ਗਰਮੀਆਂ ਦੇ ਮੌਸਮ 'ਚ ਸਭ ਤੋਂ ਗੰਭੀਰ ਸਮੱਸਿਆ ਥਕਾਵਟ ਦੀ ਹੁੰਦੀ ਹੈ। ਖਾਸ ਕਰ ਔਰਤਾਂ ਤਾਂ ਘਰ ਅਤੇ ਦਫਤਰ ਦੇ ਕੰਮਕਾਜ ਕਾਰਨ ਛੇਤੀ ਹੀ ਥੱਕ ਜਾਂਦੀਆਂ ਹਨ। ਥਕਾਵਟ ਦੂਰ ਕਰਨ ਲਈ ਕੁਝ ਸੌਖਾਲੇ ਉਪਾਅ ਇਥੇ ਤੁਹਾਡੇ ਲਈ ਪੇਸ਼ ਹਨ :-
ਪੁਦੀਨੇ ਦਾ ਕਮਾਲ
ਕਈ ਅਧਿਐਨਾਂ ਤੋਂ ਇਹ ਸਿੱਧ ਹੋਇਆ ਹੈ ਕਿ ਥੱਕੇ ਵਿਅਕਤੀ ਵਿਚ ਚੌਕੰਨਾਪਨ ਜਾਂ ਤਾਜ਼ਗੀ ਵਧਾਉਣ ਲਈ ਪੁਦੀਨਾ ਸੁੰਘਣਾ ਇਕ ਅਸਰਦਾਰ ਉਪਾਅ ਹੈ। 2005 'ਚ ਹੋਏ ਇਕ ਅਧਿਐਨ 'ਚ ਇਹ ਦੇਖਿਆ ਗਿਆ ਹੈ ਕਿ ਇਕ ਹਨੇਰੇ ਕਮਰੇ 'ਚ ਮੌਜੂਦ ਵਾਲੰਟੀਅਰ, ਜਿਨ੍ਹਾਂ ਨੇ ਪੁਦੀਨਾ ਸੁੰਘਿਆ ਸੀ, ਉਨ੍ਹਾਂ ਦੀ ਨੀਂਦ ਗਾਇਬ ਹੋ ਗਈ ਸੀ। ਸੁੰਘਣ ਦੀ ਸਾਡੀ ਸ਼ਕਤੀ ਕਾਫੀ ਤਾਕਤਵਰ ਹੈ ਅਤੇ ਕੁਝ ਵਿਸ਼ੇਸ਼ ਸੁਗੰਧਾਂ ਸਾਡੀ ਆਲਫੈਕਟਰੀ ਸ਼ਕਤੀ ਨੂੰ ਉਤੇਜਿਤ ਕਰਦੀਆਂ ਹਨ। ਇਸ ਨਾਲ ਤੁਸੀਂ ਤੁਰੰਤ ਫੁਰਤੀ 'ਚ ਆ ਜਾਂਦੇ ਹੋ। ਹਾਲਾਂਕਿ ਪੁਦੀਨਾ ਸਭ ਤੋਂ ਸ਼ਕਤੀਸ਼ਾਲੀ ਹੈ, ਫਿਰ ਵੀ ਯੂਕੇਲਿਪਟਸ ਜਾਂ ਇਸੈਂਸ਼ੀਅਲ ਆਇਲ, ਤੁਲਸੀ ਅਤੇ ਰੋਜ਼ਮੈਰੀ ਦਾ ਅਸਰ ਵੀ ਇਸੇ ਤਰ੍ਹਾਂ ਦਾ ਹੁੰਦਾ ਹੈ।
ਸਟ੍ਰੈਚਿੰਗ
ਮਾਹਿਰਾਂ ਅਨੁਸਾਰ ਸਟ੍ਰੈਚਿੰਗ ਭਾਵ ਅੰਗਾਂ 'ਚ ਖਿਚਾਅ ਨਾਲ ਵੀ ਤੁਹਾਡੇ 'ਚ ਸੁਸਤੀ ਆ ਜਾਂਦੀ ਹੈ। ਜੇ ਤੁਸੀਂ ਸਾਰਾ ਦਿਨ ਡੈਸਕ 'ਤੇ ਬੈਠੇ ਰਹਿੰਦੇ ਹੋ ਤਾਂ ਤੁਹਾਡਾ ਸਰੀਰ ਢਿੱਲਾ ਪੈਣਾ ਸ਼ੁਰੂ ਹੋ ਜਾਂਦਾ ਹੈ। ਅੰਗਾਂ 'ਚ ਖਿਚਾਅ ਨਾਲ ਸਾਡੀਆਂ ਮਾਸਪੇਸ਼ੀਆਂ 'ਚ ਮੌਜੂਦ ਨਿਊੁਰੋਨਸ ਉਤੇਜਿਤ ਹੁੰਦੇ ਹਨ, ਜੋ ਸਾਡੇ ਦਿਮਾਗ ਨੂੰ ਜਗਾਉਣ ਦਾ ਸੰਦੇਸ਼ ਭਿਜਵਾਉਂਦੇ ਹਨ।
ਪ੍ਰੋਟੀਨ ਦੀ ਤਾਕਤ
ਇਸ ਗੱਲ ਨੂੰ ਯਕੀਨੀ ਬਣਾਓ ਕਿ ਤੁਸੀਂ ਪ੍ਰੋਟੀਨ ਦੀ ਭਰਪੂਰ ਮਾਤਰਾ ਲਓ। ਇਸ ਨਾਲ ਤੁਹਾਨੂੰ ਥਕਾਵਟ ਨਾਲ ਲੜਨ 'ਚ ਮਦਦ ਮਿਲਦੀ ਹੈ। ਪ੍ਰੋਟੀਨ ਕਾਰਬੋਹਾਈਡ੍ਰੇਟਸ ਦੇ ਜਜ਼ਬ ਹੋਣ ਦੀ ਗਤੀ ਨੂੰ ਹੌਲੀ ਕਰਦਾ ਹੈ, ਜਿਸ ਨਾਲ ਤੁਹਾਡੇ ਖੂਨ ਦੇ ਸੰਚਾਰ 'ਚ ਗਲੂਕੋਜ਼ ਹੌਲੀ-ਹੌਲੀ ਜਾਂਦਾ ਹੈ। ਪ੍ਰੋਟੀਨ ਭਰਪੂਰ ਫਲ ਜਿਵੇਂ ਐਵੋਕਾਡੋ ਮੂਡ ਅਤੇ ਊਰਜਾ ਵਧਾਉਣ ਵਾਲੇ ਹਾਰਮੋਨਸ ਦਾ ਨਿਰਮਾਣ ਕਰਦੇ ਹਨ।
ਪਾਲਕ ਦਾ ਜਾਦੂ
ਪਾਲਕ 'ਚ ਲੋੜੀਂਦਾ ਵਿਟਾਮਿਨ-ਬੀ ਅਤੇ ਪੋਟਾਸ਼ੀਅਮ ਮੌਜੂਦ ਹੁੰਦਾ ਹੈ, ਜੋ ਮੈਟਾਬੋਲਿਜ਼ਮ ਪ੍ਰਣਾਲੀ ਦੀ ਊਰਜਾ ਲਈ ਜਾਦੂ ਦਾ ਕੰਮ ਕਰਦੈ। ਹਨ। ਇਸ ਲਈ ਜੇਕਰ ਤੁਸੀਂ ਊਰਜਾ ਭਰਪੂਰ ਅਤੇ ਫ੍ਰੈਸ਼ ਮਹਿਸੂਸ ਕਰਨਾ ਚਾਹੁੰਦੇ ਹੋ ਤਾਂ ਆਪਣੇ ਖਾਣੇ 'ਚ ਰੁਟੀਨ 'ਚ ਪਾਲਕ ਦੀ ਲੋੜੀਂਦੀ ਮਾਤਰਾ ਸ਼ਾਮਲ ਕਰੋ। ਇਸ ਨਾਲ ਤੁਸੀਂ ਹਮੇਸ਼ਾ ਤਰੋ-ਤਾਜ਼ਾ ਮਹਿਸੂਸ ਕਰੋਗੇ ਅਤੇ ਥਕਾਵਟ ਤੁਹਾਡੇ ਤੋਂ ਕੋਹਾਂ ਦੂਰ ਰਹੇਗੀ।
ਇਨ੍ਹਾਂ ਘਰੇਲੂ ਨੁਸਖਿਆਂ ਨਾਲ ਬੁਖਾਰ ਪਲਾਂ 'ਚ ਹੋ ਜਾਏਗਾ ਫੁਰਰ..
NEXT STORY 
