ਜਲੰਧਰ/ਕੈਨੇਡਾ (ਵਰੁਣ, ਜ.ਬ.)- ਕੈਨੇਡਾ ਦੇ ਓਨਟਾਰੀਓ ਦੀ ਪੀਲ ਰੀਜਨਲ ਪੁਲਸ ਵੱਲੋਂ 3 ਪੰਜਾਬੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਉਨ੍ਹਾਂ ਤੋਂ 200 ਕਰੋੜ ਰੁਪਏ ਤੋਂ ਵੱਧ ਦੀ ਡਰੱਗਜ਼ ਬਰਾਮਦ ਕਰਨ ਦੇ ਮਾਮਲੇ ਚ ਜਲੰਧਰ ਦੇ ਪਿੰਡ ਗਾਖਲ ਦਾ ਗੁਰਦੀਪ ਸਿੰਘ ਉਰਫ਼ ਦੀਪਾ ਗਾਖਲ ਮੁੱਖ ਸਰਗਨਾ ਨਿਕਲਿਆ ਹੈ। ਫਿਲਹਾਲ ਦੀਪਾ ਦੇ ਭਰਾ ਮੇਜਰ ਸਿੰਘ ਦੀ ਭੂਮਿਕਾ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਦੀਪਾ ਗਾਖਲ ਦੇ ਮੋਬਾਇਲ ਦੀ ਵ੍ਹਟਸਐਪ ਤੋਂ ਕੈਨੇਡੀਅਨ ਪੁਲਸ ਨੂੰ ਪਿੰਡ ਗਾਖਲ ਦੇ ਵਸਨੀਕ ਅਮਰੀਕ ਗਾਖਲ ਜੋਕਿ ਅਮਰੀਕਾ ਦਾ ਨਾਗਰਿਕ ਸੀ, ਦੇ ਵੀ ਸ਼ੱਕੀ ਆਡੀਓ ਸੰਦੇਸ਼ ਮਿਲੇ ਸਨ, ਜਿਸ ਨੂੰ ਕੈਨੇਡਾ ਪੁਲਸ ਦੇ ਕਹਿਣ ’ਤੇ ਅਮਰੀਕੀ ਪੁਲਸ ਨੇ ਹਵਾਈ ਅੱਡੇ ਤੋਂ ਗ੍ਰਿਫ਼ਤਾਰ ਕਰ ਲਿਆ। ਭਾਵੇਂ ਅਮਰੀਕ ਸਿੰਘ ਗਾਖਲ ਕੋਲੋਂ ਕੋਈ ਨਸ਼ੇ ਵਾਲਾ ਪਦਾਰਥ ਬਰਾਮਦ ਨਹੀਂ ਹੋਇਆ ਪਰ ਕੈਨੇਡੀਅਨ ਪੁਲਸ ਦੀ ਜਾਂਚ ’ਚ ਪਤਾ ਲੱਗਾ ਹੈ ਕਿ ਅਮਰੀਕ ਸਿੰਘ ਦੀਪਾ ਗਾਖਲ ਲਈ ਕੋਰੀਅਰ ਦਾ ਕੰਮ ਕਰਦਾ ਸੀ, ਜਿਸ ਕਾਰਨ ਉਸ ਨੂੰ ਜ਼ਮਾਨਤ ਵੀ ਮਿਲ ਗਈ ਸੀ।
ਇਸ ਤਰ੍ਹਾਂ ਸ਼ੁਰੂ ਹੋਈ ਡਰੱਗ ਸਮੱਗਲਿੰਗ ਦੀ
ਦੀਪਾ ਗਾਖਲ ਦੇ ਪਿਤਾ ਸਵ. ਅਵਤਾਰ ਸਿੰਘ ਵਾਸੀ ਗਾਖਲ ਪਿੰਡ ਕਾਫ਼ੀ ਸਮੇਂ ਤੋਂ ਦੁਬਈ ਵਿਖੇ ਰਹੇ, ਜਿਸ ਕਾਰਨ ਘਰ ਦਾ ਖ਼ਰਚਾ ਚੱਲ ਰਿਹਾ ਸੀ ਪਰ ਕਰੀਬ 16 ਸਾਲ ਪਹਿਲਾਂ ਦੀਪੇ ਦਾ ਵੱਡਾ ਭਰਾ ਮੇਜਰ ਸਿੰਘ ਕੈਨੇਡਾ ਚਲਾ ਗਿਆ। ਉਸ ਨੇ ਉਥੋਂ ਦੀ ਇਕ ਪੰਜਾਬੀ ਕੁੜੀ ਨਾਲ ਵਿਆਹ ਕਰਵਾ ਲਿਆ ਅਤੇ ਸਿੰਗਿੰਗ ਈਵੈਂਟ ਕਰਵਾ ਕੇ ਕਮਾਈ ਕਰਨੀ ਸ਼ੁਰੂ ਕਰ ਦਿੱਤੀ। ਉਸ ਤੋਂ ਬਾਅਦ ਮੇਜਰ ਸਿੰਘ ਉੱਥੇ ਸੈੱਟ ਹੋ ਗਿਆ ਤਾਂ ਉਸ ਨੇ ਆਪਣੇ ਭਰਾ ਦੀਪੇ ਨੂੰ ਵੀ ਬੁਲਾ ਲਿਆ। ਦੀਪਾ ਅਤੇ ਮੇਜਰ ਸਿੰਘ ਨੇ ਇਕੱਠੇ ਗਾਇਕੀ ਦੇ ਸ਼ੋਅ ਕਰਕੇ ਮੋਟੀ ਕਮਾਈ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਇਸ ਦੌਰਾਨ ਗੁਰਦੀਪ ਸਿੰਘ ਦੀਪਾ ਦੀ ਮੁਲਾਕਾਤ ਨਸ਼ਾ ਸਮੱਗਲਰਾਂ ਨਾਲ ਹੋ ਗਈ। ਉਨ੍ਹਾਂ ਦੇ ਰਹਿਣ-ਸਹਿਣ ਵੇਖ ਕੇ ਦੀਪਾ ਕਾਫ਼ੀ ਪ੍ਰਭਾਵਿਤ ਹੋਇਆ ਅਤੇ ਹੌਲੀ-ਹੌਲੀ ਉਸ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਨਸ਼ਾ ਸਮੱਗਲਿੰਗ ਦਾ ਕੰਮ ਸ਼ੁਰੂ ਕਰ ਦਿੱਤਾ।
ਇਹ ਵੀ ਪੜ੍ਹੋ: ਜਲੰਧਰ: 6 ਮਹੀਨਿਆਂ ਦੀ ਬੱਚੀ ਦੇ ਕਤਲ ਮਾਮਲੇ 'ਚ ਨਵਾਂ ਖ਼ੁਲਾਸਾ, ਪਿਓ ਨੇ ਰੇਪ ਕਰ ਦਿੱਤੀ ਸੀ ਬੇਰਹਿਮ ਮੌਤ
ਪਿੰਡ ’ਚ ਕੀਤਾ ਦੀਪਾ ਨੇ ਪ੍ਰੇਮ ਵਿਆਹ
ਦੀਪਾ ਨੇ ਫਿਰ ਆਪਣੇ ਭਰਾ ਮੇਜਰ ਸਿੰਘ ਨਾਲ ਮਿਲ ਕੇ ਪਾਰਟਨਰਜ਼ ’ਚ ਫਰੈਂਡਜ਼ ਫਰਨੀਚਰ ਨਾਂ ਦੀ ਕੰਪਨੀ ਖੋਲ੍ਹੀ। ਇਸ ਦੀ ਆੜ ’ਚ ਉਸ ਨੇ ਅਮਰੀਕਾ-ਕੈਨੇਡਾ ਸਰਹੱਦ ਤੋਂ ਵੱਡੇ ਪੱਧਰ ’ਤੇ ਨਸ਼ਿਆਂ ਦੀ ਸਮੱਗਲਿੰਗ ਸ਼ੁਰੂ ਕਰ ਦਿੱਤੀ। ਕਰੀਬ 13 ਸਾਲ ਪਹਿਲਾਂ ਦੀਪਾ ਵਾਪਸ ਭਾਰਤ ਆਇਆ ਅਤੇ ਨੇੜਲੇ ਪਿੰਡ ਦੀ ਇਕ ਲੜਕੀ ਨਾਲ ਪ੍ਰੇਮ ਵਿਆਹ ਕਰਵਾ ਕੇ ਉਸ ਨੂੰ ਵੀ ਕੈਨੇਡਾ ਲੈ ਗਿਆ।
