ਗੁਰਦਾਸਪੁਰ(ਵਿਨੋਦ)-ਇਕ ਬਾਪ ਨੇ ਆਪਣੀ ਗਰੀਬੀ ਨੂੰ ਦੂਰ ਕਰਨ ਦੇ ਲਈ ਆਪਣੀ ਚਾਰ ਬੱਚਿਆਂ ਦੀ ਮਾਂ ਲੜਕੀ ਨੂੰ ਉਸ ਦੇ ਪਤੀ ਦੀ ਮਰਜ਼ੀ ਦੇ ਬਿਨਾਂ ਇਕ ਲੱਖ ਰੁਪਏ 'ਚ ਵੇਚ ਦਿੱਤੇ ਜਾਣ ਦੇ ਕਾਰਨ ਉਕਤ ਮਹਿਲਾ ਦੇ ਪਤੀ ਨੇ ਪੁਲਸ ਤੋਂ ਉਸ ਦੀ ਪਤਨੀ ਤੇ ਬੱਚਿਆਂ ਨੂੰ ਵਾਪਸ ਦਿਵਾਉਣ ਦੀ ਗੁਹਾਰ ਲਗਾਈ ਹੈ। ਸਰਹੱਦ ਪਾਰ ਸੂਤਰਾਂ ਅਨੁਸਾਰ ਬਿੰਦੀ ਮੋਤੀਆਂ ਪਿੰਡ ਨਿਵਾਸੀ ਅਲੀ ਹੈਦਰ ਨੇ ਪੁਲਸ ਨੂੰ ਦਿੱਤੇ ਸ਼ਿਕਾਇਤ ਪੱਤਰ 'ਚ ਦੋਸ਼ ਲਗਾਇਆ ਕਿ ਉਸ ਦਾ ਲੱਗਭਗ ਅੱਠ ਸਾਲ ਪਹਿਲਾਂ ਵਹੀਦਾ ਪੁੱਤਰ ਪੀਰਬਖ਼ਸ਼ ਨਿਵਾਸੀ ਉਸਤਾ ਮੁਹੰਮਦ ਬਲੋਚਿਸਤਾਨ ਦੇ ਨਾਲ ਹੋਇਆ ਸੀ ਅਤੇ ਉਸ ਦੇ ਚਾਰ ਬੱਚੇ ਵੀ ਹਨ। ਲੱਗਭਗ 15 ਦਿਨ ਪਹਿਲਾਂ ਉਸ ਦੀ ਪਤਨੀ ਵਹੀਦਾ ਆਪਣੇ ਬੱਚਿਆਂ ਦੇ ਨਾਲ ਆਪਣੇ ਪਿਤਾ ਦੇ ਘਰ ਗਈ ਸੀ ਪਰ ਵਹੀਦਾ ਦੇ ਪਿਤਾ ਨੇ ਵਹੀਦਾ ਦਾ ਨਿਕਾਹ ਇਕ ਬਜ਼ੁਰਗ ਵਿਅਕਤੀ ਅਲਤਾਪ ਗੋਲੋ ਨਾਲ ਕਰ ਦਿੱਤਾ ਹੈ ਅਤੇ ਇਸ ਦੇ ਬਦਲੇ ਪੀਰਬਖ਼ਸ਼ ਨੇ ਇਕ ਲੱਖ ਰੁਪਏ ਔਰਤ ਦੇ ਪਿਤਾ ਨੂੰ ਦਿੱਤੇ ਹਨ।
ਅਲੀ ਹੈਦਰ ਅਨੁਸਾਰ ਉਸ ਦੀ ਪਤਨੀ ਨੇ ਆਪਣਾ ਦੂਜਾ ਨਿਕਾਹ ਹੋਣ ਦੇ ਬਾਅਦ ਮੋਬਾਈਲ 'ਤੇ ਸਾਰੀ ਗੱਲ ਮੈਨੂੰ ਦੱਸੀ। ਮੈਂ ਜਦ ਆਪਣੇ ਸਹੁਰੇ ਤੋਂ ਜਾ ਕੇ ਇਸ ਸੰਬੰਧੀ ਗੱਲ ਕੀਤੀ ਤਾਂ ਉਸ ਨੇ ਪਹਿਲਾਂ ਤਾਂ ਵਹੀਦਾ ਦੇ ਦੂਜੇ ਨਿਕਾਹ ਦੀ ਗੱਲ ਨੂੰ ਮੰਨਣ ਤੋਂ ਇਨਕਾਰ ਕਰ ਦਿੱਤਾ ਪਰ ਬਾਅਦ 'ਚ ਕਿਹਾ ਕਿ ਉਸ ਨੇ ਆਪਣੀ ਗਰੀਬੀ ਨੂੰ ਦੂਰ ਕਰਨ ਲਈ ਅਜਿਹਾ ਕੀਤਾ ਹੈ।
ਅਲੀ ਹੈਦਰ ਅਨੁਸਾਰ ਉਹ ਇਕ ਗਰੀਬ ਵਿਅਕਤੀ ਹੈ ਅਤੇ ਉਹ ਪੁਲਸ ਅਤੇ ਅਦਾਲਤ ਦਾ ਖਰਚ ਬਰਦਾਸ਼ਤ ਕਰਨ ਦੀ ਹਾਲਤ 'ਚ ਨਹੀਂ ਹੈ ਅਤੇ ਉਸ ਦੀ ਪਤਨੀ ਹੁਣ ਅਦਾਲਤ ਤੇ ਪੁਲਸ ਦੀ ਮਦਦ ਦੇ ਬਿਨਾਂ ਨਹੀਂ ਮਿਲ ਰਹੀ। ਉਸ ਨੇ ਉੱਚ ਪੁਲਸ ਅਧਿਕਾਰੀਆਂ ਤੋਂ ਉਸ ਦੀ ਪਤਨੀ ਵਾਪਸ ਦਿਵਾਉਣ ਦੀ ਮੰਗ ਕੀਤੀ ਹੈ, ਜਦਕਿ ਉਸ ਦੇ ਸਹੁਰੇ ਨੇ ਮੇਰੇ ਚਾਰੇ ਬੱਚਿਆਂ ਨੂੰ ਮੈਨੂੰ ਸੌਂਪ ਦਿੱਤਾ।
ਨਵੀਂ ਐਕਟਿਵਾ 'ਤੇ ਸਵਾਰ ਹੋ ਕੇ ਧੀ ਨੂੰ ਮਿਲਣ ਜਾ ਰਹੇ ਮਾ-ਪੁੱਤ ਨਾਲ ਵਰਤਿਆ ਅਜਿਹਾ ਭਾਣਾ ਕਿ... (ਦੇਖੋ ਤਸਵੀਰਾਂ)
NEXT STORY 
