹਰਜੀਤ ਮਸੀਹ ਜੋ ਤਾਲੀਵਾਨਾਂ ਦੇ ਚੁੰਗਲ ਤੋਂ ਬਚ ਕੇ ਭਾਰਤ ਪੁੱਜ ਚੁੱਕਾ ਹੈ ਤੇ ਉਸ ਕੋਲ ਬੰਧਕ ਬਣਾਏ ਗਏ 39 ਭਾਰਤੀਆਂ ਬਾਰੇ ਅਹਿਮ ਜਾਣਕਾਰੀ ਹੈ ਅਤੇ ਸੂਤਰਾਂ ਅਨੁਸਾਰ ਹਰਜੀਤ ਮਸੀਹ ਭਾਰਤ ਸਰਕਾਰ ਦੀ ਕਸਟਡੀ 'ਚ ਹੈ ਜਿਸ ਬਾਰੇ ਵੀ ਉਸਦੇ ਪਰਿਵਾਰ ਨੂੰ ਨਹੀਂ ਦੱਸਿਆ ਜਾ ਰਿਹਾ।
ਗਰੰਥੀ ਸਿੰਘਾਂ ਨੂੰ ਕੁੱਟਣ ਦੀ ਘਟਨਾ ਦੀ ਮੱਕੜ ਨੇ ਕੀਤੀ ਨਿਖੇਧੀ (ਵੀਡੀਓ)
NEXT STORY 
