ਨੈਸ਼ਨਲ ਡੈਸਕ : ਮਹਾਰਾਸ਼ਟਰ 'ਚ ਮੁੰਬਈ ਦੇ ਨਾਲ ਲੱਗਦੇ ਠਾਣੇ 'ਚ ਇਕ ਹੈਰਾਨੀਜਨਕ ਘਟਨਾ ਸਾਹਮਣੇ ਆਈ ਹੈ। ਇੱਕ 14 ਸਾਲ ਦਾ ਬੱਚਾ ਚਾਰ ਦਿਨਾਂ ਤੋਂ ਆਪਣੀ ਮਾਂ ਦੀ ਮ੍ਰਿਤਕ ਦੇਹ ਨਾਲ ਫਲੈਟ ਵਿੱਚ ਇਕੱਲਾ ਰਹਿ ਰਿਹਾ ਸੀ ਤੇ ਕਿਸੇ ਨੂੰ ਪਤਾ ਵੀ ਨਹੀਂ ਸੀ। ਇਸ ਦਾ ਪਤਾ ਆਸ-ਪਾਸ ਦੇ ਲੋਕਾਂ ਨੂੰ ਉਦੋਂ ਲੱਗਾ ਜਦੋਂ ਲਾਸ਼ ਦੇ ਸੜਨ ਕਾਰਨ ਫਲੈਟ 'ਚੋਂ ਬਦਬੂ ਆਉਣ ਲੱਗੀ।
ਰਿਪੋਰਟ ਮੁਤਾਬਕ ਪੁਲਸ ਨੇ ਦੱਸਿਆ ਕਿ ਠਾਣੇ 'ਚ 14 ਸਾਲ ਦੇ ਇਕ ਲੜਕੇ ਨੇ ਆਪਣੀ ਮਾਂ ਦੀ ਲਾਸ਼ ਨਾਲ ਚਾਰ ਦਿਨ ਬਿਤਾਏ। ਰਿਪੋਰਟ ਮੁਤਾਬਕ ਕਲਿਆਣ ਇਲਾਕੇ 'ਚ ਇਕ ਰਿਹਾਇਸ਼ੀ ਕੰਪਲੈਕਸ 'ਚ ਇਕ 44 ਸਾਲਾ ਔਰਤ ਦੀ ਉਸ ਦੇ ਫਲੈਟ 'ਚ ਮੌਤ ਹੋ ਗਈ ਪਰ ਉਸ ਸਮੇਂ ਕਿਸੇ ਨੂੰ ਇਸ ਬਾਰੇ ਪਤਾ ਨਹੀਂ ਲੱਗਾ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਗੁਆਂਢੀਆਂ ਨੇ ਇਮਾਰਤ 'ਚ ਬਦਬੂ ਆਉਣ ਦੀ ਸ਼ਿਕਾਇਤ ਕੀਤੀ।
ਇਸ ਸ਼ਿਕਾਇਤ ਤੋਂ ਬਾਅਦ ਜਦੋਂ ਚੌਕੀਦਾਰ ਅਤੇ ਗੁਆਂਢੀ ਬੁੱਧਵਾਰ ਨੂੰ ਫਲੈਟ ਵਿੱਚ ਬਦਬੂ ਆਉਣ ਬਾਰੇ ਪੁੱਛਣ ਗਏ ਤਾਂ ਲੜਕੇ ਨੇ ਦਰਵਾਜ਼ਾ ਖੋਲ੍ਹਿਆ। ਉਥੇ ਔਰਤ ਦੀ ਹਾਲਤ ਅਤੇ ਲਾਸ਼ ਦੇਖ ਕੇ ਲੋਕ ਹੈਰਾਨ ਰਹਿ ਗਏ ਅਤੇ ਉਨ੍ਹਾਂ ਨੇ ਤੁਰੰਤ ਪੁਲਸ ਨੂੰ ਸੂਚਨਾ ਦਿੱਤੀ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਫਲੈਟ 'ਚ ਲੜਕੇ ਦੀ ਮਾਂ ਦੀ ਬੁਰੀ ਹਾਲਤ ਵਿਚ ਲਾਸ਼ ਦੇਖੀ। 14 ਸਾਲਾ ਨਾਬਾਲਗ ਲੜਕੇ ਦੀ ਪਛਾਣ ਆਲਵਿਨ ਡੈਨੀਅਲ ਵਜੋਂ ਹੋਈ ਹੈ, ਜਦੋਂ ਕਿ ਉਸ ਦੀ ਮਾਂ, ਜਿਸ ਦੀ ਲਾਸ਼ ਫਲੈਟ ਵਿੱਚੋਂ ਮਿਲੀ ਸੀ, ਦੀ ਪਛਾਣ ਸਿਲਵੀਆ ਡੇਨੀਅਲ (ਉਮਰ- 44) ਵਜੋਂ ਹੋਈ ਹੈ।
ਮ੍ਰਿਤਕ ਔਰਤ ਦੇ ਪੁੱਤਰ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਦੀ ਮਾਂ ਦੀ ਮੌਤ ਕਿਸੇ ਬੀਮਾਰੀ ਕਾਰਨ ਹੋਈ ਹੈ ਅਤੇ ਉਸ ਨੂੰ ਇਸ 'ਚ ਕਿਸੇ ਤਰ੍ਹਾਂ ਦੀ ਗਲਤੀ ਦਾ ਸ਼ੱਕ ਨਹੀਂ ਹੈ। ਬੇਟੇ ਦੇ ਬਿਆਨ ਤੋਂ ਬਾਅਦ ਖੜਕਪਾੜਾ ਪੁਲਸ ਨੇ ਮਹਿਲਾ ਦੀ ਅਚਾਨਕ ਮੌਤ ਦੀ ਰਿਪੋਰਟ ਦਰਜ ਕਰ ਲਈ ਹੈ, ਜਿਸ 'ਚ ਲੜਕੇ ਦੇ ਪਿਤਾ ਦਾ ਕੋਈ ਜ਼ਿਕਰ ਨਹੀਂ ਹੈ।
5 ਲੱਖ ਰੁਪਏ ਦੀ ਰਿਸ਼ਵਤ ਲੈਣ ਦੇ ਦੋਸ਼ 'ਚ NBCC ਦਾ DGM ਗ੍ਰਿਫ਼ਤਾਰ
NEXT STORY 
