ਪਟਿਆਲਾ (ਬਲਜਿੰਦਰ)-ਪਟਿਆਲਾ ਪੁਲਸ ਨੇ 4 ਦਿਨ ਪਹਿਲਾਂ ਹੋਏ ਸ਼੍ਰੋਮਣੀ ਅਕਾਲੀ ਦਲ ਦੇ ਇਸਤਰੀ ਵਿੰਗ ਦੀ ਜ਼ਿਲਾ ਪ੍ਰਧਾਨ ਜਸਪਾਲ ਕੌਰ ਧਾਰਨੀ ਅਤੇ ਉਸ ਦੇ ਪੁੱਤਰ ਅਜੀਤ ਸਿੰਘ ਗੋਨੀ ਦੇ ਕਤਲ ਦੇ ਮਾਮਲੇ 'ਚ ਵੱਡਾ ਖੁਲਾਸਾ ਕੀਤਾ ਹੈ। ਪੁਲਸ ਅਨੁਸਾਰ ਇਹ ਕਤਲ ਕਿਸੇ ਹੋਰ ਨੇ ਨਹੀਂ ਸਗੋਂ ਜਸਪਾਲ ਕੌਰ ਧਾਰਨੀ ਦੇ ਡਰਾਈਵਰ ਬਖਤੌਰ ਸਿੰਘ ਭੂਰਾ ਨੇ ਕੀਤਾ ਹੈ, ਜਿਸ ਨੂੰ ਪੁਲਸ ਨੇ ਗ੍ਰਿਫਤਾਰ ਕਰਕੇ ਉਸ ਤੋਂ ਧਾਰਨੀ ਦੀ ਇਨੋਵਾ ਗੱਡੀ, ਮੋਬਾਈਲ, ਅਜੀਤ ਸਿੰਘ ਦਾ ਮੋਬਾਈਲ ਅਤੇ ਸ਼੍ਰੀਮਤੀ ਧਾਰਨੀ ਨੂੰ ਮਾਰਨ ਲਈ ਵਰਤੀ ਗਈ ਗਰਮ ਪੱਟੀ ਅਤੇ ਅਜੀਤ ਸਿੰਘ ਨੂੰ ਮਾਰਨ ਲਈ ਵਰਤੀ ਗਈ ਥਾਪੀ ਬਰਾਮਦ ਕਰ ਲਈ ਹੈ।
ਐੱਸ. ਐੱਸ. ਪੀ. ਗੁਰਮੀਤ ਸਿੰਘ ਚੌਹਾਨ ਨੇ ਦੱਸਿਆ ਕਿ 21 ਅਪ੍ਰੈਲ ਨੂੰ ਜਸਬੀਰ ਸਿੰਘ ਆਪਣੀ ਪਤਨੀ ਅਤੇ ਆਪਣੇ ਸਾਂਢੂ ਕਰਮਜੀਤ ਸਿੰਘ ਤੇ ਸਾਲੀ ਸੁਖਦੇਵ ਕੌਰ ਨਾਲ ਜਸਪਾਲ ਕੌਰ ਧਾਰਨੀ ਦੇ ਬਿਸ਼ਨ ਨਗਰ ਸਥਿਤ ਘਰ ਵਿਖੇ ਪਹੁੰਚੇ ਤੇ ਉਥੇ ਘਰ ਨੂੰ ਤਾਲਾ ਲੱਗਾ ਹੋਇਆ ਸੀ। ਉਨ੍ਹਾਂ ਥਾਣਾ ਅਰਬਨ ਅਸਟੇਟ ਦੀ ਪੁਲਸ ਨੂੰ ਇਤਲਾਹ ਕੀਤੀ। ਪੁਲਸ ਨੇ ਮੌਕੇ 'ਤੇ ਆ ਕੇ ਜਦੋਂ ਤਾਲਾ ਤੋੜ ਕੇ ਚੈੱਕ ਕੀਤਾ ਤਾਂ ਘਰ ਦੇ ਬੈੱਡਰੂਮ ਦੇ ਫਰਸ਼ 'ਤੇ ਅਜੀਤ ਸਿੰਘ ਦੀ ਗਲੀ-ਸੜੀ ਲਾਸ਼ ਮਿਲੀ ਤੇ ਜਸਪਾਲ ਕੌਰ ਧਾਰਨੀ ਦੇ ਲਾਪਤਾ ਹੋਣ ਬਾਰੇ ਪਤਾ ਲੱਗਾ। ਜਸਪਾਲ ਕੌਰ ਧਾਰਨੀ ਦੀ ਲਾਸ਼ ਖਨੌਰੀ ਨਹਿਰ ਤੋਂ ਮਿਲੀ ਸੀ। ਪੁਲਸ ਨੇ ਦੱਸਿਆ ਕਿ ਕਤਲ ਕਿਸੇ ਹੋਰ ਨੇ ਨਹੀਂ ਸਗੋਂ ਜਸਪਾਲ ਕੌਰ ਧਾਰਨੀ ਨਾਲ ਪਾਰਟ ਟਾਈਮ ਚੱਲ ਰਹੇ ਡਰਾਈਵਰ ਬਖਤੌਰ ਸਿੰਘ ਉਰਫ ਭਰਪੂਰ ਸਿੰਘ ਭੂਰਾ ਵਾਸੀ ਬੰਦ ਕਾਲੋਨੀ ਨੇੜੇ ਪਾਣੀ ਵਾਲੀ ਟੈਂਕੀ ਸਿਉਣਾ ਪਟਿਆਲਾ ਨੇ ਕੀਤਾ ਹੈ। ਜਸਪਾਲ ਕੌਰ ਧਾਰਨੀ ਅਤੇ ਉਸ ਦੇ ਲੜਕੇ ਨਾਲ ਜੁੜੇ ਹਰ ਪਹਿਲੂ ਦੀ ਡੂੰਘਾਈ ਨਾਲ ਤਫਤੀਸ਼ ਅਮਲ ਵਿਚ ਲਿਆਂਦੀ ਗਈ।
ਜਦੋਂ ਪੁਲਸ ਨੂੰ ਸਾਰੇ ਪਹਿਲੂਆਂ ਤੋਂ ਸਪੱਸ਼ਟ ਹੋ ਗਿਆ ਤਾਂ ਸ਼ੁਕਰਵਾਰ ਨੂੰ ਬਖਤੌਰ ਸਿੰਘ ਭੂਰਾ ਨੂੰ ਗ੍ਰਿਫਤਾਰ ਕਰਕੇ ਉਸ ਦੀ ਨਿਸ਼ਾਨਦੇਹੀ 'ਤੇ ਜਸਪਾਲ ਕੌਰ ਧਾਰਨੀ ਦੀ ਇਨੋਵਾ ਗੱਡੀ, ਉਸ ਦਾ ਤੇ ਉਸ ਦੇ ਪੁੱਤਰ ਦਾ ਮੋਬਾਈਲ, ਧਾਰਨੀ ਨੂੰ ਮਾਰਨ ਲਈ ਵਰਤੀ ਗਈ ਗਰਮ ਪੱਟੀ ਅਤੇ ਅਜੀਤ ਸਿੰਘ ਨੂੰ ਮਾਰਨ ਲਈ ਵਰਤੀ ਗਈ ਥਾਪੀ ਬਰਾਮਦ ਕਰ ਲਈ ਹੈ। ਐੱਸ. ਐੱਸ. ਪੀ. ਨੇ ਦੱਸਿਆ ਕਿ ਇਸ ਕੇਸ ਦੀ ਜਾਂਚ ਅਜੇ ਜਾਰੀ ਹੈ। ਜੇਕਰ ਹੋਰ ਕਿਸੇ ਪਾਸੇ ਤੋਂ ਕੋਈ ਸਬੂਤ ਮਿਲਦਾ ਹੈ ਤਾਂ ਪੁਲਸ ਉਸ ਦੀ ਵੀ ਜਾਂਚ ਕਰੇਗੀ।
ਘਰੋਂ ਕਹਿ ਕੇ ਗਿਆ 10 ਮਿੰਟ 'ਚ ਆਇਆ ਪਰ ਵਾਪਸ ਆਈ ਜਵਾਨ ਪੁੱਤ ਦੀ ਲਾਸ਼
NEXT STORY 
