ਚੰਦੌਲੀ- ਉੱਤਰ ਪ੍ਰਦੇਸ਼ ਦੇ ਚੰਦੌਲੀ ਜ਼ਿਲ੍ਹੇ 'ਚ 24 ਘੰਟਿਆਂ ਅੰਦਰ ਤਿੰਨ ਲੋਕਾਂ ਦਾ ਗੋਲੀ ਮਾਰ ਕੇ ਕਤਲ ਕਰਨ ਵਾਲੇ ਇਕ ਸਿਰਫਿਰੇ ਨੂੰ ਪੁਲਸ ਨੇ ਮੁਕਾਬਲੇ 'ਚ ਮਾਰ ਸੁੱਟਿਆ। ਦੋਸ਼ੀ ਦੀ ਪਛਾਣ ਪੰਜਾਬ ਦੇ ਅੰਮ੍ਰਿਤਸਰ ਵਾਸੀ ਗੁਰਪ੍ਰੀਤ ਸਿੰਘ ਵਜੋਂ ਹੋਈ ਹੈ, ਜੋ ਸਾਲ 2021 'ਚ ਫ਼ੌਜ ਤੋਂ ਬਰਖ਼ਾਸਤ ਕਰ ਦਿੱਤਾ ਗਿਆ ਸੀ। ਪੁਲਸ ਸੂਤਰਾਂ ਨੇ ਮੰਗਲਵਾਰ ਨੂੰ ਦੱਸਿਆ ਕਿ 10 ਮਈ ਨੂੰ ਡੀਡੀਯੂ-ਤਾੜੀਘਾਟ ਯਾਤਰੀ ਰੇਲ ਗੱਡੀ 'ਚ ਗਾਜ਼ੀਪੁਰ ਜ਼ਿਲ੍ਹੇ ਦੇ ਜਮਾਨੀਆ ਵਾਸੀ ਮੰਗਰੂ ਦਾ ਸਿਰ 'ਚ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ 11 ਮਈ ਦੀ ਰਾਤ ਕਰੀਬ 2 ਵਜੇ ਜੰਮੂਤਵੀ ਐਕਸਪ੍ਰੈੱਸ 'ਚ ਯਾਤਰਾ ਕਰ ਰਹੇ ਇਕ ਹੋਰ ਯਾਤਰੀ ਦਾ ਵੀ ਸਿਰ 'ਚ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ।
ਇਸ ਕ੍ਰਮ 'ਚ ਸੋਮਵਾਰ ਸਵੇਰੇ ਥਾਣਾ ਅਲੀਨਗਰ ਖੇਤਰ ਸਥਿਤ ਜੀਵਕ ਹਸਪਤਾਲ 'ਚ ਦਾਖ਼ਲ ਲਛਮੀਨਾ ਨਾਮੀ ਔਰਤ ਨੂੰ ਵੀ ਦੋਸ਼ੀ ਨੇ ਸਿਰ 'ਚ ਗੋਲੀ ਮਾਰ ਦਿੱਤੀ, ਜਿਸ ਨਾਲ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਹਸਪਤਾਲ 'ਚ ਲੱਗੇ ਸੀਸੀਟੀਵੀ ਕੈਮਰਿਆਂ 'ਚ ਦੋਸ਼ੀ ਬਿਨਾਂ ਕਿਸੇ ਉਕਸਾਵੇ ਨੇ ਔਰਤ ਨੂੰ ਗੋਲੀ ਮਾਰਦੇ ਹੋਏ ਦਿਖਾਈ ਦਿੱਤਾ। ਘਟਨਾ ਤੋਂ ਬਾਅਦ ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਹਿੰਮਤ ਦਿਖਾਉਂਦੇ ਹੋਏ ਦੋਸ਼ੀ ਨੂੰ ਫੜ ਲਿਆ ਅਤੇ ਪੁਲਸ ਦੇ ਹਵਾਲੇ ਕਰ ਦਿੱਤਾ। ਪੁੱਛ-ਗਿੱਛ 'ਚ ਦੋਸ਼ੀ ਨੇ ਆਪਣਾ ਨਾਂ ਗੁਰਪ੍ਰੀਤ ਸਿੰਘ ਵਾਸੀ ਅੰਮ੍ਰਿਤਸਵਰ, ਪੰਜਾਬ ਦੱਸਿਆ। ਪੁਲਸ ਅਨੁਸਾਰ ਉਹ ਸਾਲ 2021 'ਚ ਫ਼ੌਜ ਤੋਂ ਸਿਪਾਹੀ ਅਹੁਦੇ ਤੋਂ ਹਟਾਇਆ ਗਿਆ ਸੀ। ਬਾਅਦ 'ਚ ਉਹ ਬਿਹਾਰ ਦੇ ਆਰਾ ਜ਼ਿਲ੍ਹੇ ਦੇ ਸਕਿਓਰਿਟੀ ਗਾਰਡ ਦੀ ਨੌਕਰੀ ਕਰਨ ਪਹੁੰਚਿਆ ਸੀ ਪਰ ਸ਼ਰਾਬ ਦੀ ਆਦਤ ਕਾਰਨ ਕੁਝ ਹੀ ਦਿਨਾਂ 'ਚ ਨੌਕਰੀ ਤੋਂ ਕੱਢ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਹ ਮਾਨਸਿਕ ਰੂਪ 'ਤੇ ਪਰੇਸ਼ਾਨ ਅਤੇ ਨਾਰਾਜ਼ ਰਹਿਣ ਲੱਗਾ।