ਇਸ ਸਮੇਂ ਗੁਰਦੀਪ ਸਿੰਘ ਦੀਪਾ ਦੇ 2 ਬੱਚੇ ਹਨ, ਜਦਕਿ ਉਸ ਦੀ ਮਾਂ ਵੀ ਦੋਵਾਂ ਭਰਾਵਾਂ ਨਾਲ ਕੈਨੇਡਾ ਰਹਿੰਦੀ ਹੈ। ਕੁਝ ਸਮਾਂ ਪਹਿਲਾਂ ਮੇਜਰ ਸਿੰਘ ਨੇ ਆਪਣੀ ਪਾਰਟਨਰਸ਼ਿਪ ਖ਼ਤਮ ਕਰ ਲਈ ਅਤੇ ਗਾਖਲ ਦੇ ਰਹਿਣ ਵਾਲੇ ਵਿਅਕਤੀ ਨਾਲ ਕਰ ਲਈ। ਦੀਪਾ ਕਾਫ਼ੀ ਸਮੇਂ ਤੋਂ ਨਸ਼ਾ ਸਮੱਗਲਿੰਗ ਦਾ ਕੰਮ ਕਰ ਰਿਹਾ ਸੀ। ਪਿੰਡ ਗਾਖਲ ਦੇ ਦੀਪਾ ਦਾ ਹੀ ਜਾਣਕਾਰ ਅਮਰੀਕ ਸਿੰਘ ਅਮਰੀਕਾ ਦਾ ਨਾਗਰਿਕ ਹੈ, ਜਿਸ ਨੂੰ ਉਸ ਨੇ ਇਸ ਕਾਰੋਬਾਰ ’ਚ ਕੋਰੀਅਰ ਬੁਆਏ ਵਜੋਂ ਉਤਾਰਿਆ।
2018 ’ਚ ਗਾਖਲ ਵਿਚ ਕਰਵਾਇਆ ਸੀ ਕਬੱਡੀ ਮੈਚ
ਅਮਰੀਕਾ ਤੋਂ ਡਰੱਗਜ਼ ਖ਼ਰੀਦ ਕੇ ਉਹ ਕੈਨੇਡਾ ’ਚ ਸਪਲਾਈ ਕਰਨ ਲਈ ਅਮਰੀਕ ਸਿੰਘ ਦੀ ਮਦਦ ਲੈਂਦਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਦੀਪਾ ਲੰਬੇ ਸਮੇਂ ਤੋਂ ਇਸ ਕਾਰੋਬਾਰ ’ਚ ਹੈ। ਪਿੰਡ ਦੇ ਲੋਕਾਂ ਮੁਤਾਬਕ ਦੀਪਾ 15 ਸਾਲਾਂ ’ਚ ਸਿਰਫ਼ 2 ਵਾਰ ਭਾਰਤ ਆਇਆ ਸੀ। ਆਖਰੀ ਵਾਰ ਉਹ 1 ਅਪ੍ਰੈਲ 2018 ਨੂੰ ਭਾਰਤ ਆਇਆ ਸੀ, ਜਿੱਥੇ ਉਸ ਨੇ ਆਪਣੇ ਪਿੰਡ ਗਾਖਲ ’ਚ ਇਕ ਕਬੱਡੀ ਮੈਚ ਕਰਵਾਇਆ ਸੀ ਅਤੇ ਦੀਪਾ ਇਕ ਪ੍ਰਮੋਟਰ ਵਜੋਂ ਮੌਜੂਦ ਸੀ। ਦੀਪਾ ਗਾਖਲ ਦੇ ਪਰਿਵਾਰ ਦਾ ਪਿੰਡ ਦੇ ਲੋਕਾਂ ’ਚ ਬਹੁਤ ਚੰਗਾ ਅਕਸ ਹੈ। ਕਿਸੇ ਨੂੰ ਯਕੀਨ ਨਹੀਂ ਹੈ ਕਿ ਦੀਪਾ ਨਸ਼ੇ ਦਾ ਕਾਰੋਬਾਰ ਕਰ ਰਿਹਾ ਹੈ। ਹਾਲਾਂਕਿ ਕੈਨੇਡਾ ਪੁਲਸ ਮੇਜਰ ਸਿੰਘ ਦੀ ਭੂਮਿਕਾ ਦੀ ਵੀ ਜਾਂਚ ਕਰ ਰਹੀ ਹੈ।
ਪਿੰਡ ’ਚ ਬਣਾਈ ਹੈ 15 ਮਰਲੇ ਦੀ ਕੋਠੀ
‘ਜਗ ਬਾਣੀ’ ਟੀਮ ਨੇ ਪਿੰਡ ਗਾਖਲ ਪਿੰਡ ਜਾ ਕੇ ਲੋਕਾਂ ਨਾਲ ਗੱਲਬਾਤ ਕੀਤੀ। ਇਥੋਂ ਦੇ ਲੋਕਾਂ ਮੁਤਾਬਕ ਪਰਿਵਾਰ ਸ਼ੁਰੂ ਤੋਂ ਹੀ ਸਾਦਾ ਸੀ। ਦੀਪਾ ਦੇ ਪਿਤਾ ਇਕ ਕਬੱਡੀ ਖਿਡਾਰੀ ਸਨ ਅਤੇ ਜ਼ਿਆਦਾਤਰ ਦੁਬਈ ’ਚ ਰਹਿੰਦੇ ਸਨ। ਬਾਅਦ ’ਚ ਉਹ ਬਹੁਤ ਬੀਮਾਰ ਹੋ ਗਏ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ। ਪਿੰਡ ਗਾਖਲ ਦੇ ਲੋਕਾਂ ਅਨੁਸਾਰ ਪਹਿਲਾਂ ਉਨ੍ਹਾਂ ਦਾ ਪਿੰਡ ਕਬੱਡੀ ਦੇ ਖਿਡਾਰੀਆਂ ਕਰਕੇ ਜਾਣਿਆ ਜਾਂਦਾ ਸੀ ਪਰ ਪਹਿਲਾਂ ਰਾਜਾ ਕੰਦੌਲਾ ਡਰੱਗਜ਼ ਰੈਕੇਟ ’ਚ ਸੁੱਖਾ ਗਾਖਲ ਦਾ ਨਾਂ ਆਇਆ ਅਤੇ ਹੁਣ ਦੀਪਾ ਗਾਖਲ ਦਾ। ਇਹ ਬਹੁਤ ਹੀ ਗੰਭੀਰ ਮਾਮਲਾ ਹੈ ਕਿ ਪਿੰਡ ਦਾ ਨਾਂ ਹੁਣ ਨਸ਼ੇ ’ਚ ਅੱਗੇ ਆਉਣ ਲੱਗਾ ਹੈ। ਲੋਕਾਂ ਦਾ ਮੰਨਣਾ ਸੀ ਕਿ ਕੈਨੇਡਾ ਜਾਣ ਤੋਂ ਪਹਿਲਾਂ ਦੀਪਾ ਦਾ ਪਰਿਵਾਰ 5 ਮਰਲੇ ਜ਼ਮੀਨ ’ਤੇ ਬਣੇ ਮਕਾਨ ’ਚ ਰਹਿੰਦਾ ਸੀ। 7 ਸਾਲ ਪਹਿਲਾਂ ਉਸ ਨੇ ਇਹ ਮਕਾਨ ਵੇਚ ਦਿੱਤਾ ਸੀ ਅਤੇ ਕਰੀਬ 7 ਸਾਲ ਪਹਿਲਾਂ ਉਸ ਨੇ ਪਿੰਡ ’ਚ ਹੀ 15 ਮਰਲੇ ਜ਼ਮੀਨ ’ਤੇ ਕੋਠੀ ਬਣਾਈ ਸੀ। ਦੀਪਾ ਗਾਖਲ ਦੇ ਬਜ਼ੁਰਗ ਮਾਮਾ ਅਤੇ ਮਾਮਾ ਕੋਠੀ ’ਚ ਰਹਿੰਦੇ ਹਨ। ਦੀਪਾ ਗਾਖਲ ਦੀ ਕੋਠੀ ’ਚ ਸ਼ੁੱਕਰਵਾਰ ਸ਼ਾਮ ਤੱਕ ਲਾਈਟਾਂ ਬੰਦ ਸਨ ਅਤੇ ਕਿਸੇ ਤਰ੍ਹਾਂ ਦੀ ਕੋਈ ਆਵਾਜ਼ ਨਹੀਂ ਆ ਰਹੀ ਸੀ।
ਇਹ ਵੀ ਪੜ੍ਹੋ: ਗੋਰਾਇਆ 'ਚ ਗੁੰਡਾਗਰਦੀ ਦਾ ਨੰਗਾ ਨਾਚ, ਸ਼ਰਾਬ ਠੇਕੇ ਦੇ ਕਰਿੰਦਿਆਂ ਨੇ ਪੁਲਸ ਮੁਲਾਜ਼ਮਾਂ ਦਾ ਚਾੜ੍ਹਿਆ ਕੁਟਾਪਾ
