ਅੰਮ੍ਰਿਤਸਰ (ਰਮਨ) : ਟਾਰਗੇਟ ਵਿਅਕਤੀ ਦਾ ਹਨੀ ਟ੍ਰੈਪ ਲਗਾ ਕੇ ਉਸ ਦੀ ਵੀਡੀਓ ਬਣਾ ਕੇ ਭੋਲੇ-ਭਾਲੇ ਲੋਕਾਂ ਨੂੰ ਬਲੈਕਮੇਲ ਕਰ ਕੇ ਉਨ੍ਹਾਂ ਪਾਸੋਂ ਪੈਸੇ ਹੜੱਪਣ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਕਰਦਿਆਂ ਥਾਣਾ ਮਕਬੂਲਪੁਰਾ ਦੀ ਪੁਲਸ ਨੇ 4 ਔਰਤਾਂ ਅਤੇ 8 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ।
ਪ੍ਰੈੱਸ ਕਾਨਫਰੰਸ ਦੌਰਾਨ ਏ. ਡੀ. ਸੀ. ਪੀ. ਸਿਟੀ-3 ਜਸਰੂਪ ਕੌਰ ਬਾਠ ਨੇ ਦੱਸਿਆ ਕਿ ਏ. ਸੀ. ਪੀ. ਈਸਟ ਡਾ. ਸੀਤਲ ਸਿੰਘ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਅਮਨਜੋਤ ਕੌਰ ਮੁੱਖ ਅਫਸਰ ਥਾਣਾ ਮਕਬੂਲਪੁਰਾ ਸਮੇਤ ਪੁਲਸ ਟੀਮ ਵੱਲੋਂ ਇਸ ਗਿਰੋਹ ਦਾ ਪਰਦਾਫਾਸ਼ ਕਰ ਕੇ ਥਾਣਾ ਮਕਬੂਲਪੁਰਾ ਵਿਖੇ ਮੁਕੱਦਮਾ ਦਰਜ ਕੀਤਾ ਹੈ।
ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਮੁਲਜ਼ਮਾਂ ਦੀ ਪਛਾਣ ਸੁਖਚੈਨ ਸਿੰਘ ਵਾਸੀ ਬਟਾਲਾ, ਮਨਜੀਤ ਸਿੰਘ ਵਾਸੀ ਬਟਾਲਾ, ਰਾਜਬੀਰ ਸਿੰਘ ਵਾਸੀ ਮਕਬੂਲਪੁਰਾ, ਅਮਨਜੀਤ ਕੌਰ ਵਾਸੀ ਮਕਬੂਲਪੁਰਾ, ਮਨਜੀਤ ਕੌਰ ਵਾਸੀ ਮਹਿਤਾ ਰੋਡ ਮਕਬੂਲਪੁਰਾ, ਸੋਨੂੰ ਵਾਸੀ ਪਿੰਡ ਜਮਸ਼ੇਰ ਖਾਸ ਜਲੰਧਰ, ਮਨਿੰਦਰਜੀਤ ਸਿੰਘ ਵਾਸੀ ਅਕਾਸ਼ ਵਿਹਾਰ ਕਾਲੋਨੀ ਅੰਮ੍ਰਿਤਸਰ, ਸੋਹਨ ਸਿੰਘ ਵਾਸੀ ਪਿੰਡ ਟਾਹਲੀਆ ਮਾਨਸਾ, ਸਤਬੀਰ ਸਿੰਘ ਵਾਸੀ ਪਿੰਡ ਬੀਜਾਪੁਰ ਘਰਿੰਡਾ ਅੰਮ੍ਰਿਤਸਰ, ਬਲਜੀਤ ਸਿੰਘ ਵਾਸੀ ਦੀਪ ਨਗਰ ਰਣਜੀਤ ਇੰਨਕਲੇਵ, ਜਲੰਧਰ, ਮਗਦ ਲੀਲਾ ਵਾਸੀ ਪਿੰਡ ਸੰਸਾਰਪੁਰ ਜਲੰਧਰ, ਪੁਸਪਿੰਦਰ ਕੌਰ ਵਾਸੀ ਪਿੰਡ ਰਾਮਗੜ੍ਹ ਕੁਲੀਆਂ ਮੁਕੇਰੀਆਂ ਹੁਸ਼ਿਆਰਪੁਰ ਵਜੋਂ ਹੋਈ ਹੈ, ਜਿਨ੍ਹਾਂ ਕੋਲੋਂ 36 ਹਜ਼ਾਰ ਰੁਪਏ, 3 ਕਾਰਾਂ (ਆਈ-20, ਸਵੀਫਟ ਤੇ ਸਿਆਜ਼), 03 ਫਰਜ਼ੀ ਆਈ. ਕਾਰਡ ਬਰਾਮਦ ਕੀਤੇ ਗਏ ਹਨ।
ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਜਸਪਾਲ ਸਿੰਘ ਉਰਫ਼ ਜਾਨੀ ਸਿੰਘ ਵਾਸੀ ਪਿੰਡ ਮਾੜੀ ਬੁਚਿਆਂ, ਥਾਣਾ ਸ੍ਰੀ ਹਰਗੋਬਿੰਦਪੁਰ, ਤਹਿਸੀਲ ਬਟਾਲਾ, ਜ਼ਿਲਾ ਗੁਰਦਾਸਪੁਰ ਹਾਲ ਵਾਸੀ ਟਾਂਡਾ, ਜ਼ਿਲਾ ਹੁਸ਼ਿਆਰਪੁਰ ਨੇ ਪੁਲਸ ਨੂੰ ਦਰਜ ਕਰਵਾਏ ਬਿਆਨਾਂ ਵਿਚ ਦੱਸਿਆ ਸੀ ਕਿ ਕਰੀਬ 10/12 ਦਿਨ ਪਹਿਲਾਂ, ਉਹ ਆਪਣੇ ਘਰ ਟਾਂਡਾ ਵਿਖੇ ਸੀ ਕਿ ਉਸ ਦੇ ਮੋਬਾਇਲ ’ਤੇ ਵ੍ਹਟਸਐਪ ਕਾਲ ਆਈ ਜੋ ਇਕ ਔਰਤ ਦੀ ਆਵਾਜ਼ ਸੀ, ਜਿਸ ਨੇ ਕਿਹਾ ਕਿ ਤੁਸੀਂ ਮੇਰਾ 5/6 ਸਾਲ ਪਹਿਲਾਂ ਫੈਸਲਾ ਕਰਵਾਇਆ ਸੀ। ਹੁਣ ਮੇਰਾ ਫਿਰ ਪੰਗਾ ਪੈ ਗਿਆ ਹੈ ਅਤੇ ਮੇਰਾ ਫੈਸਲਾ ਕਰਵਾ ਦਿਉ।
ਬੀਤੀ 6 ਮਈ ਨੂੰ ਆਪਣੀ ਕਾਰ ਨੰਬਰ ਪੀ.ਬੀ 06-ਬੀ. ਐੱਫ.- 2125 ਮਾਰਕਾ ਟਾਟਾ ਪੰਚ, ਅਫਲਾ ਵੱਲ ਮਾਲ ਦੇ ਬਾਹਰ ਆਇਆ ਤਾਂ ਉੱਥੇ ਇਕ ਔਰਤ ਅਤੇ ਇਕ ਵਿਅਕਤੀ ਮੋਟਰਸਾਈਕਲ ’ਤੇ ਆਏ ਅਤੇ ਉਸ ਨੂੰ ਆਪਣੇ ਨਾਲ ਜੋਸਨ ਹਸਪਤਾਲ ਮਕਬੂਲਪੁਰਾ ਮਹਿਤਾ ਰੋਡ ਗਲੀ ਦੇ ਨਾਲ ਕੋਠੀ ਵਿਚ ਲੈ ਗਏ ਅਤੇ ਉਸ ਨੂੰ ਇਕ ਕਮਰੇ ਵਿਚ ਬੈਠਾ ਦਿੱਤਾ, ਜਿਹੜੀ ਔਰਤ ਉਸ ਨੂੰ ਲੈ ਕੇ ਆਈ ਸੀ, ਉਸ ਨੇ ਕਮਰੇ ਦੀ ਕੁੰਡੀ ਬੰਦ ਕਰ ਲਈ ਜਦ ਉਸ ਨੇ ਵਿਰੋਧ ਕਰ ਕੇ ਕੁੰਡੀ ਖੋਲ੍ਹ ਕੇ ਬਾਹਰ ਨਿਕਲਣ ਲੱਗਾ ਤਾਂ 3 ਔਰਤਾਂ 4 ਵਿਅਕਤੀ ਆ ਗਏ, ਜਿਨ੍ਹਾਂ ਵਲੋਂ ਦੁਬਾਰਾ ਦਰਵਾਜ਼ੇ ਦੀ ਕੁੰਡੀ ਲਗਾ ਕੇ ਉਸ ਨੂੰ ਕਮਰੇ ਅੰਦਰ ਡੱਕ ਦਿੱਤਾ ਅਤੇ ਉਥੇ ਮੌਜੂਦ ਵਿਅਕਤੀਆ ਵਿਚੋਂ ਇਕ ਆਦਮੀ ਨੇ ਥਾਣੇਦਾਰ ਵਾਲੀ ਪੁਲਸ ਦੀ ਵਰਦੀ ਪਾਈ ਹੋਈ ਸੀ ਅਤੇ ਆਪਣਾ ਆਇਡੈਂਟੀ ਕਾਰਡ ਉਸ ਨੂੰ ਦਿਖਾਇਆ ਅਤੇ ਦੱਸਿਆ ਕਿ ਮੈਂ ਪੁਲਸ ਵਿਚ ਥਾਣੇਦਾਰ ਹਾਂ ਅਤੇ ਸਾਰੇ ਮੈਨੂੰ ਧੱਕਾਮੁਕੀ ਕਰ ਕੇ ਮਾਰਨ ਕੁੱਟਣ ਲੱਗ ਪਏ ਅਤੇ ਜ਼ਬਰਦਸਤੀ ਉਸ ਦੇ ਕੱਪੜੇ ਉਤਾਰ ਦਿੱਤੇ, ਜਿਹੜੀ ਔਰਤ ਉਸ ਨੂੰ ਨਾਲ ਲੈ ਕੇ ਆਈ ਸੀ, ਉਸ ਨੇ ਵੀ ਆਪਣੇ ਕੱਪੜੇ ਉਤਾਰ ਦਿੱਤੇ ਇਕ ਲੜਕੇ ਨੇ ਉਨ੍ਹਾਂ ਦੀ ਮੋਬਾਇਲ ਫੋਨ ’ਤੇ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੱਤੀ ਅਤੇ ਉਸ ਨੂੰ ਧਮਕੀਆਂ ਦੇਣ ਲੱਗੇ ਕਿ ਹੁਣ ਤੇਰੇ ’ਤੇ ਅਸੀਂ ਪਰਚਾ ਦਰਜ ਕਰਾਉਣਾ ਹੈ। ਤੇਰੀ ਬਣਾਈ ਵੀਡੀਓ ਵਾਇਰਲ ਕਰ ਦੇਣੀ ਹੈ ਜਾਂ ਤੈਨੂੰ ਜਾਨੋਂ ਮਾਰ ਦੇਣਾ ਹੈ ਤੇ ਉਸ ਪਾਸੋਂ ਸਮਝੌਤਾ ਕਰਨ ਲਈ ਕਾਫੀ ਵੱਡੀ ਰਕਮ ਦੀ ਮੰਗ ਕਰਦੇ ਹੋਏ 4 ਲੱਖ ਰੁਪਏ ਵਿਚ ਸਮਝੌਤਾ ਹੋ ਗਿਆ।
ਇਹ ਲੋਕ ਮੌਕਾ ’ਤੇ ਮੇਰੇ ਪਾਸੋਂ ਪੈਸੇ ਮੰਗਣ ਲੱਗ ਪਏ ਤਾਂ ਉਸ ਨੇ ਕਿਹਾ ਕਿ ਇੰਨੇ ਪੈਸੇ ਇਸ ਵਕਤ ਮੇਰੇ ਪਾਸ ਨਹੀਂ ਹਨ ਤਾਂ ਜਿਸ ਵਿਅਕਤੀ ਨੇ ਪੁਲਸ ਦੀ ਵਰਦੀ ਪਾਈ ਸੀ ਨੇ ਉਸ ਦੇ ਪਰਸ ਜੇਬ ਵਿਚੋਂ ਕੱਢ ਲਿਆ, ਜਿਸ ਵਿਚ 18000/-ਰੁਪਏ ਅਤੇ ਉਸ ਦੇ ਕਾਗਜ਼ਾਤ ਐੱਸ. ਬੀ. ਆਈ. ਬੈਂਕ ਦਾ ਏ. ਟੀ. ਐੱਮ. ਕਾਰਡ ਵੀ ਸੀ ਅਤੇ ਫਿਰ ਜਿਸ ਆਦਮੀ ਨੇ ਵੀਡਿਓ ਬਣਾਈ ਸੀ, ਨੂੰ ਉਸ ਨੂੰ ਆਪਣੇ ਅਕਾਊਂਟ ਵਿਚ 45000/-ਰੁਪਏ ਉਸੇ ਬੈਂਕ ਵਿਚ ਹੀ ਉਸੇ ਟਾਇਮ ਦੇ ਦਿੱਤੇ ਤੇ ਉਸ ਨੂੰ ਇਸੇ ਲੜਕੇ ਨੇ ਆਪਣੇ ਨਾਲ ਜੋਸਨ ਹਸਪਤਾਲ ਮਕਬੂਲਪੁਰਾ ਮਹਿਤਾ ਰੋਡ ਦੇ ਨਾਲ ਗਲੀ ਵਿਚ ਦੁਬਾਰਾ ਉਸੇ ਕੋਠੀ ਵਿਚ ਲੈ ਆਏ ਅਤੇ ਕੋਠੀ ਵਿਚ ਬੈਠ ਕੇ ਉਸ ਨਾਲ ਬਾਕੀ ਰਹਿੰਦੀ ਰਕਮ 3,55,000/- ਰੁਪਏ, ਬੀਤੀ 8 ਜੂਨ ਨੂੰ 4 ਵਜੇ ਸ਼ਾਮ ਦੇਣ ਬਾਰੇ ਲਿਖਤੀ ਇਕਰਾਰਨਾਮਾ ਲਿਖਿਆ ਅਤੇ ਮੁੱਦਈ ਦੀ ਗੱਡੀ ਦੀ ਚਾਬੀ ਅਤੇ ਮੋਬਾਇਲ ਫੋਨ ਉਸ ਦੇ ਹਵਾਲੇ ਕਰ ਦਿੱਤਾ ਅਤੇ ਬਾਕੀ ਪਰਸ ਅਤੇ ਕਾਗਜਾਤ ਆਪਣੇ ਪਾਸ ਰੱਖ ਲਏ ਤੇ ਉਹ ਆਪਣੀ ਗੱਡੀ ਲੈਕੇ ਆਪਣੇ ਘਰ ਚਲਾ ਗਿਆ।
ਇਕਰਾਰ ਮੁਤਾਬਿਕ 3,55,000/-ਰੁਪਏ ਦੇਣ ਲਈ ਆਇਆ ਸੀ ਤਾਂ ਜਿਥੇ ਇਹ ਵਿਅਕਤੀ ਗੱਡੀ ਨੰਬਰੀ ਪੀ. ਬੀ. 06-ਏ. ਐੱਮ-6400 ਪਰ ਆਏ ਅਤੇ ਉਸ ਨੂੰ ਸ਼ੱਕ ਹੋ ਗਿਆ ਤੇ ਉਸ ਨੇ ਆਸਾ ਪਾਸਾ ਕਰ ਕੇ ਉਥੋ ਖਿਸਕ ਗਿਆ। ਸ਼ੁਰੂਆਤੀ ਪੁੱਛਗਿੱਛ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਇਨ੍ਹਾਂ ਸਭ ਨੇ ਆਪਸ ਵਿਚ ਮਿਲ ਕੇ ਇਕ ਗਿਰੋਹ ਬਣਾਇਆ ਹੈ, ਜੋ ਪਹਿਲਾਂ ਕਿਸੇ ਤਰੀਕੇ ਨਾਲ ਟਾਰਗਟ ਕੀਤੇ ਵਿਅਕਤੀ ਨੂੰ ਕਮਰੇ ਵਿਚ ਬੰਦੀ ਬਣਾ ਕੇ, ਉਸ ਦੇ ਦੇ ਕਪੜੇ ਲਹਾ ਕੇ ਆਪਣੀਆਂ ਭੇਜੀਆਂ ਹੋਈਆਂ ਔਰਤਾਂ ਨਾਲ ਨਿਊਡ ਵੀਡੀਓ ਬਣਾ ਕੇ ਟਾਰਗੇਟ ਵਿਅਕਤੀ ਨੂੰ ਬਲੈਕਮੇਲ ਕਰਦੇ ਹਨ ਅਤੇ ਵੱਡੀ ਰਕਮ ਦੀ ਮੰਗ ਕਰਦੇ ਹਨ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਕੇ ਧੋਖਾ ਕਰ ਕੇ ਠੱਗੀ ਮਾਰਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮੋਗਾ ਦੇ ਕਸ਼ਮੀਰੀ ਪਾਰਕ 'ਚੋਂ ਮਿਲੀ ਅਣਪਛਾਤੇ ਨੌਜਵਾਨ ਦੀ ਲਾਸ਼
NEXT STORY 