ਪੁਲਸ ਅਨੁਸਾਰ ਦੋਸ਼ੀ ਨੇ 9 ਮਈ ਤੋਂ ਵੱਖ-ਵੱਖ ਟਰੇਨਾਂ 'ਚ ਯਾਤਰਾ ਕਰਦੇ ਹੋਏ ਪ੍ਰਯਾਗਰਾਜ ਅਤੇ ਚੰਦੌਲੀ ਖੇਤਰ 'ਚ ਘੁੰਮਣਾ ਸ਼ੁਰੂ ਕੀਤਾ ਅਤੇ ਪੂਰੀ ਤਰ੍ਹਾਂ ਨਾਲ ਰੈਂਡਮ ਤਰੀਕੇ ਨਾਲ ਨਿਰਦੋਸ਼ ਲੋਕਾਂ ਨੂੰ ਨਿਸ਼ਾਨਾ ਬਣਾ ਕੇ ਕਤਲ ਕੀਤਾ। ਇਲੈਕਟ੍ਰਾਨਿਕ ਸਬੂਤਾਂ ਅਤੇ ਲੋਕੇਸ਼ਨ ਹਿਸਟ੍ਰੀ ਦੇ ਆਧਾਰ 'ਤੇ ਤਿੰਨ ਘਟਨਾਵਾਂ 'ਚ ਉਸ ਦੀ ਸ਼ਮੂਲੀਅਤ ਦੀ ਪੁਸ਼ਟੀ ਹੋਈ ਹੈ। ਪੁਲਸ ਨੇ ਦੋਸ਼ੀ ਨੂੰ ਹਾਦਸੇ ਵਾਲੀ ਥਾਵਾਂ ਦੇ ਪੁਨਰ ਨਿਰਮਾਣ ਲਈ ਮੁਗਲਸਰਾਏ ਰੇਲਵੇ ਸਟੇਸ਼ਨ ਅਤੇ ਬਾਅਦ 'ਚ ਸਕਲਡੀਹਾ ਖੇਤਰ 'ਚ ਉਸ ਸਥਾਨ ਲੈ ਕੇ ਗਈ, ਜਿੱਥੇ ਪਹਿਲੇ ਕਤਲ ਮਗਰੋਂ ਉਹ ਫਰਾਰ ਹੋਇਆ ਸੀ। ਇਸੇ ਦੌਰਾਨ ਦੋਸ਼ੀ ਨੇ ਇਕ ਪੁਲਸ ਮੁਲਾਜ਼ਮ ਦੀ ਪਿਸਤੌਲ ਖੋਹ ਲਈ ਅਤੇ ਪੁਲਸ ਟੀਮ 'ਤੇ ਫਾਇਰਿੰਗ ਕਰਦੇ ਹੋਏ ਦੌੜਣ ਲੱਗਾ।
ਇਸ ਤੋਂ ਬਾਅਦ ਥਾਣਾ ਅਲੀਨਗਰ, ਸਕਲਡੀਹਾ ਪੁਲਸ, ਐੱਸਓਜੀ ਅਤੇ ਜੀਆਰਪੀ ਦੀ ਸੰਯੁਕਤ ਟੀਮ ਨੇ ਸਾਂਝੀ ਮੁਹਿੰਮ ਚਲਾਈ। ਪੁਲਸ ਅਨੁਸਾਰ ਮੁਹਿੰਮ ਦੌਰਾਨ ਦੋਸ਼ੀ ਨੇ ਮੁੜ ਫਾਇਰਿੰਗ ਕੀਤੀ, ਜਿਸ ਦੇ ਜਵਾਬ 'ਚ ਆਤਮ ਰੱਖਿਆ ਲਈ ਕੀਤੀ ਗਈ ਪੁਲਸ ਕਾਰਵਾਈ 'ਚ ਉਸ ਦੀ ਛਾਤੀ 'ਚ ਗੋਲੀ ਲੱਗੀ। ਜ਼ਖ਼ਮੀ ਹਾਲਤ 'ਚ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮੁਕਾਬਲੇ ਦੌਰਾਨ 2 ਪੁਲਸ ਮੁਲਾਜ਼ਮ ਵੀ ਜ਼ਖ਼ਮੀ ਹੋਏ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਭੇਜਿਆ ਗਿਾ ਹੈ। ਪੁਲਸ ਨੇ ਦੋਸ਼ਈ ਦੇ ਕਬਜ਼ੇ 'ਚੋਂ ਇਕ ਰਿਵਾਲਵਰ, ਜ਼ਿੰਦਾ ਕਾਰਤੂਸ, ਤਿੰਨ ਖੋਖਾ ਕਾਰਤੂਸ ਅਤੇ ਬੈਰਲ ਕੱਟ ਕੇ ਛੋਟੀ ਕੀਤੀ ਗਈ ਡਬਲ ਬੈਰਲ ਗਨ (ਡੀਬੀਬੀਐੱਲ) ਬਰਾਮਦ ਕੀਤੀ ਹੈ। ਪੁਲਸ ਅਨੁਸਾਰ ਡੀਬੀਬੀਐੱਲ ਦਾ ਲਾਇਸੈਂਸ ਵੀ ਮਿਲਿਆ ਹੈ ਅਤੇ ਰਿਵਾਲਵਰ ਵੀ ਪਹਿਲੀ ਨਜ਼ਰ ਲਾਇਸੈਂਸੀ ਪ੍ਰਤੀਤ ਹੋ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਨੌਜਵਾਨ ਨੂੰ UK ਭੇਜਣ ਦਾ ਝਾਂਸਾ ਦੇ ਕੇ 21 ਲੱਖ 52 ਹਜ਼ਾਰ ਠੱਗੇ
NEXT STORY 