ਪੰਜਾਬੀ ਨੌਜਵਾਨਾਂ ਨੂੰ ਵਿਦੇਸ਼ ਲਿਜਾਣ ਦਾ ਦਿੰਦਾ ਸੀ ਲਾਲਚ
ਦੀਪਾ ਗਾਖਲ ਅਤੇ ਉਸ ਦੇ ਵੱਡੇ ਭਰਾ ਮੇਜਰ ਸਿੰਘ ਦਾ ਨਾਂ ਪਿੰਡ ਦੇ ਕਿਸੇ ਵੀ ਝਗੜੇ ’ਚ ਸ਼ਾਮਲ ਨਹੀਂ ਸੀ। ਕਰੀਬ ਇਕ ਹਫ਼ਤਾ ਪਹਿਲਾਂ ਹੀ ਪਿੰਡ ਦੇ ਲੋਕਾਂ ਨੂੰ ਪਤਾ ਲੱਗਾ ਸੀ ਕਿ ਦੀਪਾ ਗਾਖਲ ਨਸ਼ਾ ਸਮੱਗਲਿੰਗ ਦੇ ਮਾਮਲੇ ’ਚ ਫੜਿਆ ਗਿਆ ਹੈ। ਪਿੰਡ ਦੇ 15 ਤੋਂ 20 ਨੌਜਵਾਨ ਕੈਨੇਡਾ ’ਚ ਹੋਣ ਕਾਰਨ ਲੋਕਾਂ ਨੂੰ ਤੁਰੰਤ ਇਹ ਸੂਚਨਾ ਮਿਲੀ।
ਦੱਸਿਆ ਜਾ ਰਿਹਾ ਹੈ ਕਿ ਦੀਪਾ ਆਪਣੇ ਕਾਰੋਬਾਰ ’ਚ ਜ਼ਿਆਦਾਤਰ ਪੰਜਾਬੀ ਨੌਜਵਾਨਾਂ ਨੂੰ ਸ਼ਾਮਲ ਕਰਨਾ ਹੀ ਹੁਸ਼ਿਆਰੀ ਸਮਝਦਾ ਸੀ, ਕਿਉਂਕਿ ਉਹ ਪੰਜਾਬੀ ਨੌਜਵਾਨਾਂ ਨੂੰ ਆਪਣੀ ਗੱਲਾਂ ’ਚ ਲੈ ਕੇ ਉਨ੍ਹਾਂ ਦੀ ਜ਼ਿੰਦਗੀ ਨੂੰ ਸੈਟਲ ਕਰਨ ਦੀ ਗੱਲ ਕਰਦਾ ਸੀ। ਦੀਪਾ ਨੇ ਕੈਨੇਡਾ ’ਚ ਵੀ ਕਾਫ਼ੀ ਪੈਸਾ ਕਮਾਇਆ ਹੈ। ਕੈਨੇਡਾ ਦੇ ਓਨਟਾਰੀਓ ਦੀ ਪੀਲ ਰੀਜਨਲ ਪੁਲਸ ਨਵੰਬਰ 2021 ਤੋਂ ਇਸ ਡਰੱਗ ਰੈਕੇਟ ’ਤੇ ਨਜ਼ਰ ਰੱਖ ਰਹੀ ਸੀ ਅਤੇ ਜਿਵੇਂ ਹੀ ਇਸ ਰੈਕੇਟ ਦੇ ਨੇੜੇ ਵੱਡੀ ਖੇਪ ਹੋਣ ਦੀ ਸੂਚਨਾ ਮਿਲੀ ਤਾਂ ਇਸ ਰੈਕੇਟ ਦਾ ਪਰਦਾਫਾਸ਼ ਹੋ ਗਿਆ।
ਪਹਿਲਾਂ ਵੀ ਡਰੱਗਜ਼ ਰੈਕੇਟ ’ਚ ਫੜੇ ਜਾ ਚੁੱਕੇ ਨੇ ਪੰਜਾਬੀ
ਜ਼ਿਕਰਯੋਗ ਹੈ ਕਿ ਕੈਨੇਡਾ ’ਚ ਪੰਜਾਬੀਆਂ ਦੇ ਜੁਰਮਾਂ ’ਚ ਸ਼ਾਮਲ ਹੋਣ ਦੀਆਂ ਘਟਨਾਵਾਂ ਵਧਦੀਆਂ ਜਾ ਰਹੀਆਂ ਹਨ। ਜੂਨ 2021 ’ਚ ਕੈਨੇਡਾ ਦੇ ਸਭ ਤੋਂ ਵੱਡੇ ਡਰੱਗ ਰੈਕੇਟ ’ਚ 9 ਪੰਜਾਬੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਟੋਰਾਂਟੋ ਪੁਲਸ ਨੇ 1000 ਕਿਲੋ ਗ੍ਰਾਮ ਤੋਂ ਵੱਧ ਡਰੱਗਜ਼ ਅਤੇ ਨਸ਼ੇ ਵਾਲੇ ਪਦਾਰਥਾਂ ਸਮੇਤ 20 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ’ਚ ਡਰੱਗਜ਼ ਅਤੇ ਨਸ਼ੇ ਵਾਲੇ ਪਦਾਰਥਾਂ ਦੀ ਕੀਮਤ 61 ਮਿਲੀਅਨ ਡਾਲਰ (3.68 ਅਰਬ ਰੁਪਏ) ਸੀ। ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ’ਚੋਂ 9 ਪੰਜਾਬੀ ਮੂਲ ਦੇ ਸਨ।
2021 ਦੇ ਡਰੱਗ ਰੈਕੇਟ ’ਚ ਸ਼ਾਮਲ ਪੰਜਾਬੀਆਂ ਦੇ ਨਾਂ
1. ਕੈਲੇਡਨ : ਔਰਤ ਹਰਵਿੰਦਰ ਭੁੱਲਰ (43)
2. ਬਰੈਂਪਟਨ : ਗੁਰਬਖਸ਼ ਸਿੰਘ (37)
3. ਕੈਲੇਡਨ : ਅਮਰਬੀਰ ਸਿੰਘ ਸਰਕਾਰੀਆ (25)
4. ਕੈਲੇਡਨ : ਹਰਬਲਜੀਤ ਸਿੰਘ ਤੂਰ (46)
5. ਕਿਚਨਰ : ਸਰਜੰਤ ਸਿੰਘ ਧਾਲੀਵਾਲ (37)
6. ਕਿਚਨਰ : ਗੁਰਵੀਰ ਧਾਲੀਵਾਲ (37)
7. ਕਿਚਨਰ : ਗੁਰਮਨਪ੍ਰੀਤ ਗਰੇਵਾਲ (26)
8. ਬਰੈਂਪਟਨ : ਸੁਖਵੰਤ ਬਰਾੜ (37)
9. ਬਰੈਂਪਟਨ : ਪਰਮਿੰਦਰ ਗਿੱਲ (33)
ਇਹ ਵੀ ਪੜ੍ਹੋ: ਜਲੰਧਰ: ਪ੍ਰਿੰਸੀਪਲ ਵੱਲੋਂ ਤੰਗ ਕਰਨ ’ਤੇ ਨਿੱਜੀ ਕਾਲਜ ਦੇ ਵਿਦਿਆਰਥੀ ਨੇ ਕੀਤੀ ਖ਼ੁਦਕੁਸ਼ੀ, ਪਰਿਵਾਰ ਨੇ ਕੀਤਾ ਹੰਗਾਮਾ
ਗਲਤ ਤਰੀਕੇ ਨਾਲ ਜਾਇਦਾਦ ਬਣਾਉਣ ਦਾ ਹੈ ਇਨ੍ਹਾਂ ’ਤੇ ਦੋਸ਼
1. ਗੁਰਦੀਪ ਬੈਂਸ (46)
2. ਹਰਤਿੰਦਰ ਰੰਧਾਵਾ (37)
3. ਤਰਨਜੀਤ ਵਿਰਕ (37)
4. ਹਰਮੀਤ ਖੱਖ (28)
5. ਗੁਰਦੀਪ ਸਿੰਘ (28)
6. ਹਰਜਿੰਦਰ ਸਿੰਘ (31)
7. ਗੁਰਕਮਲ ਮਹਿਮੀ (38)
8. ਗੁਰਵਿੰਦਰ ਕੰਗ (38)
9. ਗੁਰਪ੍ਰੀਤ ਸਿੰਘ (21)
10. ਸੁਹੇਲ ਕੁਮਾਰ (21)
11. ਪ੍ਰੀਤਮ (26)
12. ਰੁਪਿੰਦਰ ਸ਼ਰਮਾ (25)
13. ਵਰਿੰਦਰਪਾਲ ਕੂਨਰ (43)
14. ਹਰਮਨ ਸਿੰਘ (21)
15. ਕੁਲਦੀਪ ਸਾਂਧਰਾ (27)
16. ਟੋਰਾਂਟੋ ਤੋਂ ਜੋਗਾ ਸਿੰਘ (30)
140 ਤੋਂ ਵੱਧ ਅਪਰਾਧਾਂ ਲਈ ਪੰਜਾਬੀਆਂ ’ਤੇ ਮਾਮਲੇ ਦਰਜ
ਕੈਨੇਡਾ ਪੁਲਸ ਨੇ ਜੂਨ 2021 ’ਚ ਇਕ ਹਫ਼ਤੇ ਦੀ ਲੰਮੀ ਜਾਂਚ ਤੋਂ ਬਾਅਦ ਮੇਲ ਚੋਰੀ ਅਤੇ ਗਲਤ ਤਰੀਕੇ ਨਾਲ ਇਕੱਠੀ ਕੀਤੀ ਗਈ 5000 ਡਾਲਰ ਤੋਂ ਵੱਧ ਦੀ ਜਾਇਦਾਦ ਸਣੇ 140 ਤੋਂ ਵੱਧ ਅਪਰਾਧਾਂ ਲਈ 16 ਪੰਜਾਬੀ ਲੋਕਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਸੀ। ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਇਹ ਜਾਂਚ ਪੀਲ ਖੇਤਰੀ ਪੁਲਸ ਦੇ ਅਪਰਾਧਿਕ ਜਾਂਚ ਬਿਊਰੋ ਵੱਲੋਂ ਕੀਤੀ ਗਈ ਸੀ, ਜਿਸ ’ਚ ਜਾਅਲੀ ਦਸਤਾਵੇਜ਼, ਚੋਰੀ ਦੀ ਜਾਇਦਾਦ ਦੇ ਕਬਜ਼ੇ ਅਤੇ ਨਿਯੰਤਰਿਤ ਪਦਾਰਥਾਂ ਦੇ ਕਬਜ਼ੇ ਦੀ ਜਾਂਚ ਨੂੰ ਵੀ ਸ਼ਾਮਲ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਜਲੰਧਰ ਦੇ ਠੱਗ ਪਿਓ-ਪੁੱਤ ਦੀ ਜੋੜੀ ਦਾ ਕਾਰਨਾਮਾ ਜਾਣ ਹੋਵੋਗੇ ਹੈਰਾਨ, ਦਰਜ ਨੇੇ 25 ਮਾਮਲੇ
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
ਸੁਖ਼ਨਾ ਝੀਲ ਨੇੜਿਓਂ ਮਿਲੀ ਨਕੋਦਰ ਦੀ ਕੁੜੀ ਦੀ ਲਾਸ਼, ਲੁਧਿਆਣਾ ਜਾਣ ਲਈ ਨਿਕਲੀ ਸੀ ਘਰੋਂ
NEXT STORY 
