ਚੰਡੀਗਡ਼੍ਹ, (ਭੁੱਲਰ): ਚੋਣ ਕਮਿਸ਼ਨ ਦੇ ਪੰਜਾਬ ਨਾਲ ਸੰਬੰਧਿਤ ਉੱਚ ਅਧਿਕਾਰੀਆਂ ਵੱਲੋਂ ਇਲੈਕਟ੍ਰੋਨਿਕ ਵੋਟਿੰਗ ਮਸ਼ੀਨਾਂ (ਈ.ਵੀ.ਐੱਮ) ਦੀ ਸੁਰੱਖਿਆ ਲਈ ਸਖਤ ਨਿਗਰਾਨੀ ਰੱਖੀ ਜਾ ਰਹੀ ਹੈ। ਰਰਾਜ ਦੇ ਮੁੱਖ ਚੋਣ ਅਧਿਕਾਰੀ ਡਾ. ਐੱਸ. ਕਾਰੁਣਾ ਰਾਜੂ ਨੇ ਈ.ਵੀ.ਐੱਮ. ਦੀ ਸੁਰੱਖਿਆ ਬਾਰੇ ਪੁੱਛੇ ਜਾਣ ’ਤੇ ਕਿਹਾ ਕਿ ਜੇ ਬਿਨਾਂ ਜੀ.ਪੀ.ਐੱਸ. ਲੱਗੇ ਵਾਹਨ ’ਚ ਈ.ਵੀ.ਐੱਮ. ਨੂੰ ਇਧਰ-ਉਧਰ ਲਿਜਾਣ ਦਾ ਮਾਮਲਾ ਸਾਹਮਣੇ ਆਉਂਦਾ ਹੈ ਤਾਂ ਤੁਰੰਤ ਹੀ ਇਸ ਨਾਲ ਸੰਬੰਧਿਤ ਚੋਣ ਡਿਊਟੀ ’ਤੇ ਲੱਗੇ ਪੂਰੇ ਸਟਾਫ ਨੂੰ ਮੁਅੱਤਲ ਕਰਕਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਜਿਨ੍ਹਾਂ ਥਾਂਵਾਂ ’ਤੇ ਈ.ਵੀ.ਐੱਮ. ਰੱਖੀਆਂ ਗਈਆਂ ਹਨ ਅਤੇ ਆਉਣ ਵਾਲੇ ਦਿਨਾਂ ’ਚ ਪੋਲਿੰਗ ਸਟੇਸ਼ਨਾਂ ਤੇ ਗਿਣਤੀ ਕੇਂਦਰਾਂ ਆਦਿ ’ਤੇ ਇਧਰ-ਉਧਰ ਲਿਜਾਣ ਸਮੇਂ ਜੀ.ਪੀ.ਐੱਸ. ਸਿਸਟਮ ਰਾਹੀਂ ਪੂਰੀ ਨਜ਼ਰ ਰਹੇਗੀ।
ਕਈ ਰਾਜਾਂ ’ਚ ਈ.ਵੀ.ਐੱਮ. ਨੂੰ ਕੁਝ ਥਾਂਵਾਂ ’ਤੇ ਇਧਰ-ਉਧਰ ਪ੍ਰਾਈਵੇਟ ਲੋਕਾਂ ਵੱਲੋਂ ਲਿਜਾਣ ਦੀਆਂ ਵਾਇਰਲ ਹੋਈਆਂ ਵੀਡੀਓਜ਼ ਬਾਰੇ ਉਨ੍ਹਾਂ ਕਿਹਾ ਕਿ ਪੰਜਾਬ ’ਚ ਅਜਿਹੀ ਕੋਈ ਗੁੰਜਾਇਸ਼ ਨਹੀਂ। ਉਨ੍ਹਾਂ ਕਿਹਾ ਕਿ ਇਕ ਵੀ ਮਸ਼ੀਨ ਬਿਨਾਂ ਜੀ.ਪੀ.ਐੱਸ. ਸਿਸਟਮ ਦੇ ਇਧਰ-ਉਧਰ ਨਹੀਂ ਹੋਣ ਦਿੱਤੀ ਜਾਵੇਗੀ। ਮਹਿਲਾ ਸਟਾਫ ਨੂੰ ਇਸ ਵਾਰ ਸਖਤ ਹਦਾਇਤਾਂ ਹਨ ਕਿ ਵੋਟਾਂ ਦਾ ਕੰਮ ਖਤਮ ਹੋਣ ਤੋਂ ਬਾਅਦ ਆਪੋ ਆਪਣੀਆਂ ਮਸ਼ੀਨਾਂ ਖੁਦ ਗਿਣਤੀ ਕੇਂਦਰਾਂ ਤੱਕ ਪਹੁੰਚਾਉਣ ਭਾਵੇਂ ਇਸ ਲਈ ਦੇਰ ਰਾਤ ਦਾ ਸਮਾਂ ਵੀ ਕਿੳਂੁ ਨਾ ਹੋਵੇ। ਉਨ੍ਹਾਂ ਦੱਸਿਆ ਕਿ ਮਹਿਲਾ ਸਟਾਫ ਨੂੰ ਮਸ਼ੀਨਾਂ ਜਮ੍ਹਾਂ ਕਰਵਾਉਣ ਤੋਂ ਬਾਅਦ ਆਪੋ-ਆਪਣੇ ਘਰਾਂ ਤੱਕ ਪਹੁੰਚਾਉਣ ਲਈ ਕਮਿਸ਼ਨ ਨੇ ਵਿਸ਼ੇਸ਼ ਪ੍ਰਬੰਧ ਕੀਤੇ ਹਨ। ਪੋਲਿੰਗ ਸਟਾਫ ਲਈ ਰਾਜ ਦੇ ਮੁੱਖ ਚੋਣ ਦਫ਼ਤਰ ਵੱਲੋਂ 8 ਹਜ਼ਾਰ ਬਸਾਂ ਤੋਂ ਇਲਾਵਾ ਹੋਰ ਵਾਹਨਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਨਸ਼ੀਲੀ ਚਾਹ ਪਿਲਾ ਕੇ ਕੀਤਾ ਅਧਿਆਪਕਾ ਨਾਲ ਰੇਪ, ਖਿਚੀਆਂ ਅਸ਼ਲੀਲ ਫੋਟੋਆਂ
NEXT STORY